San Lucas 15:6 - Nuevo Testamento Uwotjüja

⁶ ojusodera̧'a̧ 'chä̧wi̧'ü̧mä̧, awaruwärü'i̧nä̧, ojusode ppeyänä̧ kka̧kuä̧tü̧rü̧'i̧nä̧ ka̧ka̧to̧'ü̧ pä'ü: Ttütäku eseäkuäwätukui, täkü chäjirümä̧ po̧kui̧pä̧ji̧sä̧, jü̧nä̧.

San Lucas 15:6 Iomraidhean Croise

San Lucas 1:58

Kkojusode ppeyä kka̧kuä̧tü̧'i̧nä̧, kkawaruwä'i̧nä̧ Tu̧ru̧wa̧ Dio juäjuru rȩrü̧jü̧ topü rü̧ȩnä̧ jȩä̧ji̧ ä̧ju̧kui̧pä̧jä'kotü, juäjuru eseu 'chi̧nä̧tü̧

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

San Lucas 15:24

Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧.

San Lucas 15:5

Ja̧'wa̧nü̧ i̧'chä̧ja̧'a̧ po̧kui̧pü̧, u'upi'kanä̧ kä'eku wȩnä̧wi̧'ü̧,

San Lucas 15:7

Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.

San Juan 15:14

Ukutumä̧ ttü chawaruwä kuäkuotüjä̧, ttü wedü wȩnȩ jȩ'kuä̧tu̧ku̧ttü̧tä̧.

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

Filipenses 1:4

Dio-rü chukuokuomȩnä̧mä̧ 'kuäopünä̧ eseunu̧ ukuokusä ukutu o'katoi'ünä̧rü̧ ja̧'a̧tȩ'ü̧;

Filipenses 2:17

Ja̧'wa̧ta̧nü̧ chukuoja sacrificio jü̧nä̧, altar pättomȩ tta̧'kua̧ wȩnä̧rü̧ ofrenda jü̧nä̧ ririäkuäwächünä̧ jȩtta̧ja̧ pä'ü'i̧nä̧, esewajüsä ukutu kua̧'kua̧ ku̧wȩnä̧rä̧tu̧ku̧ ukutuku chesewa pä'üsä.

Filipenses 4:1

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ ukutumä̧ rü̧ȩnä̧ rȩpȩdä̧u̧ kuätukua'attü, ya̧tȩtä̧ Tu̧ru̧wa̧nä̧ yaboku tätukui. Ukuturumä̧ jäwänä̧mä̧ mikuäwächäku eseusä.

1 Tesalonicenses 2:19

Ja̧'wa̧nü̧ ja̧'a̧ttü̧mä̧ ¿ti̧yȩjä̧ttü̧ ujutu tesewa pä'ü tta̧tä̧rü̧mä̧, corona pättü jü̧nä̧ tesewä̧kuȩmä̧, Tu̧ru̧wa̧ Jesucrito ichomȩnä̧, ä'kattümä̧? Kkorotümä̧ toa'a, Jua̧u̧mä̧ ukututä jä̧kua̧'a̧.

1 Pedro 2:10

Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.

1 Pedro 2:25

Ja̧'wa̧nü̧ ja̧'a̧ttü̧ ä'kojimä̧ oweja-tü̧ re'tewächätü jä̧'i̧nü̧'a̧nü̧ kue'ächinä̧tü̧jä̧, ja̧'wa̧nü̧ ja̧'a̧nä̧ jitämä̧ Crito-nä̧ ppa̧'ä̧chinä̧tü̧jä̧, Pató jä̧'i̧nü̧'a̧nü̧ ukuturu to̧pä̧rü̧ tta̧'a̧ru̧nä̧.