San Juan 7:33 - Nuevo Testamento Uwotjüja

³³ Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

TÄ̧DO Ä̧CUÄ̧ I̧HUȨNȨ

³³ Ja̧'hua̧ ja̧'a̧ttö̧ Jesús pä'inödo: —Beometä ucutucu chö̧jä̧cua̧sä̧. Ja̧u̧nu̧ o'ca'a ttörö hue'inö ö̧ja̧'a̧ ppa̧dä̧chä̧cua̧sä̧.

San Juan 7:33 Iomraidhean Croise

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Juan 14:12

Isopäi'ünä̧ pädäu̧jä̧: Ttürü esetümä̧, ttü jȩchü̧mä̧ jȩä̧kua̧; juȩnȩ abonä̧nü̧ rü̧ jäwä'i̧nä̧ jȩä̧kua̧, Chä'o ü̧jo̧mȩ chi̧'cha̧'a̧ttü̧.

San Juan 14:19

A̧'u̧ku̧nä̧, mo̧ro̧ o'ka'a, täkü pi̧jä̧ ttü̧ja̧mä̧ tottokoku chä̧kua̧sä̧ ja̧'wa̧nü̧ ja̧'a̧nä̧ ukutumä̧ to'kuätukuäkua̧sä̧, jua'amä̧ cha̧'kua̧ra̧'a̧ttü̧ ja̧'wa̧ta̧nü̧ ukutu'i̧nä̧ kua̧'kua̧rä̧kuo̧tü̧jä̧.

San Juan 14:28

Täkü ä̧ju̧kuä̧jä̧tü̧jä̧ pa̧'a̧nü̧ pädümä̧: 'Chi̧'i̧pü̧'ka̧'i̧nä̧ pä'äjita'anü̧ ukututäku ppa̧dä̧chä̧kua̧sä̧ päda'amä̧. Isopäi'ünä̧ ttürü eseu repekuätukuttümä̧, rü̧ȩnä̧ esewajatüjä̧, Chä'o ü̧ja̧'a̧ 'chü̧sä̧ päda'a kuä̧ju̧kuä̧tu̧kua̧'a̧ttü̧, jua'amä̧ Chä'omä̧ ttüttü'i̧nä̧ abonä̧nü̧ wa̧ ja̧'a̧ttü̧.

San Juan 16:10

Jueünä̧ jȩttü̧ttü̧'i̧nä̧, pädümä̧, Chä'o ü̧ja̧'a̧ chi̧'cha̧'a̧ttü̧ pä'üsä, täkü ttürümä̧ yabonü̧mä̧ to'kuätukuokoku chäkua'attü̧,

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

San Juan 16:5

Ja̧'wa̧nü̧ ja̧'a̧nä̧ jitämä̧ ttürü we'inü̧ ü̧ja̧'a̧ 'chü̧sä̧; ja̧'wa̧nü̧ ja̧'a̧nä̧, ya̧tȩ'i̧nä̧, ¿Too kui̧'cha̧'a̧jä̧ttü̧? Pä'ümä̧ jäkuepätukuokokusä.

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

San Juan 17:13

Ja̧'wa̧nü̧ ja̧'a̧nä̧, jitämä̧ pä'äjita'anü̧ uku ku̧ja̧'a̧ ppa̧'ä̧chü̧sä̧; ja̧'wa̧nü̧ ja̧'a̧ttü̧ pi̧yȩmä̧ pä'üsä, ji̧nä̧ pi̧jä̧nä̧ chu̧jä̧i̧tä̧, juätü'i̧nä̧ ttü jäwä eseäkuäwä jo̧mȩnü̧ ttu̧ju̧nä̧ra̧ pä'ü.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Juan 9:4

Ji̧nä̧ mo̧ro̧ jä̧i̧tä̧, ttürü we'inü̧ aditäwämä̧ chadita pä'ü ja̧'a̧; täkü yodó juomȩnä̧mä̧ ya̧tȩ'i̧nä̧ aditü juiyünä̧ ja̧'a̧.