San Lucas 15:2 - Nuevo Testamento Uwotjüja

² Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧: —Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧.

TÄ̧DO Ä̧CUÄ̧ I̧HUȨNȨ

² Ja̧'hua̧nö̧ ja̧'a̧ fariseos huotö'inä, hueähuä huȩnȩ huo̧juȩtä̧tö̧'i̧nä̧ suronä pättä'chinäcudo. Pä'inätödo: —Chujuamä eseunu jȩpö̧ suronä jȩpä̧tö̧rö̧. Ja̧'hua̧ta̧nö̧ u̧cuȩ jahuätötäcu cu.

San Lucas 15:2 Iomraidhean Croise

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Mateo 9:11

Ja̧'wa̧nü̧ ukua'a topü, fariseo wotümä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧ Roma-ra̧'a̧ iyäwä pärätä ka̧ka̧tä̧'i̧jä̧tu̧ku̧'i̧nä̧, suronä̧ jȩpä̧'i̧jä̧tu̧ku̧'i̧nä̧ u̧kuȩmä̧ ukua'ajä̧ttü̧?

San Lucas 15:3

Pättä'chiyäku, ä̧ju̧ku̧ Jesú-mä̧ pa̧'a̧nü̧ wȩnȩtü̧ päinä̧u̧:

San Lucas 19:7

Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü.

San Lucas 5:30

Ja̧'wa̧nü̧ ji̧yä̧u̧ fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotü'i̧nä̧ Jesú u̧wo̧juȩtä̧u̧rü ttüjü'kü juiyünä̧ jä̧u̧ pä'inä̧tü̧: —¿Tta̧'a̧nü̧ pä'ü ukutumä̧ impuesto ka̧ka̧kuä̧ isotüku, suronä̧ jȩä̧kuä̧wä̧ isotüku kuänü̧'i̧nä̧, au'i̧nä̧ pȩjä̧tü̧jä̧ttü̧?

San Lucas 7:34

Ja̧'wa̧nü̧ ja̧'a̧nä̧, ttü Ubo i̧tti̧, chu̧kuȩ'i̧nä̧ ku, au'i̧nä̧ au chichina̧'a̧mä̧ pä'ätüjä̧: «Topätukui, chujuarü, u̧kuȩ'i̧nä̧ kuru ja̧'wa̧ta̧nü̧ vino awäwä i̧sa̧rü̧ ja̧'wa̧ta̧nü̧ Roma-ra̧'a̧ weäwä ka̧ka̧tä̧'i̧jä̧tü̧'i̧nä̧, suronä̧ jȩpä̧tü̧'i̧nä̧ tta̧wa̧ru̧wa̧tä̧ wa̧rü̧,» jü̧nä̧.

San Lucas 7:39

Ja̧'wa̧nü̧ jȩja̧'a̧ topü, fariseo wa̧ ji̧nä̧so ä̧tȩpä̧ji̧mä̧, a̧'kua̧nä̧ amükuädinü̧: Isopäi'ünä̧, pidemä̧ profeta wa̧ jü̧ttü̧mä̧, paju jȩjü̧'i̧nä̧, yajurutä'i̧nä̧ wo̧jua̧jü̧ 'kua̧ra̧'a̧, surojü jȩpä̧'i̧jä̧ju̧ mȩjä̧ku̧sä̧ pä'ü.

Hechos 11:3

pättinä̧ku̧: —¿Tta̧'a̧nü̧ pä'ü, ukumä̧ circuncisión ukuotokotükumä̧ pä̧mä̧dü̧ kukua'ajä̧ttü̧?

Gálatas 2:12

Jua'amä̧, Sa̧ti̧a̧ku̧ wȩä̧jä̧u̧ judío ttichi'äkua'a ä'kanä̧mä̧, judío pokotüku u̧kuȩ kuä̧nü̧ jȩä̧ja̧'a̧nä̧, ttichi'omȩnä̧mä̧, ye'eku, ukuoka'a jȩo̧mȩttü̧.

1 Timoteo 1:15

Pi̧yȩmä̧ isopäi'ünä̧tä̧ ja̧'a̧ttü̧ o'katoi'ünä̧tä̧ kuesetätukua'anü̧ ja̧'a̧: Jesucrito-mä̧ pi̧jä̧ra̧'a̧ ichinü̧ suronä̧ jȩpä̧tü̧rü̧ ttü̧ji̧pü̧nä̧ ppä'ädü, juätüttü ya̧tȩ ä̧kuo̧mȩnä̧ suronä̧ jȩpi̧nü̧mä̧, ttü ja̧'a̧.