San Juan 6:70 - Nuevo Testamento Uwotjüja

⁷⁰ Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

TÄ̧DO Ä̧CUÄ̧ I̧HUȨNȨ

⁷⁰ Jesús ja̧u̧ru̧ ädätinödo: —Ucuturu ttö̧jä̧pö̧ttö̧nö̧ ta̧ju̧ru̧, ¿ttötä o'ipocö pi̧nö̧sä̧ tä̧ji̧? Ja̧'hua̧nö̧ ja̧'a̧nä̧ ucututtu ya̧tȩ ähuettärö ku̧nä̧rö̧ ami iso'quinä.

San Juan 6:70 Iomraidhean Croise

San Juan 13:18

Ukutu o'katoi'ünä̧ kutü'kütukumä̧ pädoka'anä̧; pojopü chȩmi̧nä̧u̧ru̧mä̧ wo̧jua̧sä̧. Ja̧'wa̧nü̧ ja̧'a̧nä̧ wȩyu̧kuä̧ wȩnȩ päümä̧ jo̧mȩnü̧ 'kuäopa pä'ü ja̧'a̧: Ttüku u̧kuȩ kumä̧, chaboi̧ya̧ jü̧nä̧ pä'i'äji.

San Juan 13:2

Ttu̧kuȩ ttukuomȩttü̧, äwettämä̧, täkü Juda Icariote, Simón i̧tti̧ a̧mi̧so'kinä̧, Jesú-ru iyü ikua pä'ü jȩpü̧ ü̧jü̧nä̧ ja̧'a̧ ji̧na̧'a̧.

San Juan 13:21

Pi̧yȩ pä'ü kä'ädü, Jesú-mä̧ rü̧ȩnä̧ a̧'kua̧nä̧ a̧'u̧ru̧jä̧chi̧'ä̧ku̧, o'kajuiyünä̧ wäjuönä̧tä̧ pä'inü̧: —Isopäi'ünä̧tä̧ pädäu̧jä̧: ukututtü ya̧tȩ ja̧'a̧ ttürü iyü i̧kuä̧kua̧mä̧.

San Juan 13:27

Juä̧si̧ kuä̧nü̧ kädüta'anü̧, yotäku Juda Icariote-rü Satanás-mä̧, a̧mi̧so'kinä̧ do'ächi'inü̧. —Ja̧'wa̧nü̧ ji̧yä̧ku̧ Jesú-mä̧ päinä̧ku̧: Jȩ'kua̧ päkuäjimä̧, jitätä jȩpi̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Juan 15:19

Ukutu pi̧jä̧ ttü̧ja̧ kuätukuttümä̧, pi̧jä̧ ttü̧ja̧mä̧ eseu repe'ajatü; ja̧'wa̧nü̧ ja̧'a̧nä̧ ukutumä̧ pi̧jä̧ ttü̧ja̧ kuätukuoka'attü̧, pi̧jä̧ttü̧ pojopü chȩmi̧nä̧u̧ kuätukua'attü pi̧jä̧ ttü̧ja̧mä̧ ttüjü'koko̧u̧jä̧.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Juan 2:2

Ja̧'wa̧ta̧nü̧ Jesú'i̧nä̧ u̧wo̧juȩtä̧u̧ku ttä̧tȩpi̧nä̧ku̧, jua̧u̧ ü'käu pä'kärira̧'a̧ i̧'cha̧ pä'ü.

San Juan 20:24

Ja̧'wa̧nü̧ Jesú i̧jȩkua̧'a̧nä̧, doce-nü̧ wotü u̧wo̧juȩtä̧u̧ pä'ijätüttü, ya̧tȩ Tomá-mä̧, ja̧'a̧tä̧ i̧mi̧mä̧ ta̧ju̧winü̧ pättä'ijäkumä̧ toina̧'a̧.

San Juan 6:64

Ja̧'wa̧nü̧ ja̧'a̧nä̧, ukututtü yotukunä̧ esetokotü kka̧kuä̧tü̧.

San Juan 6:67

Ja̧'wa̧nü̧ ji̧yä̧ku̧, Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü pä'inü̧: ¿Ukutu'i̧nä̧ kui̧'chä̧tu̧kua̧ pä'ätüjä̧?

San Juan 6:71

Pa̧'a̧nü̧ päomȩnä̧mä̧, Juda ütü'kü pä'inü̧, Simón Icariote i̧tti̧. Jua'amä̧ Juda-mä̧ ttü̧jä̧pü̧ttü̧ ta̧ju̧nü̧ wotü i̧sa̧ ja̧'a̧nä̧ churutä iyü ikuäkua'a ji̧yä̧ku̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Hechos 1:17

Isopäi'ünä̧ Juda-mä̧ ujutu i̧sa̧ ji̧na̧'a̧ ja̧'wa̧nü̧ ujututäku ji̧nä̧ ji̧yȩtȩnä̧ aditinü̧.

Hechos 13:10

päinä̧ku̧: —¡Isoo, yapareäkuäwätä, surojütä jo̧mȩnü̧ wa̧jä̧, äwettätä i̧tti̧jä̧, adiwä wȩnȩ aboi̧ya̧tä̧ wa̧jä̧! ¿Tu̧ru̧wa̧ u̧mä̧nä̧ jueü mä̧nä̧, surojuokuepa'amä̧ ti̧yȩnü̧tä̧ käkuädäkua'ajä̧ttü̧?

1 Timoteo 3:11

Ja̧'wa̧ta̧nü̧, nä̧tü̧'i̧nä̧ ttukuotä̧u̧tä̧ jä̧kua̧'a̧, suräjuei wȩnȩ'i̧nä̧ ukuokuokotütä, ttukuokuajueimä̧ tta̧'kua̧pu̧nü̧ kkä̧nü̧, o'kajuiyünä̧ ukuotätütä.

Tito 2:3

Ja̧'wa̧ta̧nü̧ nä̧tü̧ büäkuächätü'i̧nä̧ ji'äwi ukuotünü̧ ttü̧ja̧kua̧ suräjuei wȩnȩ ttukuoku, ja̧'wa̧ta̧nü̧ tä̧ttä̧mä̧'chü̧. Adiwäjuei wo̧juȩkuä̧ isotü jü̧nä̧tä̧ ttü̧ja̧kua̧

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.