San Lucas 1:2 - Nuevo Testamento Uwotjüja

² Ä̧kuo̧mȩnä̧ttü̧ kkä̧mä̧dü̧ tti'ärenä̧ tottinü̧'a̧kuä̧, Dio i̧wȩnȩ ji'äwinä̧tü̧.

San Lucas 1:2 Iomraidhean Croise

San Marcos 1:1

Tü̧ä̧nä̧wa̧ Dio I̧tti̧, i̧chä̧kua̧ pä'ü ukuowinü̧, Jesú ütü'kü jäwä, jareü wȩnȩmä̧, pa̧'a̧nü̧ kkä̧mä̧di̧na̧'a̧.

San Marcos 16:20

Ja̧'wa̧nü̧ ja̧'a̧, juätümä̧ kkoromȩ pünä̧ o'kajuiyünä̧ 'chä̧nü̧ jareü wȩnȩ ji'äwinä̧tü̧; Tu̧ru̧wa̧mä̧ ppä̧dinä̧u̧, jȩtto̧kü̧ jä̧'i̧jü̧ juei jȩttü̧nä̧, jareü wȩnȩ jittäwa'anä̧mä̧. Amȩ́.]

San Marcos 4:14

Kku̧nä̧wä̧ i̧sa̧ päjimä̧ jareü wȩnȩ ji'äuru wȩnȩkuä̧cha̧'a̧.

San Lucas 24:48

Pi̧yȩ to'kuätuku o'kajuiyünä̧ jikuäwäkuotümä̧, ukututäjä̧.

San Juan 15:27

Ja̧'wa̧ta̧nü̧ ukutu'i̧nä̧ ttü chütü'kü jikuäwäkuotüjä̧, ä̧kuo̧mȩnä̧tä̧ päi'ünä̧ ttüku ku̧ja̧kuä̧'i̧tu̧kua̧'a̧ttü̧.

San Juan 16:4

Pi̧yȩmä̧ ji̧dä̧wä̧u̧jä̧, jua̧u̧nü̧ mo̧ro̧ rȩbȩä̧kuä̧wo̧mȩnä̧, täkü jiäwinä̧u̧jä̧ pä'ü kuamükuädätukuäkua'anü̧, Ä̧kuo̧mȩnä̧mä̧, pi̧yȩmä̧ jidäwo̧ko̧u̧ pinä̧tü̧jä̧, ji̧nä̧ ukututäku chü̧ja̧'a̧ttü̧.

Hechos 1:3

Ja̧'wa̧ta̧nü̧ juätürümä̧, usurä ȩmä̧u̧ wa'ü ikuäja'attü tto'ächäji̧'ka̧mä̧, wäjuönä̧ ttu̧wo̧juö̧nä̧tä̧, ttü̧ja̧ ta̧ju̧ mo̧ro̧ jo̧mȩnä̧ i̧jȩkui̧nä̧u̧, ru̧wa̧ Dio weü wȩnȩ ji'äu kkä̧nü̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 14:25

Ja̧'wa̧nü̧ ja̧'a̧mä̧, Perge ütawiyänä̧ jareü adiwä wȩnȩ ji'äwäjä'kotümä̧, Atalia ütawiyära̧'a̧ku̧ 'chi̧nä̧tü̧.

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Hechos 26:16

Ja̧'wa̧nü̧ ja̧'a̧nä̧, ä̧rä̧mi̧'i̧, ttü chu̧mü̧wä̧ya̧ päi'ünä̧ kua pä'ü chi̧jȩkuä̧ku̧jä̧ ja̧'wa̧ta̧nü̧ jitä ttü chütü'kü to'ku'i̧nä̧, juȩnȩ o'komȩnä̧ chi̧jȩpä̧kuȩ'i̧nä̧ jikuäwäkua'anü̧.

Hechos 4:20

Isopäi'ünä̧ ujutu totinü̧mä̧ ja̧'wa̧ta̧nü̧ tä̧ju̧kui̧nü̧mä̧ tä̧ppü̧ti̧'a̧ pä'ümä̧ juiya'a.

Hechos 8:4

Ja̧'wa̧nü̧ jä̧u̧ Jerusarȩ́-ttü̧ dü'ekuätümä̧, tti̧'cho̧mȩ pünä̧mä̧ o'kajuiyünä̧tä̧ jareü wȩnȩ ji'äwinä̧tü̧.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

1 Corintios 4:1

Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

2 Pedro 1:16

Tu̧ru̧wa̧ Jesucrito ujuru'i̧nä̧, ppa̧wä̧chä̧kuȩ'i̧nä̧ tu̧wo̧juȩti̧nü̧mä̧ täbo wȩnȩ ttü̧ja̧ rättepinü̧mä̧ jo̧ka̧'a̧ ji̧na̧'a̧, ja̧'wa̧nü̧ ja̧jü̧jueimä̧ tu̧ru̧wa̧ ü̧rü̧ä̧mä̧ ta̧mü̧nä̧ ti'ärenä̧ topinä̧tü̧jä̧.