San Lucas 13:34 - Nuevo Testamento Uwotjüja

³⁴ ¡Jerusarȩ́ ttü̧ja̧we, Jerusarȩ́ ttü̧ja̧we, profetas wotürü kuä'äu iku, Dio wȩä̧u̧ru̧'i̧nä̧ inä̧dunä̧ ikuäu kuä'äu ikuätüjä̧! ¡kko̧ro̧nü̧ jü̧ta̧'a̧nü̧, kui̧tti̧mü̧tu̧ku̧ru̧mä̧, äkärä isaju kki̧tti̧mü̧rü̧ kkujuabiyä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧ chü̧ka̧ka̧ta̧ pädomȩnä̧, kkü'kokotü pä'ijätüjä̧!

TÄ̧DO Ä̧CUÄ̧ I̧HUȨNȨ

³⁴ “Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

San Lucas 13:34 Iomraidhean Croise

San Mateo 22:3

Jua̧u̧mä̧ u̧mü̧wä̧yotürü we'inü̧ ä̧tȩpä̧jä̧u̧ru̧ pä'kärira̧'a̧ ttichäkua'anü jittäwäjiyarü pä'ü. Ja̧'wa̧nü̧ weaja'anä̧ tticha pä'okotü pinä̧tü̧.

San Mateo 22:6

ja̧'wa̧nü̧ kkorotümä̧ ru̧wa̧ rey umüwäyotü wȩä̧jä̧u̧ru̧ 'chu'ädo'ü kuäkuäpäjä'kotü kuä'ü tti̧kui̧nä̧u̧.

San Lucas 15:28

Ja̧'wa̧nü̧ ä̧ju̧ku̧ ubüomä̧ rü̧ȩnä̧ ra̧wä̧ri̧pü̧, jakuojukumä̧ doächa päoka'a, jä'omä̧ doächa pä'ü ukuoku i̧'chi̧nä̧ku̧.

San Lucas 19:44

Ja̧'wa̧nü̧ jȩpü̧ ukuturu be'epäjipü iku, ütawiyä o'kajuiyünä̧tä̧ kki̧'i̧pü̧ juiyünä̧ pparächi'äkua'a. Jua'amä̧ Dio do'ächü ichäja'anä̧ ku̧wo̧juä̧tu̧kuo̧ka̧'a̧ ji̧no̧mȩttü̧.

San Lucas 23:28

Ja̧'wa̧nü̧ wotta'a topü, Jesú-mä̧ päinä̧u̧: Jerusarȩ́ ütawiyä nä̧tü̧, ttünä̧mä̧ kuajuäkuäwätukuä. Kui̧tti̧mu̧tu̧ku̧nä̧tä̧ ja̧'wa̧ta̧nü̧ ukutunä̧tä̧ ajuäkuäwätukui.

Hechos 7:52

Juätümä̧ profetas winä̧tü̧rü̧ kuä'ü ttikua pä'ütä jȩpi̧nä̧tü̧, Jesú, Dio wȩ'ä̧wa̧ ichü wȩnȩ ji'äwätürü kuä'ü ikuinä̧tü̧, ukutu'i̧nä̧ Jua̧u̧ru̧ iyü ikú kuä'ü ikuinä̧tü̧jä̧;

Hechos 7:59

Ja̧'wa̧nü̧ ja̧'a̧, inä̧du ttikuäwa'anä̧ Esteba̧-mä̧ Dio-rü pa̧'a̧nü̧ ukuokuinü̧: «Chu̧ru̧wa̧ Jesú, cha̧'kua̧ ru̧wa̧rü̧ ȩmi̧ttü̧.»

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

Apocalipsis 11:8

Juätü kuä'äu i̧kuä̧jä̧u̧ o'kotümä̧, ütawiyä bäreu mä̧ni̧yä̧nä̧ ttü'ȩjä̧kuo̧tü̧, epíritu jäwänä̧mä̧ Sodoma, Egito pä'ü mi̧kuomȩ, ujutu Tu̧ru̧wa̧rü̧ ü̧jo̧kä̧nü̧ jäinä̧ kuä'ü ttikuino̧mȩ.