San Lucas 15:29 - Nuevo Testamento Uwotjüja

²⁹ Ja̧'wa̧nü̧ ukuokuäku, jä'orü pä'inü̧: Ttü ukú kuaditäwä rekuo mo̧ro̧ chaditä'ija'amä̧ wo̧jua̧jä̧, yoriso chütäwe'oka'a ja̧'wa̧nü̧ ja̧'a̧nä̧ päkäyä ji̧'ki̧cha̧wa̧rü̧'i̧nä̧, chawaruwäku chesewa pä'ümä̧, kuiyokoku pä'ijüsä.

TÄ̧DO Ä̧CUÄ̧ I̧HUȨNȨ

²⁹ Ja̧u̧ pä'inödo jä'orö: “Ucu huo̧jua̧jä̧ rö̧ȩnä̧ a̧'ȩ aditinösä ucuru jarodäcuähuä juiyönä. Ja̧'hua̧nö̧ ja̧'a̧nä̧ yoröisotä cabritorö'inä cuiyococö pä'ijösä, ttö'inä fiesta chadita pä'ö chahuaruhuäcu.

San Lucas 15:29 Iomraidhean Croise

San Mateo 20:12

pä'inä̧tü̧: «Jitüja rüjinä̧ ichü, suro ji̧yȩtȩ hora-tä aditäjärü'i̧nä̧ ujutu ya'ute mo̧ro̧ 'kuäo'ünä̧ aditü, du'a'a kkä̧nü̧ usurä ȩmä̧wä̧jä̧tü̧ jü̧ta̧'a̧nü̧ i̧mi̧tä̧jä̧u̧,» jü̧nä̧.

San Lucas 15:28

Ja̧'wa̧nü̧ ä̧ju̧ku̧ ubüomä̧ rü̧ȩnä̧ ra̧wä̧ri̧pü̧, jakuojukumä̧ doächa päoka'a, jä'omä̧ doächa pä'ü ukuoku i̧'chi̧nä̧ku̧.

San Lucas 15:30

Ja̧'wa̧nü̧ ja̧'a̧nä̧, pide kui̧tti̧, pärätä nä̧tü̧ u̧mi̧ttü̧ja̧ku̧ be'eku ikuinü̧rü̧mä̧, päkäyä rü̧ȩnä̧ bä̧rȩpa̧ttü̧ kuä'äji̧jä̧.

San Lucas 15:7

Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.

San Lucas 17:10

Ja̧'wa̧nü̧ jü̧ta̧'a̧nü̧, ukutu'i̧nä̧ Dio weü jo̧mȩnü̧ jȩ'kuä̧tu̧kuo̧mȩnä̧mä̧, päkuätukuajä̧: umüwäyotü ta'anä̧ jȩtü̧ juiyünä̧ wotüjä̧to, suro weütätä jȩtä̧ja̧'a̧ttü̧.

San Lucas 18:9

Jesú-mä̧ tta̧mü̧nä̧ pa̧ja̧tü̧, adiwä isotü 'kua̧rü̧nä̧ topäkuäu, kkorotürü kkü'kokotürümä̧ pi̧yȩnä̧ wȩnȩtü̧ ji'äwinü̧:

San Lucas 19:21

Jua'amä̧, ukuru ye'eku jȩchi̧na̧'a̧, ukurumä̧ rü̧ȩnä̧ jä'epü pä'ü, u̧ju̧no̧kü̧'i̧nä̧ ȩmü̧ ja̧'a̧, ja̧'wa̧ta̧nü̧ kku̧nu̧ usurä ȩmä̧wo̧kü̧'i̧nä̧ u̧wä̧ju̧ ka̧ka̧tä̧rü̧ pä'ü chu̧wo̧jua̧'a̧ttü̧.

Romanos 10:3

Wo̧jui̧'o̧ko̧tü̧ Dio-mä̧ su̧ro̧pa̧rü̧'i̧nä̧ adiwä i̧sa̧ päi'ünä̧ jȩpü̧ päümä̧. Ja̧'wa̧nü̧ ja̧'a̧ttü̧ kkoro jueitä jȩtta̧ pä'ü amükuädinä̧tü̧ Dio ȩma̧tü̧ pä'ümä̧. Isopäi'ünä̧ ja̧'wa̧nü̧ jȩpü̧ Dio ȩma̧ pä'ü amükuädina̧'a̧ku̧mä̧ ya'okuinä̧tü̧.

Romanos 3:20

Ja̧'wa̧nü̧ ja̧'a̧ttü̧ Dio ä'kattümä̧, ya̧tȩ'i̧nä̧ weäwä wȩnȩ ukuotü jȩa̧'a̧tä̧mä̧, adiwä jueikumä̧ juo'ächokü jä̧kua̧; jua̧u̧, weäwä wȩnȩmä̧ surojü jȩtü̧tä̧ ttu̧wo̧jui̧pü̧nä̧ ji̧na̧'a̧ttü̧.

Romanos 3:27

¿Ja̧'wa̧nü̧ ja̧'a̧mä̧, Dio ä'kattü, ttü̧ja̧sa̧ ukuo te'äumä̧ tȩnȩ́ kki̧'a̧'a̧jä̧ttü̧? Kki̧'o̧ka̧'a̧tä̧ toe'a'a ¿Jua'amä̧ ti̧yȩ weäwä wȩnȩ pä'a? Jua̧u̧mä̧ weäwä wȩnȩ päü'a̧kuä̧ jȩtto̧mȩnä̧mä̧kü̧, jua̧u̧mä̧ tta̧'kua̧ wȩnä̧rü̧ ttesetomȩnä̧ ja̧'a̧.

Romanos 7:9

Ja̧'wa̧ta̧nü̧ ttümä̧ weäwä wȩnȩ juiyünä̧ kki̧nü̧sä̧; ja̧'wa̧nü̧ ja̧'a̧nä̧ weäwä wȩnȩ rȩbȩwo̧mȩnä̧mä̧, ukuotäkuäwokümä̧ a̧'kua̧ri̧'i̧na̧'a̧ ttünä̧.

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.

Apocalipsis 3:17

Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.