San Juan 7:45 - Nuevo Testamento Uwotjüja

⁴⁵ Ja̧'wa̧nü̧ ja̧'a̧, Dio-rü ukuokuäkuäwode tta̧wä̧rä̧kuä̧wä̧ isotü, su̧ro̧do̧u̧ päjätümä̧, fariseo wotü'i̧nä̧, sacerdote wotü tturuwotü'i̧nä̧ ttä'ka jo̧mȩ ppa̧ttä̧chi̧'a̧'a̧ jä'epü ttä̧ju̧kui̧nä̧u̧: —¿Tta̧'a̧nü̧ pä'ü, kui'kächätukuokoku jä̧ttü̧?

TÄ̧DO Ä̧CUÄ̧ I̧HUȨNȨ

⁴⁵ Su̧ro̧da̧u̧ Diosrö ucuocuäcuähuode tta̧'ä̧rä̧tö̧mä̧, fariseos huotöcu, sacerdotes ruhuotöcu ttö̧ja̧cuo̧mȩ ppa̧'ä̧chä̧chi̧nä̧tö̧do. Ppa̧ttä̧cha̧'a̧ su̧ro̧da̧u̧ru̧ jä'epinätödo: —Ja̧u̧ru̧ ¿dä̧bö̧ cui'cächätucuoca'ajä̧ttö̧?

San Juan 7:45 Iomraidhean Croise

San Mateo 26:58

Peduru-mä̧ Jua̧u̧ru̧ ȩmi̧pä̧tü̧ tto'ka'anä̧, otonä̧ jo̧mȩnä̧ ru'inü̧ sacerdote wotü ttu̧ru̧wa̧ ü̧jo̧debü päi'ünä̧. Ru'i'äji̧'ka̧mä̧, u̧mi̧ isaränä̧ do'ächi'ü, tta̧wä̧rä̧kuä̧wä̧ isotü ttü̧'ȩjo̧mȩ pä̧mä̧di̧nü̧, rüjí jȩtto̧mȩbü toa pä'ü.

San Juan 11:46

Ja̧'wa̧nü̧ ja̧'a̧nä̧ kkorotümä̧, Jesú jȩä̧ji̧ fariseo wotürü ji'äu 'chi̧nä̧tü̧.

San Juan 11:47

Ja̧'wa̧nü̧ ja̧'a̧mä̧, fariseo wotü'i̧nä̧, sacerdote tturuwotü'i̧nä̧, ji̧nä̧so ukuo isotürü ä̧tȩpo̧'ü̧, ka̧ka̧ku̧ pȩjä̧mü̧ pä'inä̧tü̧: —¿Däjetä jȩtä̧ku̧ttü̧? Jua̧u̧mä̧ jȩtto̧kü̧ juei rü̧ȩnä̧ jȩa̧'a̧mä̧.

San Juan 7:32

Fariseo wotümä̧ Jesú ütü'kü ttü̧ja̧ ttukuokua'a ä̧ju̧ku̧, sacerdote wotü tturuwotüku, Dio-rü ukuokuäkuäwode tta̧wä̧rä̧kuä̧wä̧ isotü su̧ro̧do̧u̧ru̧ 'chuttädäjarü pä'ü we'inä̧tü̧.

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.