San Juan 7:36 - Nuevo Testamento Uwotjüja

³⁶ ¿Pa̧'a̧nü̧mä̧ toku pä'ü, pä'ajä̧ttü̧: kusätukuä̧kua̧sä̧, kusätukua'anä̧ ku̧'o̧kui̧'ä̧tu̧kuo̧ko̧ku̧ chä̧kua̧sä̧; ja̧'wa̧ta̧nü̧ ttü chi̧'cho̧mȩmä̧ kuichätuku juiyünä̧ ja̧'a̧ttü̧, päjimä̧?

TÄ̧DO Ä̧CUÄ̧ I̧HUȨNȨ

³⁶ “Ttö chi̧'chä̧cua̧'a̧ 'cho̧co̧tö̧jä̧. Ttörö cusätucuomenä, po̧cui̧po̧co̧tö̧ cuäcuotöjä” päomenä, ¿tta̧'a̧nö̧ päa'ajä̧ttö̧? —pä'inätödo.

San Juan 7:36 Iomraidhean Croise

San Juan 12:34

Pä̧i̧yä̧u̧, ttü̧ja̧mä̧ ttädätinä̧ku̧: Weäwä wȩnȩnä̧mä̧, Crito-mä̧ 'kuäopünä̧ ü̧jä̧kua̧ pä'ija'atä wo̧juä̧tü̧jä̧. ¿Toku pä'ü, Ubo I̧tti̧mä̧ rȩjȩttü̧ tto̧ä̧chä̧kua̧ päkua'ajä̧ttü̧? ¿Díjä̧ttü̧ Ubo I̧tti̧mä̧?

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Juan 3:4

Päku, Nicodemo-mä̧ jä'epinü̧: —¿Jua̧u̧nu̧mä̧, täkü büäkuächätü tta'amä̧, pä'äji ta'anümä̧, toku ttuwäpächü'anü̧ ja̧'a̧jä̧ttü̧? ¿Pä'äji ji̧nü̧ta'anü̧ ppa̧'ä̧chü̧ ja̧ju̧ kku̧kuä̧ba̧ jakuä doächü'anü̧ ja̧'a̧, uwäpächa pä'ümä̧?

San Juan 3:9

Päku, Nicodemo-mä̧ pä'äjita'anü̧ jä'epinü̧: —Jua̧u̧mä̧ ¿Tta̧'a̧nü̧ jo̧mȩnä̧tä̧ jü̧ttü̧?

San Juan 6:41

Ja̧'wa̧nü̧ ja̧'a̧ttü̧ judío-mä̧ Jesú-ru ya̧'ä̧wä̧'chi̧nä̧tü̧: Ttütäsä kuäkuäwä, mo̧ro̧jä̧ra̧'a̧ttü̧ mȩyȩwi̧nü̧mä̧ päjiyä̧u̧.

San Juan 6:52

Ja̧'wa̧nü̧ päomȩnä̧, judío-mä̧ tta̧mü̧nä̧ wopäkuäwinä̧tü̧: —¿Toku i̧yä̧kuä̧u̧jä̧ttü̧ idepä ttukua pä'ümä̧?

San Juan 6:60

Ja̧'wa̧nü̧ jiäwa'a ä̧ju̧ku̧, rekuätü Jesú o'ka'anä̧ 'chä̧tü̧mä̧ pä'inä̧tü̧: —Pi̧yȩ jiäumä̧ juiyo 'kiyü jäwä ja̧'a̧ ¿Ditä esetä̧kuȩ ja̧'a̧jä̧ttü̧?

San Juan 7:34

Kusätukua'anä̧, ku̧'o̧kui̧'ä̧tu̧kuo̧ko̧ku̧ chä̧kua̧sä̧, ttü chi̧'cho̧mȩmä̧, kuichätuku juiyünä̧ ja̧'a̧ttü̧.

San Juan 8:21

Jesú-mä̧ pä'äjita'anü̧ päinä̧u̧: —Ttümä̧ i̧u̧sä̧, chi̧u̧ o'ka'a kusätukuä̧kua̧sä̧, kusätukua'anä̧, surojünä̧tä̧ wa'ü kuikuäkuotüjä̧. Ttü chi̧'cha̧'a̧mä̧, kuichätuku juiyünä̧ ja̧'a̧.

1 Corintios 2:14

Dio i̧sa̧ Epíritu-ru to'ätümä̧, Epíritu jäwämä̧ 'kittünä̧ wotü, juätürümä̧, jua̧u̧mä̧ suräjuä wȩnȩ jü̧nä̧tä̧ ja̧'a̧ttü̧. Ja̧'wa̧nü̧ ja̧'a̧ttü̧ yoriso ttu̧wo̧jui̧pü̧ juiyünä̧tä̧ jä̧u̧, jua'amä̧ Epíritu jäwänä̧tä̧ adiwomȩnä̧ päwä ja̧'a̧ttü̧.