San Juan 5:42 - Nuevo Testamento Uwotjüja

⁴² Ja̧'wa̧ta̧nü̧ ukuturumä̧ wo̧jua̧sä̧: Dio jäwä eseäkuäwämä̧ jui'ätü pä'ümä̧.

TÄ̧DO Ä̧CUÄ̧ I̧HUȨNȨ

⁴² Ucuturu huo̧jua̧sä̧. Ucutu Diosrö repecuhuätucuoca'a huo̧jua̧sä̧.

San Juan 5:42 Iomraidhean Croise

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

San Juan 2:25

Ja̧'wa̧nü̧ ja̧'a̧ttü̧, ttü̧ja̧ ttütü'kümä̧ ya̧tȩ'i̧nä̧ jiäwarü pä'ümä̧ rekuärü̧jo̧ko̧ku̧ pinü̧; jua'amä̧ u̧wo̧jua̧'a̧ttü̧ ttü̧ja̧sa̧ a̧mi̧so'kinä̧ kkü̧mä̧.

San Juan 21:17

Wäbodäkuänä̧ päi'ünä̧ päinä̧ku̧: —Simón, ukú Joná i̧tti̧mä̧ ¿Ttürü eseu repe'üjä̧? Peduru-mä̧, wäbodäkuänä̧ päi'ünä̧ repekuäkusä pä'ü jäepäku, a̧'kua̧tta̧nü̧ pä'i'ü ädätinä̧ku̧: —Chu̧ru̧wa̧, ukumä̧ o'kajuiyünä̧tä̧ wo̧jua̧jä̧; ukutäjä̧ ukuru eseu repeda'a wo̧jua̧mä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'a̧ri̧yi̧ttü̧.

San Juan 5:41

Ttümä̧, ttü̧ja̧, ttürü adiu ttukuokuattümä̧ pä'oküsä.

San Juan 5:43

Ttümä̧ Chä'o i̧mi̧nä̧ ichinü̧sä̧, ja̧'wa̧nü̧ chichina̧'a̧nä̧, ttürümä̧ kkü'kokotüjä̧; ja̧'wa̧nü̧ ja̧'a̧nä̧, kka̧ra̧, chutä i̧mi̧nä̧ ichürümä̧ esewätüjä̧.

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

San Juan 8:47

Dio i̧tti̧mä̧, Dio i̧wȩnȩ ä̧ju̧ku̧; ja̧'wa̧nü̧ ja̧'a̧ttü̧, ukutumä̧ ä̧ju̧kuo̧ko̧tü̧jä̧, Dio i̧tti̧mü̧ kuätukuoka'attü̧.

San Juan 8:55

Ja̧'wa̧nü̧ ja̧'a̧nä̧ ukutumä̧ kuieruwätukuäku; ttümä̧ chu̧wo̧juä̧ku̧; ja̧'wa̧nü̧ ja̧'a̧nä̧ chieruwäku pädüttü'i̧nä̧, yapare ji'äusä ukutu jü̧ ta̧'a̧nü̧; ja̧'wa̧nü̧ jo̧ka̧'a̧ ttümä̧ chu̧wo̧juä̧ku̧ ja̧'a̧; ja̧'wa̧ta̧nü̧ i̧wȩnȩ'i̧nä̧ ukuotüsä.

Romanos 8:7

Isopäi'ünä̧ ttidepä wea'anä̧ kkä̧kuä̧wä̧mä̧, Dio aboiyotü päi'ünä̧tä̧ päroächäkuäwä; jua'amä̧, Jua̧u̧ weäwä wȩnȩ kkü'kü jui'ü jȩtta̧ pättoka'attü̧.

1 Juan 2:15

Pi̧jä̧'i̧nä̧, pi̧jä̧nä̧ kka̧ku̧'i̧nä̧ eseumä̧ repekuä. Isopäi'ünä̧, ya̧tȩ pi̧jä̧ eseu repeüttümä̧, Jä'o Dio eseu repeümä̧ jui̧'a̧;

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.