San Juan 7:26 - Nuevo Testamento Uwotjüja

²⁶ Topätukui, ttü̧ja̧ ttä'ka jiäwa'anä̧ ja̧'a̧tä̧ tottäku. ¿Ruwotümä̧dí̧, isopäi'ünä̧ pidetä ja̧'a̧ Crito-mä̧ pä'ü ttu̧wo̧juä̧ku̧?

TÄ̧DO Ä̧CUÄ̧ I̧HUȨNȨ

²⁶ Topi. O'ca toi'önä ttä'ca jo̧mȩttö̧ ucuocu ö̧ja̧'a̧. Ja̧u̧ru̧ yoröiso pä'ocotö. ¿Ruhuotö'inä ja̧u̧ Cristocö̧ pä'ö esetätö tä̧ji̧?

San Juan 7:26 Iomraidhean Croise

San Mateo 22:16

Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

San Lucas 23:13

Pilato-mä̧ sacerdote wotü tturuwotürü'i̧nä̧, ukuo isotürü'i̧nä̧ ja̧'wa̧ta̧nü̧ ttü̧ja̧rü̧'i̧nä̧ ka̧ka̧tä̧ji̧'ka̧,

San Lucas 7:30

Ja̧'wa̧nü̧ ja̧'a̧nä̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, Dio weina̧'a̧ku̧, Ju̧a̧ bautizo jȩa̧tü̧ pä'ü we'äwokotü pinä̧tü̧.

San Juan 12:42

Ja̧'wa̧nü̧ ja̧'a̧nä̧'i̧nä̧, ruwotümä̧ rekuätü Jesú-ru esetinä̧tü̧; ja̧'wa̧nü̧ tteseta'anä̧, fariseo wotü sinagoga-ttü rä'epü ttikuätü pä'ü, wäjuönä̧mä̧ ji'äwokotü pinä̧tü̧.

San Juan 18:20

Jesú-mä̧ ädätinä̧ku̧: —Ttümä̧ ttü̧ja̧ o'katoi'ünä̧ ttä'ka jo̧mȩttü̧ ukuokuä'ijüsä; sinagogas odewiyättü'i̧nä̧ ja̧'wa̧ta̧nü̧ Dio-rü ukuokuäkuäwodettü'i̧nä̧, jü̧nä̧; judío ttü̧ka̧ka̧kuä'ijomȩmä̧, yä̧wä̧i̧nä̧mä̧ ukuokuokü pä'ijüsä.

San Juan 3:1

Fariseo wotü i̧sa̧, ya̧tȩ, judío ttu̧ru̧wa̧ Nicodemo pä'ü mi̧kua̧ kki̧nü̧,

San Juan 4:29

—Topächätukui, ya̧tȩ ttü̧ja̧sa̧rü̧, ttü jȩchä̧'i̧jü̧mä̧ o'kajuiyünä̧ ji'äwäji. ¿Jua̧u̧tä̧ku̧, Crito-mä̧?

San Juan 7:25

Jerusarȩ́ ütawiyä ttü̧ja̧, juȩnȩ kka̧kuä̧tü̧mä̧ pä'inä̧tü̧: —¿Chujuamä̧ jo̧ka̧'a̧, kuä'ü tikuarü pä'ü ttusäjäkumä̧?

San Juan 7:31

Ja̧'wa̧nü̧ ja̧'a̧mä̧, rekuätü Jua̧u̧ru̧ esetätümä̧ pä'inä̧tü̧: —Chutä Crito ichomȩnä̧mä̧ ¿Pide jȩü̧ abonä̧nü̧dí̧ jȩä̧kua̧, jȩtto̧kü̧ jueimä̧?

San Juan 7:48

¿Ukutu to'kuätukuomȩnä̧, turuwotü ukuo isotü'i̧nä̧, fariseo wotü'i̧nä̧ yotukunä̧ Jua̧u̧ru̧ esetätü ja̧'a̧?

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

Hechos 4:13

Ja̧'wa̧nü̧ ja̧'a̧, Peduru'i̧nä̧, Ju̧a̧'i̧nä̧ kuyärumä̧ ttu̧wo̧jui̧'o̧ka̧'a̧ ji̧na̧'a̧nä̧, wo̧juȩku̧nä̧ yeäwä juiyünä̧ ttu̧kuo̧kui̧yä̧u̧, to̧o̧ to̧pä̧rü̧ kkä̧nü̧ isopäi'ünä̧ pitümä̧ Jesú-ku kue'ächinä̧tü̧ ja̧'a̧ pä'ü ttu̧wo̧jui̧nä̧u̧.

Filipenses 1:14

Jua'a yabonä̧, kärenä̧ chü̧'a̧'a̧ wo̧jui̧'ü̧mä̧, chawaruwä chü̧jä̧wa̧tü̧mä̧, Crito ppäda'anä̧, Dio i̧wȩnȩmä̧ yabokutä yeäwä juiyünä̧ ji'äwätü.