San Juan 9:39 - Nuevo Testamento Uwotjüja

³⁹ Jua̧u̧nü̧ o'ka'a Jesú-mä̧ pä'inü̧: —Adiu ja̧ pä'ü'i̧nä̧, surojü ja̧ pä'ü'i̧nä̧ jiäu ichinü̧sä̧, ä̧to̧kä̧tü̧mä̧ totta pä'ü ja̧'wa̧ta̧nü̧ topätümä̧, ttä̧to̧kä̧cha̧ pä'ü.

TÄ̧DO Ä̧CUÄ̧ I̧HUȨNȨ

³⁹ Ja̧u̧nu̧ o'ca'a Jesús pä'inödo: —Ttömä pi̧jä̧ra̧'a̧, adihuä juäi jȩcha̧ pä'ö ichinösä. Ä̧to̧cä̧tö̧ totta pä'ö ichinösä. Ja̧'hua̧ta̧nö̧ topätömä, ttä̧to̧cä̧cha̧ pä'ö ichinösä.

San Juan 9:39 Iomraidhean Croise

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 15:14

Ja̧'a̧tä̧ topätukuitü, jitütä'i̧nä̧ tä̧to̧ka̧'a̧nä̧ kkorotü ä̧to̧kä̧tü̧rü̧ oikuä isotü. Ja̧'wa̧nü̧ ja̧'a̧ttü̧ ya̧tȩ ä̧to̧ka̧ kka̧ra̧rü̧ oipüttümä̧ ta̧ju̧kuäyotü rejunä̧ ma̧ttä̧chä̧kuo̧tü̧.

San Mateo 6:23

Ja̧'wa̧nü̧ ja̧'a̧nä̧ kui'äriyä surojomȩnä̧mä̧, jä̧ttä̧pä̧ya̧rü̧mä̧ yo̧ü̧tä̧ kka̧'a̧. Ja̧'wa̧nü̧ ja̧'a̧ttü̧ ukunä̧ kkü̧ tȩya̧u̧ a̧'u̧kuo̧mȩnä̧mä̧ yo̧ü̧tä̧ kkȩdä̧rä̧ku̧jä̧, ukú jä̧ttä̧pä̧ya̧rü̧mä̧.

San Lucas 1:79

Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.

San Lucas 13:30

Ja̧'wa̧nü̧ ja̧'a̧ttü̧ juorümä̧ yotukunä̧, rüjinä̧ wotümä̧, ä̧kuo̧mȩnä̧ pätti'äkuotü ja̧'wa̧ta̧nü̧ ä̧kuo̧mȩnä̧ wotütä, rüjinä̧ pätti'äkuotü.

San Lucas 2:34

Ja̧'wa̧nü̧ ja̧'a̧ttü̧ Simeón-mä̧, juätürü Dio ppädiyarü pä'ünü̧, María-rü pä'inü̧: —Pide ji̧'ki̧cha̧wa̧mä̧ Irae ttü̧ja̧ rekuätü ttä̧rä̧mu̧nä̧'i̧nä̧, ja̧'wa̧ta̧nü̧ rekuätü ma̧ttä̧chü̧nä̧'i̧nä̧ ja̧ pä'ü wȩ'ä̧wa̧ ja̧'a̧. Ja̧'wa̧nü̧ ja̧'a̧ttü̧ jua̧u̧ru̧ to'ija̧'a̧ku̧ ttukuokuäkuotü.

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

San Lucas 7:21

Ja̧'wa̧nü̧ 'kuäopa'anä̧mä̧ rekuätürü ttümäricheittü'i̧nä̧, ubara ttuttu'i̧nä̧ aditü ikuinü̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ ja̧'wa̧ta̧nü̧ ä̧to̧kä̧tü̧rü̧'i̧nä̧ aditü ikuinü̧.

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

San Juan 3:17

Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.

San Juan 3:19

Pa̧'a̧nü̧ jo̧mȩnä̧ ro̧ȩpä̧kua̧ Dio-mä̧: Ttümä̧ pi̧jä̧ra̧'a̧ ichinü̧sä̧, Ttütä ja̧'a̧ tȩya̧u̧, yo̧mȩ kkȩdȩpü̧mä̧; ja̧'wa̧nü̧ ja̧'a̧nä̧ ttü̧ja̧mä̧ yo̧ü̧tä̧ eseu repe'ätü, surojütä jȩtta̧'a̧ttü̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

San Juan 8:15

Ukutumä̧ pi̧jä̧ ttü̧ja̧ ttamu̧kuäda'akutä, adiu ja̧ pä'ü'i̧nä̧, surojü ja̧ pä'ü'i̧nä̧ pä'ätüjä̧. Ttümä̧ ya̧tȩrü̧'i̧nä̧, adiu ja̧ pä'ü'i̧nä̧, surojü ja̧ pä'ü'i̧nä̧ pä'oküsä.

San Juan 9:25

Jua̧u̧mä̧ ädätinä̧u̧: —Surojü jȩpä̧'i̧jü̧ pä'ümä̧ jȩru̧pa̧sä̧. Ttü chu̧wo̧juö̧mä̧, ä'kojimä̧ chä̧to̧ki̧na̧'a̧nä̧, jitämä̧ tochütä ja̧'a̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

2 Corintios 2:16

To'e'ächätürümä̧, jua̧u̧ adiu a̧mȩu̧mä̧, wa'ü ttikua pä'ütä ja̧'a̧ ja̧'wa̧nü̧ ja̧'a̧nä̧ ra̧wä̧pi̧jü̧ttü̧ kka̧kui̧pä̧tü̧rü̧mä̧ jua̧u̧ adiu a̧mȩu̧mä̧ a̧'kua̧rä̧kuä̧wä̧tä̧ iya'a. ¿Ja̧'wa̧nü̧ ja̧'a̧mä̧, ditä ja̧'a̧jä̧ttü̧ pi̧yȩ ȩmü̧'a̧nü̧ wa̧mä̧?

Efesios 5:14

Ja̧'wa̧nü̧ ja̧'a̧ttü̧ pä'a: Ukú ä'ümä̧, porächi'i; ja̧'wa̧ta̧nü̧ wa'ü ikuinä̧tü̧ttü̧ ä̧rä̧mi̧'i̧, ja̧'wa̧nü̧ jȩ'kuo̧mȩnä̧ Crito i̧tȩjä̧dä̧kua̧jä̧.

2 Tesalonicenses 2:10

Ja̧'wa̧ta̧nü̧ surojümä̧ o'kajuiyünä̧tä̧ jȩä̧kua̧ ro̧ȩkuä̧ra̧'a̧ tti̧'chä̧kuo̧tü̧rü̧ üyaparewa pä'ümä̧, Isopäi'ünä̧ juätümä̧ ra̧wäpi̧jü̧ttü̧ ttü̧ji̧pa̧ pä'ümä̧ isopäi'ünä̧ wȩnȩmä̧ ttesewoka'a ja̧'wa̧ta̧nü̧ tteseta pättoka'a ji̧na̧'a̧ttü̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

1 Juan 2:11

Ja̧'wa̧nü̧ ja̧'a̧nä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧, yo̧ü̧nä̧ kkä̧nü̧, yo̧ü̧nä̧tä̧ kue'ächü; i̧'cho̧mȩ'i̧nä̧ jȩru̧pa̧, yo̧ü̧ ä̧to̧dü̧ ikuinä̧ku̧ ja̧'a̧ttü̧.