San Lucas 16:1 - Nuevo Testamento Uwotjüja

¹ Ja̧'wa̧ta̧nü̧ Jesú-mä̧ u̧wo̧juȩtä̧u̧rü ji'äwinü̧: ya̧tȩ pärätä ru̧wa̧ üäre tta̧'ä̧rü̧rü̧ kku̧nä̧ri̧nü̧; ja̧'wa̧nü̧ ja̧'a̧, jua̧u̧ u̧mü̧wä̧ya̧mä̧, u̧ru̧wa̧ iäre pärätä surojuoepa'a jittäwinä̧ku̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧ta̧nö̧ Jesús pä'inödo u̧huo̧juȩtä̧u̧ru̧: —Ya̧tȩ järe ru̧hua̧ ki̧nö̧do. Ja̧u̧ ku̧nä̧ri̧nö̧do u̧mö̧huä̧ya̧ ippeyä ru̧hua̧rö̧. Ja̧'hua̧nö̧ ja̧'a̧ ja̧u̧ ippeyä ru̧hua̧ jȩö̧mä̧ ji'ähuinätödo ji̧nä̧ isocu ru̧hua̧rö̧. “Ja̧u̧ cuippeyä ru̧hua̧ suronä be'ecu icu cuhuäre”, ji'ähuinätödo.

San Lucas 16:1 Iomraidhean Croise

San Mateo 20:8

Täkü, yodó juomȩnä̧ uwa pätta u̧ru̧wa̧mä̧ adikuä isotü ttu̧ru̧wa̧rü̧ pä'inü̧: Adikuä ttü̧ja̧rü̧ wopo'ü mi̧tä̧ri̧, ä̧kuo̧mȩnä̧mä̧ rüjinä̧ kka̧kuä̧mä̧jä̧tü̧ttü̧ kkä̧mä̧dü̧, jua̧u̧nü̧ o'ka'a rüjí ja̧'a̧ku̧mä̧ ä'kanä̧ kka̧kuä̧mä̧jä̧tü̧bü kä'ädü.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Lucas 15:13

Iyäja'attümä̧, a̧'u̧kua̧'a̧tä̧ mo̧ro̧ o'ka'a, o'kajuiyünä̧ ka̧ka̧ti̧'i̧pü̧, i̧tti̧ rüjí ru̧wa̧ päjimä̧, kkoro rȩjȩra̧'a̧ i̧wi̧'i̧nü̧; jua'attümä̧ o'kajuiyünä̧tä̧ be'eku ikuinü̧, pä̧wä̧rü̧ja̧'a̧ku̧tä̧ jȩpü̧ kkä̧nü̧.

San Lucas 15:30

Ja̧'wa̧nü̧ ja̧'a̧nä̧, pide kui̧tti̧, pärätä nä̧tü̧ u̧mi̧ttü̧ja̧ku̧ be'eku ikuinü̧rü̧mä̧, päkäyä rü̧ȩnä̧ bä̧rȩpa̧ttü̧ kuä'äji̧jä̧.

San Lucas 16:19

Ya̧tȩ pärätä ru̧wa̧ kki̧nü̧, ü̧'ka̧tä̧wä̧ti̧yu̧'i̧nä̧ adiwäjuei rü̧ȩnä̧ mikuäutä 'ka̧tä̧u̧, 'kuäopünä̧ mo̧ro̧ ji̧nü̧ a̧'u̧kuä̧ pä'käri jȩpä̧'chü̧tä̧ ku.

San Lucas 16:2

Jua̧u̧ ä̧ju̧ku̧ u̧ru̧wa̧mä̧ wopo'ü jä'epü ä̧ju̧kui̧nä̧ku̧: ¿Däjé jittäwättü̧, yojamä̧, uku kutü'kümä̧? Kuäditä'ijü jo̧mȩnü̧ jȩpü̧ ji'äwittü, täkü ttü chu̧mü̧wä̧ya̧ jü̧nä̧ kuadita pä'ümä̧ jui̧'a̧jä̧.

San Lucas 19:20

Ja̧'wa̧nü̧ ja̧'a̧nä̧ kka̧ra̧'i̧nä̧ ichi'ü pä'inü̧: Chu̧ru̧wa̧, kuiäre pärätä ji̧nü̧mä̧, ja̧já̧ pi̧yȩsä̧. Pä̧yu̧wä̧rȩta̧nä̧ täropü wa'adü chu̧ju̧ni̧na̧'a̧.

San Lucas 8:3

Ja̧'wa̧ta̧nü̧ Herode iare pärätä tta̧wä̧rä̧kuä̧wä̧ i̧sa̧, Chuza irekua Juana'i̧nä̧ ji̧na̧'a̧; ja̧'wa̧ta̧nü̧ Susana'i̧nä̧; ja̧'wa̧ta̧nü̧ kkorotü nä̧tü̧'i̧nä̧ rekuinä̧tü̧ ttu̧ju̧nä̧rü̧nä̧ Jesú-ru iyü ppä'ädä̧rä̧tü̧mä̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

Santiago 4:3

Ja̧'wa̧ta̧nü̧ jäkuepätukumä̧ ȩmo̧ko̧tü̧jä̧, jua'amä̧ ukuturutä pä̧wä̧rü̧jo̧mȩnä̧tä̧ be'epäjipü kuikuätukua pä'ütä amükuädü jäkuepätukua'attü̧.

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.