San Juan 8:55 - Nuevo Testamento Uwotjüja

⁵⁵ Ja̧'wa̧nü̧ ja̧'a̧nä̧ ukutumä̧ kuieruwätukuäku; ttümä̧ chu̧wo̧juä̧ku̧; ja̧'wa̧nü̧ ja̧'a̧nä̧ chieruwäku pädüttü'i̧nä̧, yapare ji'äusä ukutu jü̧ ta̧'a̧nü̧; ja̧'wa̧nü̧ jo̧ka̧'a̧ ttümä̧ chu̧wo̧juä̧ku̧ ja̧'a̧; ja̧'wa̧ta̧nü̧ i̧wȩnȩ'i̧nä̧ ukuotüsä.

TÄ̧DO Ä̧CUÄ̧ I̧HUȨNȨ

⁵⁵ Ja̧'hua̧nö̧ päcuhuätucuomenä, ja̧u̧ru̧ yoröiso jerupätöjä. Ttötä chu̧huo̧juä̧cu̧. “Ja̧u̧ru̧ jȩru̧pa̧sä̧” pädöttömä, ucutu ta'anö yapareu pä'ajisä. Ja̧'hua̧ ja̧'a̧nä̧ ja̧u̧ru̧ huo̧jua̧sä̧. Ja̧'hua̧ta̧nö̧ ja̧u̧ päömä jȩpö̧sä̧.

San Juan 8:55 Iomraidhean Croise

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 10:15

Ttürü'i̧nä̧ Chä'o u̧wo̧juö̧ta̧'a̧nü̧, pärokua'aku Churutä'i̧nä̧ wo̧jua̧sä̧; ja̧'wa̧nü̧ ja̧'a̧ttü̧, cha̧'kua̧rü̧mä̧ chä̧ji̧mü̧ oweja-tü̧rü̧ iyüsä.

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

San Juan 16:3

Pi̧yȩmä̧ jȩttä̧kuo̧tü̧, Chä'orü'i̧nä̧, Ttürü'i̧nä̧ ttu̧wo̧jui̧po̧ka̧'a̧ttü̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 6:46

Jua'amä̧, ya̧tȩ'i̧nä̧ Jä'orü topinä̧tü̧mä̧ toa'a; suro ya̧tȩtä̧ ja̧'a̧ Dio-ttü ichinü̧tä̧ topinü̧mä̧.

San Juan 8:19

Päomȩnä̧, jä'epü ttä̧ju̧kui̧nä̧ku̧: —¿Kuä'omä̧ too ü̧ja̧jä̧ttü̧? Jesú ädätinä̧u̧: —Ukutumä̧ ttürü'i̧nä̧ jerupätüjä̧ ja̧'wa̧nü̧ kuieruwätükua'amä̧, Chä'orü'i̧nä̧ jerupätüjä̧; ttürü ku̧wo̧juä̧tu̧ku̧ttu̧mä̧, chä'orü'i̧nä̧ wo̧jua̧ja̧tü̧jä̧.

San Juan 8:29

Isopäi'ünä̧ ttürü we'inü̧mä̧ ttütäku kkü̧; Chä'omä̧, kkatämä̧ u̧ju̧ni̧'o̧ko̧ku̧sä̧ ja̧'wa̧nü̧ ja̧'a̧ttü̧ churutä pä̧wä̧rü̧jü̧tä̧ jȩpü̧sä̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

San Juan 8:51

Isopäi'ünä̧ pädäu̧jä̧, chi̧wȩnȩ päü jȩpü̧mä̧, wa'ü ikuokü jä̧kua̧.

San Juan 8:52

Judío-mä̧ ttädätinä̧ku̧: —Jitämä̧, isopäi'ünä̧ epíritu su̧ro̧pa̧ ü̧jä̧ku̧ pä'ü wo̧juä̧tü̧jä̧. Abraha̧'i̧nä̧, profeta-tü̧'i̧nä̧ wa'ü ttikuina̧'a̧nä̧, ukumä̧, ttü chi̧wȩnȩ ukuotätümä̧ wa'ü ikuokotü ttäkuotü päkua'attü̧.

Hechos 17:23

ku̧ä̧nä̧wo̧tü̧rü̧ kukuokuä'ijomȩku̧ 'kuädopomȩnä̧ topäjisä, yo̧mȩtȩ wȩyu̧kua̧'a̧ pa̧'a̧: «dio jȩru̧päkuä̧wa̧rü̧,» jü̧nä̧. Jua̧u̧ kuieruwätukua'anä̧ esetü kukuotätukuäku ja̧'a̧, ttü jidäwäkumä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

1 Juan 1:6

Jua̧u̧tä̧ku̧ ji̧nä̧ ji̧yȩtȩnä̧ kka̧kuä̧tü̧jä̧ päta'anä̧, yo̧ü̧nä̧ tü̧ja̧ku̧ttü̧mä̧, yaparewätüjä̧, jueü wȩnȩnä̧ tü̧ja̧kuo̧ka̧'a̧ttü̧.

1 Juan 2:22

¿Díjä̧ttü̧ ya̧pa̧rȩwa̧mä̧?, jua̧u̧ ya̧pa̧rȩwa̧mä̧ Jesú-ru, Crito-mä̧kü̧ pä'ü ukuokutä ja̧'a̧. Jua̧u̧ ja̧'a̧ Crito-rü to'ija̧'a̧ku̧ wa̧mä̧. Jä'o Dio-rü'i̧nä̧, I̧tti̧ Jesucrito-rü'i̧nä̧ esetü jui'ü ya'okutä.

1 Juan 2:4

Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

Apocalipsis 3:9

Sataná üäre sinagoga isotüttümä̧, judío-mä̧ ttoka'anä̧ judío-jä̧ yapareu pä'äwätürümä̧, uku kuä'ka jo̧mȩ ichi'ü ttiwe'kiyunä̧ pȩjä̧mü̧, ukuru repeda'a ttu̧wo̧juö̧nä̧ jȩchä̧kua̧sä̧.