San Juan 5:38 - Nuevo Testamento Uwotjüja

³⁸ ukutumä̧ Jua̧u̧ i̧wȩnȩmä̧ jui'ätüjä̧, weinä̧ku̧ru̧ kuesetätukuoka'a ja̧'a̧ttü̧.

TÄ̧DO Ä̧CUÄ̧ I̧HUȨNȨ

³⁸ Ucutumä Chä'o hueinäcuru cuesetätucuoca'attö, chutä i̧huȩnȩ 'cucuächi'oca'a ä̧ju̧cui̧nä̧tö̧jä̧.

San Juan 5:38 Iomraidhean Croise

San Juan 1:11

Chutä rȩpȩä̧u̧ ttü̧ja̧rü̧ ä̧tȩkuä̧nä̧ ichina̧'a̧nä̧; chutä rȩpȩä̧u̧mä̧ yattokuinä̧ku̧.

San Juan 15:7

Ukutu ttünä̧ ku̧ja̧kuä̧tu̧ku̧ttü̧mä̧ ja̧'wa̧ta̧nü̧ ttü chi̧wȩnȩ ukutunä̧ kka̧ku̧ttü̧mä̧, pä̧wä̧rü̧jü̧mä̧ o'kajuiyünä̧ jä'epätukui, jäkuepätukuomȩnä̧ iyäwäkua'a.

San Juan 8:37

Jua'akumä̧, Abraha̧ i̧tti̧mü̧ isotüjä̧ pä'ümä̧ wo̧jua̧sä̧; ja̧'wa̧nü̧ ja̧'a̧nä̧ kuä'ü kuikuätukua päkuätukuäkusä chi̧wȩnȩ esetü jui'ü.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

1 Juan 2:14

Ukuturu wȩyu̧ti̧nü̧sä̧ chi̧tti̧mü̧ wotürü, jua'amä̧ Jä'o Dio-rü ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu ttä̧'o̧tü̧rü̧ wȩyu̧ti̧nü̧sä̧ jua'amä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu mü̧ä̧yotürü wȩyu̧ti̧nü̧sä̧, kujuru ku̧ju̧nä̧ri̧yä̧tu̧kuä̧ku̧ ja̧'wa̧ta̧nü̧ kua̧mi̧'iso'kitukunä̧ Dio i̧wȩnȩ ku̧ju̧nä̧ri̧yä̧tu̧kuä̧ku̧, ja̧'wa̧nü̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü.