San Juan 8:39 - Nuevo Testamento Uwotjüja

³⁹ Päomȩnä̧, pättinä̧ku̧: —¡Ujutu tä'omä̧, Abraha̧ ja̧'a̧! Pättiyäku Jesú ädätinä̧u̧: —Isopäi'ünä̧ Abraha̧ i̧tti̧mü̧ kuätukuttümä̧, Jua̧u̧ jȩi̧nü̧mä̧ jȩpa̧ja̧tü̧jä̧.

TÄ̧DO Ä̧CUÄ̧ I̧HUȨNȨ

³⁹ Jahuätö ja̧u̧ru̧ ädätinätödo: —Ujutu tä'omä Abraham pi̧nö̧do. Ja̧'hua̧nö̧ pättomenä, Jesús päinä̧u̧do: —Iso päi'önä Abraham i̧tti̧mö̧ cu'ätucuttumä, ja̧u̧ jȩi̧nö̧'a̧nö̧ jȩpa̧ja̧tö̧jä̧.

San Juan 8:39 Iomraidhean Croise

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Mateo 5:45

Ja̧'wa̧nü̧ jȩ'kuä̧tu̧kuo̧mȩnä̧tä̧ Kuä'otuku mo̧ro̧jä̧nä̧ kkü̧ i̧tti̧mü̧ kuäkuotüjä̧; jua̧u̧mä̧ adiwä isotürü'i̧nä̧, suropätü isotürü'i̧nä̧, aditinä̧ku̧ kkä̧wa̧rü̧mä̧ räopünä̧ jȩä̧u̧ ja̧'wa̧ta̧nü̧ adiu jȩpä̧tü̧rü̧'i̧nä̧, surojü jȩpä̧tü̧rü̧'i̧nä̧ ajiya icha pä'ü wȩä̧u̧.

San Juan 8:33

Päomȩnä̧, ttädätinä̧ku̧: Ujutumä̧ Abraha̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ ya̧tȩ'i̧nä̧ ttu̧wo̧juȩtä̧u̧ jü̧nä̧mä̧ wȩtto̧ko̧u̧jä̧; ¿Tta̧'a̧nü̧ pä'ü rä'epü ikuäwäkuotüjä̧ pä'ajä̧ttü̧?

San Juan 8:37

Jua'akumä̧, Abraha̧ i̧tti̧mü̧ isotüjä̧ pä'ümä̧ wo̧jua̧sä̧; ja̧'wa̧nü̧ ja̧'a̧nä̧ kuä'ü kuikuätukua päkuätukuäkusä chi̧wȩnȩ esetü jui'ü.

San Juan 8:43

¿Tta̧'a̧nü̧ pä'ü ttü chukuokumä̧ wo̧jui̧'o̧ko̧tü̧jä̧ttü̧? Jua'amä̧ chi̧wȩnȩ kuä̧ju̧kuä̧tu̧ku̧ juiyünä̧ ja̧'a̧ttü̧.

San Juan 8:56

Kuä'otuku Abraha̧-mi̧nä̧mä̧, ttü chu̧mo̧ro̧ toa pä'ü esewinü̧; ja̧'wa̧nü̧ ji̧na̧'a̧ topümä̧ rü̧ȩnä̧ esewinü̧.

Romanos 4:12

Ja̧'wa̧ta̧nü̧ Abraha̧-mä̧ circuncisión jȩpä̧kuä̧wo̧tü̧'i̧nä̧ ttä'o ja̧'a̧nä̧, jua̧u̧ ji̧nü̧ta'anü̧ circuncisión jȩpä̧kuä̧wo̧ko̧tü̧ tta'anä̧ tta̧'kua̧ wȩnä̧rä̧tü̧mä̧ ttä'o ja̧'a̧.

Romanos 4:16

Ja̧'wa̧nü̧ ja̧'a̧ttü̧, Abraha̧-rü̧'i̧nä̧, i̧tti̧mü̧rü̧'i̧nä̧ iya pä'inü̧ mikuäwächi'ünä̧ ja̧ pä'ümä̧, mippoünä̧ iyinü̧, a̧'kua̧ u̧wȩnä̧ro̧mȩttü̧tä̧. Ja̧'wa̧nü̧ ja̧'a̧mä̧, suro weäwä wȩnȩ ukuotätürütä iya pä'ümä̧kü̧ ja̧'a̧; Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧ o'katoi'ünä̧rü̧ iya pä'ü ja̧'a̧. Ja̧'wa̧nü̧ jo̧mȩnä̧ Abraha̧-mä̧ o'katoi'ünä̧ ttä'o ja̧'a̧.

Romanos 9:7

Abraha̧ i̧tti̧mü̧ ji̧na̧'a̧nä̧'i̧nä̧, o'katoi'ünä̧tä̧mä̧ i̧tti̧mü̧ wokotü pinä̧tü̧ ja̧'wa̧nü̧ ja̧jü̧ jueimä̧: «Isaac i̧tti̧mü̧nä̧tä̧ kui̧tti̧mü̧ jä̧kua̧'a̧, päwi'inä̧ku̧.»

Gálatas 3:29

Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

Gálatas 3:7

Ja̧'wa̧nü̧ ji̧na̧'a̧ttü̧, tta̧'kua̧ wȩnä̧rä̧tü̧mä̧ Abraha̧ i̧tti̧mü̧ wotü ja̧'a̧.