San Lucas 10:16 - Nuevo Testamento Uwotjüja

¹⁶ «Ukuturu ä̧ju̧kuä̧tü̧mä̧, ttürü'i̧nä̧ ä̧ju̧kuä̧tü̧; ja̧'wa̧ta̧nü̧ ukuturu kkü'kokotümä̧, ttürü'i̧nä̧ kkü'kokotü; ja̧'wa̧ta̧nü̧ ttürü kkü'kokotümä̧, ttürü we'inü̧rü̧'i̧nä̧, kkü'kokotü.»

TÄ̧DO Ä̧CUÄ̧ I̧HUȨNȨ

¹⁶ “Ucuturu ä̧ju̧cu̧ esetätömä, ttörö'inä esetätö. Ja̧'hua̧ta̧nö̧ ucuturu kö'cocotömä, ttörö'inä kö'cocotö. Ja̧'hua̧ta̧nö̧ ttörö kö'cocotömä, ttörö hue'inörö'inä kö'cocotö, —pä'ö huo̧juȩti̧nö̧do Jesús.

San Lucas 10:16 Iomraidhean Croise

San Mateo 10:40

Ukuturu eseu do'ädümä̧, ttürü eseu do'ädü; ja̧'wa̧ta̧nü̧ ttürü eseu do'ädümä̧, ttürü we'inü̧rü̧ eseu do'ädü.

San Mateo 18:5

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.

San Marcos 9:37

Ya̧tȩ ttü chi̧mi̧nä̧ ji̧'ki̧cha̧wa̧rü̧ ȩmü̧mä̧, ttürü ȩmü̧; ja̧'wa̧ta̧nü̧ ttürü ȩmü̧mä̧, ttürütämä̧ ȩmo̧kü̧, ji̧nä̧somä̧ ttürü we'inü̧rü̧ ȩmü̧.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

San Juan 12:44

Jesú-mä̧ pä̧i̧ku̧nä̧ pä'inü̧: Ttürü esetümä̧, ttürütämä̧ esetokü; Chä'o ttürü we'inü̧rü̧'i̧nä̧ esetü.

San Juan 12:48

Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

San Juan 13:20

Isopäi'ünä̧ pädäu̧jä̧: Ttü wedäkuru do'ädümä̧, Ttürü do'ädü; ja̧'wa̧ta̧nü̧ Ttürü do'ädümä̧, Ttürü we'inü̧rü̧ do'ädü.

Hechos 5:4

¿Tta̧'a̧nü̧ pä'ü ukutä kui̧rȩjä̧ ja̧'a̧nä̧? ¿iyü kuikuäji o'ka'a'i̧nä̧ ukutä kuiäre pärätä ja̧'a̧nä̧? ¿ja̧'wa̧nü̧mä̧ jȩ'kuä̧jä̧ttü̧? Ttü̧ja̧rü̧mä̧ yaparewokü päjijä̧, Dio-rü yaparewäjijä̧.

Gálatas 4:14

Jua̧u̧ na̧dä̧cha̧'a̧mä̧ ukuturumä̧ wȩnȩ ja̧'a̧nä̧, ttürü suronä̧ jȩpü̧ ya'okuokotü pinä̧tü̧jä̧. Yattokuajü jueimä̧, Dio i̧sa̧ á̧gȩ 'kua̧rü̧nä̧tä̧, ¡chutä Crito Jesú-ru jȩtta̧'a̧ jä̧'i̧ja̧'a̧nü̧tä̧ jȩ'kui̧nä̧tu̧kuä̧ku̧sä̧!

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.