San Lucas 1:66 - Nuevo Testamento Uwotjüja

⁶⁶ O'katoi'ünä̧ pi̧yȩ tü'kü ä̧ju̧kuä̧tü̧mä̧ jakuänä̧tä̧ amükuädinä̧tü̧: ¿Däjetäki̧ jȩä̧kua̧jä̧, Pide ji̧'ki̧cha̧wa̧mä̧? Jua'amä̧ Jua̧u̧nä̧tä̧ Dio kkü̧ pä'ü ttu̧wo̧jua̧'a̧ttü̧ amükuädinä̧tü̧.

TÄ̧DO Ä̧CUÄ̧ I̧HUȨNȨ

⁶⁶ O'ca toi'önä ja̧u̧ huo̧juä̧chi̧'ö̧mä̧ amöcuädö jä'ecue'inätödo ka̧ra̧ ka̧ra̧rö̧: —Pide ji̧'qui̧cha̧hua̧mä̧, ¿tta̧'a̧nö̧ qui̧ jä̧cua̧? Iso päi'önä U̧ru̧hua̧ ppädäjäcu.

San Lucas 1:66 Iomraidhean Croise

San Lucas 1:80

Ji̧'ki̧cha̧wa̧mä̧ büó juoüta'anü̧ epíritu jäwänä̧'i̧nä̧ ä̧rä̧mi̧nü̧; ja̧'wa̧nü̧ ja̧'a̧mä̧ rȩba̧ dȩ'a̧ra̧'a̧tä̧ kki̧nü̧, Irae ttü̧ja̧rü̧ i̧jȩkuo̧mȩbü päi'ünä̧.

San Lucas 2:19

Ja̧'wa̧nü̧ ja̧'a̧nä̧ María-mä̧ pi̧yȩ 'kuäopü o'kajuiyünä̧ kku̧ni̧chi'oka'a kka̧mi̧so'kinä̧ wa'adü kku̧ni̧nä̧ju̧.

San Lucas 2:40

Ji̧'ki̧cha̧wa̧mä̧ ujuruku'i̧nä̧, wo̧juä̧wä̧nä̧'i̧nä̧ ja̧'wa̧ta̧nü̧ chutä'i̧nä̧ buojuo'inü̧ ja̧'wa̧ta̧nü̧ Dio-mä̧ jua̧u̧ru̧ juiyo esewinü̧.

San Lucas 2:51

Ja̧'wa̧nü̧ jä̧ja̧'a̧mä̧, juätütäku Nazare ütawiyära̧'a̧ ppa̧'ä̧chi̧nü̧. Jua'attümä̧ juätü pätta'akutä ukuotü kki̧nü̧. Ja̧'wa̧nü̧ ja̧'a̧ ja̧ju̧mä̧ pi̧yȩ o'kajuiyünä̧ kka̧mi̧so'kinä̧ wa'adü kku̧ni̧nä̧ju̧.

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

Hechos 11:21

Ja̧'wa̧nü̧ jo̧mȩnä̧, Tu̧ru̧wa̧ Dio jäwä juätütäku kka̧'a̧ttü̧, rekuätü Tu̧ru̧wa̧ Jesucrito-rü esetü ikuinä̧tü̧.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,