San Lucas 1:15 - Nuevo Testamento Uwotjüja

¹⁵ Ja̧'wa̧ta̧nü̧ jua̧u̧mä̧ Dio ä'ka jo̧mȩttü̧ ukuo i̧sa̧ jä̧kua̧. Vino isoya'i̧nä̧ ja̧'wa̧ta̧nü̧ niyaiya'i̧nä̧ awokü jä̧kua̧, uwäpächäkua'a Ä'kanä̧tä̧ päi'ünä̧ Epíritu Sa̧tu̧mä̧ jo̧mȩnü̧ ü̧jä̧kua̧.

TÄ̧DO Ä̧CUÄ̧ I̧HUȨNȨ

¹⁵ Ucu cui̧tti̧ Dios ä'ca jo̧mȩttö̧mä̧ ucuo i̧sa̧ jä̧cua̧. Ahuocö jä̧cua̧ vino isoya'inä, ni̧yö̧ ajiya'inä. Uhuäpächäcua'a ä'canätä Espíritu Santottö suhuädi'önä jä̧cua̧.

San Lucas 1:15 Iomraidhean Croise

San Lucas 1:14

Ukumä̧ rü̧ȩnä̧ kuesewä̧kua̧jä̧ ja̧'wa̧ta̧nü̧ uwäpächomȩnä̧mä̧ kkorotü'i̧nä̧ ttü̧ja̧ rekuätü tteseäkuäwäkuotü.

San Lucas 7:28

Ukuturu pä'üsä: o'katoi'ünä̧ nä̧tü̧ ttu̧wä̧bekuinä̧u̧ttü̧, Ju̧a̧-ttü̧'i̧nä̧ abonä̧nü̧ wa̧mä̧ toa'a; ja̧'wa̧nü̧ ja̧'a̧nä̧ Dio weüttü ji̧'ki̧cha̧wä̧mä̧, jua̧u̧ttü̧'i̧nä̧ abonä̧nü̧ u̧wä̧mȩnä̧ wa̧ ja̧'a̧.

San Lucas 7:33

Isopäi'ünä̧ bautizo jȩä̧kuä̧wä̧ i̧sa̧, Ju̧a̧-mä̧, u̧kuȩ'i̧nä̧ kuokü, vino'i̧nä̧ awokürümä̧, ukutumä̧ pä'inä̧tü̧jä̧: «Äwettärü kku̧nä̧rü̧,» pä'ü.

San Juan 5:35

Ju̧a̧-mä̧ tejäwore tȩya̧u̧nä̧ kkȩdȩpa̧'a̧ jä̧'i̧nü̧'a̧nü̧ tejädinü̧; ja̧'wa̧nü̧ ja̧'a̧ ukutumä̧ jua̧u̧ i̧tȩya̧u̧nä̧, a̧'u̧ku̧nä̧ mo̧ro̧tä̧ esewinä̧tü̧jä̧.

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Efesios 5:18

Vino isoyattümä̧ tä̧kuä̧mä̧kuä̧wä̧tu̧kuä̧, juoyamä̧ ja̧'a̧tä̧ surojuoepoya; pärokua'attü Epíritu Sa̧tu̧ jäwätä jo̧mȩnü̧ kka̧kuä̧tu̧kui̧.