San Lucas 11:43 - Nuevo Testamento Uwotjüja

⁴³ ¡Isoó ukutu fariseo wotüwe! sinagoga odewiyättümä̧ ä̧kuo̧mȩnä̧ dȩä̧ki̧yä̧nä̧ ku̧'ä̧tu̧kua̧ pä'ü kkü'kätüjä̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ukuo kkü̧nä̧ tettäwätukuaku pä'ätüjä̧.

TÄ̧DO Ä̧CUÄ̧ I̧HUȨNȨ

⁴³ “Fariseos huotö, suronä 'cuäopäcua'a ucuturu. Judíos ttu̧huo̧jui̧'i̧nodehuiyättö, korotöttö'inä abonänö adihuä̧cä̧nä̧ cu̧'ä̧mä̧dä̧tu̧cua̧ pä'ätöjä. Ja̧'hua̧ta̧nö̧ ötahuiyänä cuecuhuächätucuomenä, ucuotönö tettähuätucuacu pä'ätöjä.

San Lucas 11:43 Iomraidhean Croise

San Mateo 11:16

¿Pi̧yȩ pä̧nä̧ kka̧kuä̧tü̧rü̧mä̧ däjenä̧ chu̧wȩnȩtä̧u̧ttü̧? Ttu̧kuȩ ȩmä̧wo̧mȩttü̧ jareü pȩjü̧, ppo̧'ä̧tü̧ ttawaruwäku wopäkuäwätü jä̧'i̧nü̧'a̧nü̧ wotüjä̧, pa̧'a̧nü̧ pä'ä'chäkuäu:

San Lucas 20:46

«Weäwä wȩnȩ wo̧juȩkuä̧ isotürü ttu̧'ȩpä̧rä̧kuäu̧nu̧ kka̧kuä̧tu̧kui̧, ttü̧'ka̧tä̧wa̧ta̧ o̧to̧ä̧ta̧ 'ka̧tä̧wä̧tü̧rü̧, ttu̧kuȩ ȩmä̧wo̧mȩttü̧ ttü̧ja̧mä̧ ukuotünü̧ tettäwatü pä'ätürü. Ttu̧kuȩ ttukuomȩ'i̧nä̧ adiwomȩtä̧ ttü̧'ȩja̧ pä'ätürü. Ja̧'wa̧ta̧nü̧ sinagoga odewiyättü'i̧nä̧ ukuo dȩä̧kä̧nä̧ ttü̧'ä̧mä̧da̧ pä'ätürü.

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

3 Juan 1:9

Igresia-rü wȩyu̧tu̧ we'inü̧sä̧ ja̧'wa̧nü̧ ja̧'a̧nä̧ Diótrefe-mä̧ ukuotoka'a, juiyo weäwätä kkü̧'ka̧.