San Lucas 11:19 - Nuevo Testamento Uwotjüja

¹⁹ Isopäi'ünä̧ päkuätukuta'anü̧, ttü Beelzebú ujurunä̧, epíritu suropätürü rä'epe'ü chikuttümä̧, ¿Ukutu ku̧wo̧juȩtä̧tu̧kuäu̧ru̧mä̧, dí i̧yä̧u̧jä̧ttü̧ ttujurumä̧, rä'epe'ü ttikua pä'ümä̧? Ja̧'wa̧nü̧ ja̧'a̧ttü̧, juätütä jä̧kua̧'a̧ ukuturu suronä̧ jȩ'kuä̧tu̧kua̧'a̧ usurä kuȩmä̧wä̧tu̧kua̧ pä'ü pättäkuotümä̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ jö̧ttö̧mä̧, ¿Di ujurunä rä'epö tticuättö ucututä cumöhuäyotömä? Ja̧'hua̧nö̧ ja̧'a̧ttö̧ cumöhuäyotömä pä'ätö ucuturu yaparehuätöjä pä'ö.

San Lucas 11:19 Iomraidhean Croise

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Lucas 19:22

Ja̧'wa̧nü̧ päiyäku, jua̧u̧ru̧ ru̧wa̧mä̧ pä'inü̧: Chu̧mü̧wä̧ya̧ kua'anä̧ su̧ro̧pa̧jä̧, ukutä kui̧wȩnȩ päkunä̧tä̧ ro̧dȩpä̧ku̧jä̧. Tta̧'a̧nü̧ pä'ü, rü̧ȩnä̧ jädepü'i̧nä̧, chiyokü'i̧nä̧ chü̧ka̧ka̧tä̧ra̧'a̧, chu̧ju̧no̧kü̧'i̧nä̧ u̧wä̧ju̧ chü̧ka̧ka̧tä̧ra̧'a̧ ku̧wo̧jua̧'a̧nä̧;

San Lucas 9:49

Ju̧a̧-mä̧ jua̧u̧ru̧ pä'inü̧: —Wo̧juȩkuä̧ i̧sa̧, ya̧tȩ uku kui̧mi̧nä̧ epíritu-tu̧ suropätürü rä'epe'ü ikuiyä̧u̧; jȩü̧ juiyünä̧ pätäjäku, ujutuku kueächiyo̧ko̧u̧.

Hechos 19:13

Ja̧'wa̧nü̧ ja̧'a̧nä̧, yotukunä̧ judío mä̧ri̧mü̧ mä̧nä̧nä̧ kue'ächü, epíritu-tu̧ suropätürü, ttü̧ja̧ttü̧ rättopächünä̧ Jesú i̧mi̧nä̧ jȩtta̧ pä'ü, pä'inä̧tü̧: «Pauru jiäwä'ijäku Jesú i̧mi̧nä̧ räkuepä'chätukua pä'ü, wȩdä̧u̧jä̧.»

Romanos 3:19

Ja̧'wa̧nü̧ ja̧'a̧nä̧ o'kajuiyünä̧ weäwä wȩnȩ päümä̧, jua̧u̧nä̧tä̧ ukuotü kka̧kuä̧tü̧rü̧ pä'a; o'katoi'ünä̧tä̧ ttü'koruchi'a pä'ü ja̧'wa̧ta̧nü̧ pi̧jä̧ o'kajuiyünä̧ kka̧kuä̧tü̧mä̧, Dio pä'aku, ttümä̧ su̧ro̧pa̧sä̧ pättäwa pä'ü.