San Lucas 1:1 - Nuevo Testamento Uwotjüja

¹ Rekuätü ja̧'a̧ ujutu tü̧'kä̧tȩttü̧, 'kuäopinü̧ jueü wȩnȩ yorätetü wȩyu̧tu̧ rütü jȩtta̧ pä'ü amükuädätümä̧.

TÄ̧DO Ä̧CUÄ̧ I̧HUȨNȨ

^1-2 Ttö̧ja̧ recuätö tti̧huȩyu̧ta̧ pä'ö adiu pojäunä ujutu 'cuäopinömä ujutu tö̧'quȩtȩttö̧, äcuomenä topinätömä, Dios i̧huȩnȩ ppä'ädönö ji'ähuinätödo. Ja̧'hua̧ta̧nö̧ jahuätö ujuturu jittähuinömä juhua'a yabo huȩyu̧ti̧nä̧tö̧do korotömä.

San Lucas 1:1 Iomraidhean Croise

San Marcos 16:20

Ja̧'wa̧nü̧ ja̧'a̧, juätümä̧ kkoromȩ pünä̧ o'kajuiyünä̧ 'chä̧nü̧ jareü wȩnȩ ji'äwinä̧tü̧; Tu̧ru̧wa̧mä̧ ppä̧dinä̧u̧, jȩtto̧kü̧ jä̧'i̧jü̧ juei jȩttü̧nä̧, jareü wȩnȩ jittäwa'anä̧mä̧. Amȩ́.]

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

Romanos 14:5

Kkorotümä̧ mo̧ro̧'i̧nä̧ ukuo kka̧'a̧ pä'ü amükuädätü; ja̧'wa̧nü̧ ja̧'a̧nä̧ kkorotümä̧ mo̧ro̧mä̧ o'kajuiyünä̧tä̧ yoräteu pä'ü amükuädätü; ¡Ja̧'wa̧nü̧ ja̧'a̧nä̧ adiwomȩnä̧ ku̧wo̧juä̧tu̧ku̧'a̧kuä̧ jȩpä̧tu̧kui̧!

Romanos 4:21

Jo̧mȩnü̧tä̧ Abraha̧-mä̧ wo̧jui̧nü̧, Dio iya päinü̧mä̧ o'kajuiyünä̧ ujuru u̧ju̧nä̧ra̧'a̧ttü̧ i̧yä̧kua̧sä̧ pä'ü.

Colosenses 2:2

Kua̧mi̧so'kitukunä̧ esewächi'ü, ji̧nä̧ yo̧mȩtȩnä̧ repe'äkuäu, jo̧mȩnü̧ 'kukuächi'ünä̧ ku̧wo̧juä̧chä̧tu̧kua̧ pä'üsä. Ja̧'wa̧nü̧ jo̧mȩnä̧ Dio yä̧wȩi̧nä̧ u̧ju̧nä̧ri̧nü̧ ku̧wo̧jui̧päkuo̧tü̧jä̧. Jua̧u̧mä̧ Crito ja̧'a̧.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

1 Tesalonicenses 1:5

Isopäi'ünä̧ jareü wȩnȩ ukuturu jitäwinü̧mä̧, suro ti̧wȩnȩnä̧tä̧mä̧ ji'äwokotü pinä̧tü̧jä̧, pärokuä Dio ujurunä̧, Epíritu Sa̧tu̧ jäwänä̧, jueünä̧tä̧ ji'äwinä̧tü̧jä̧. Ukutumä̧ wo̧juä̧tü̧jä̧, ukuturu adiu ppä'ädü jȩti̧nü̧mä̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Hebreos 6:11

Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.