San Juan 7:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧mä̧, Jesú-mä̧ pä'käri kkä'ko päi'ünä̧ jȩtta̧'a̧ jakuänä̧, Dio-rü ukuokuäkuäwodenä̧ do'ächi'ü kkä̧mä̧dü̧ wo̧juȩti̧nü̧.

TÄ̧DO Ä̧CUÄ̧ I̧HUȨNȨ

¹⁴ Fiesta täcö kä'co päi'önä jȩtta̧'a̧, Jesús Diosrö ucuocuäcuähuodenä do'ächi'ö huo̧juȩti̧nö̧do.

San Juan 7:14 Iomraidhean Croise

San Mateo 21:12

Jesú-mä̧ Dio-rü ukuokuäkuäwodenä̧ doächi'ü o'katoi'ünä̧ juȩnȩ iyä'chü kka̧kuä̧tü̧rü̧'i̧nä̧ ja̧'wa̧ta̧nü̧ ȩmä̧'chü̧ kka̧kuä̧tü̧rü̧'i̧nä̧ rä'epü ikuinü̧. Ttü̧ja̧rü̧ pärätä pärowä'ijätü ttiäre mesa odiyä'i̧nä̧ kki'opü iku, u̧nu̧ku̧tu̧ru̧ iyü ttȩnä̧rä̧'u̧ru̧'i̧nä̧ rä'epü ikuinü̧.

San Mateo 26:55

Pä'ükkä̧nü̧, yotäku Jesú-mä̧ ttü̧ja̧rü̧ pä'inü̧: —¿Tta̧'a̧nü̧ pä'ü nä̧u̧kuä̧rä̧kuä̧wä̧ i̧sa̧rü̧ 'kua̧rü̧nä̧, kurodiyäku, dauwiyäku 'chu̧ä̧rä̧nü̧ 'chu'ädü kuichäjätukuäkusättü̧? 'Kuäopünä̧ mo̧ro̧ ji̧nü̧ a̧'u̧kuä̧, Dio-rü ukuokuäkuäwodettü chu̧wo̧juȩta̧'a̧nä̧ 'chukuädätukuokoku pä'ijüsä.

San Lucas 19:47

Jesú-mä̧ mo̧ro̧ji̧nü̧ a̧'u̧kuä̧ Dio-rü ukuokuäkuäwodettü wo̧juȩti̧'ȩnü̧. Ja̧'wa̧nü̧ u̧wo̧juȩta̧'a̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧tü̧'i̧nä̧, ütawiyättü pärätä ruwotü'i̧nä̧, Jesú-ru toku jȩpü̧tä̧ kuä'ü ttikua'anü̧ ja̧ pä'ü usinä̧tü̧.

San Juan 18:20

Jesú-mä̧ ädätinä̧ku̧: —Ttümä̧ ttü̧ja̧ o'katoi'ünä̧ ttä'ka jo̧mȩttü̧ ukuokuä'ijüsä; sinagogas odewiyättü'i̧nä̧ ja̧'wa̧ta̧nü̧ Dio-rü ukuokuäkuäwodettü'i̧nä̧, jü̧nä̧; judío ttü̧ka̧ka̧kuä'ijomȩmä̧, yä̧wä̧i̧nä̧mä̧ ukuokuokü pä'ijüsä.

San Juan 5:14

Ja̧'wa̧nü̧ jä̧ji̧ o'ka'a, Jesú-mä̧ jua̧u̧ru̧, Dio-rü ukuokuäkuäwodettü po̧kui̧pü̧ päinä̧ku̧: —Topittü̧, täkü na̧kuä̧chä̧ji̧ttü̧mä̧ pi̧'ä̧ji̧jä̧; pä'äjita'anü̧mä̧ surojü jȩ'kuä̧, jua'a abonä̧nü̧ surojü ichü juiyaku pä'ümä̧.

San Juan 7:2

Ja̧'wa̧ta̧nü̧ judío jȩttä̧'i̧jü̧ Tabenákuro pä'käri pättü tü'küwächi'iyä̧u̧,

San Juan 7:28

Ja̧'wa̧nü̧ ttukuokua'a ä̧ju̧ku̧, Jesú-mä̧ pä̧i̧ku̧nä̧ päinä̧u̧: ¡Ye isopäi'ünä̧ ttürümä̧, chichinomȩ'i̧nä̧, ttürütä'i̧nä̧ wo̧juä̧tü̧jä̧!; cha̧mü̧nä̧ pa̧ja̧tü̧ amükuädümä̧ ichokü pinü̧sä̧, ttürü we'inü̧mä̧ isopäi'ünä̧ wa̧, jua̧u̧ru̧mä̧ ukutumä̧ jerupätüjä̧.

San Juan 7:37

Ukuo mo̧ro̧, pä'käri rüjí kka̧'a̧, Jesú-mä̧ kkä̧mä̧dü̧ pä̧i̧ku̧nä̧ pä'inü̧: —Ya̧tȩ awa a̧di̧ri̧jü̧ttü̧mä̧, ttüku ichü ttüttü awi.

San Juan 8:2

Kkoro mo̧ro̧ yo̧ä̧i̧, Dio-rü ukuokuäkuäwodenä̧ pä'äjita'anü̧ ichinü̧. Ja̧'wa̧nü̧ ja̧'a̧ ttü̧ja̧ ttü̧ka̧ka̧kui̧'ä̧ja̧'a̧ pä̧mä̧dü̧ wo̧juȩti̧nü̧.

San Juan 8:20

Pi̧yȩmä̧ Dio-rü ukuokuäkuäwodettü, ofrenda rütäwo̧ka̧ kko̧mȩttü̧ wo̧juȩtü̧ päinü̧. Ja̧'wa̧nü̧ ja̧'a̧nä̧ ji̧nä̧ u̧mo̧ro̧ rȩbȩä̧kuä̧wo̧ka̧'a̧ttü̧, ya̧tȩ'i̧nä̧ 'chuttädokoku pinü̧.