San Juan 5:25 - Nuevo Testamento Uwotjüja

²⁵ Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

TÄ̧DO Ä̧CUÄ̧ I̧HUȨNȨ

²⁵ Iso päi'önä pä'ösä ucuturu, 'corupä'i'inätömä Dios I̧tti̧ i̧huȩnȩ ttä̧ju̧cu̧nä̧ päi'äcua'a. Ttö ja̧u̧mä̧ jitä ja̧'a̧ pä'ösä. Ja̧u̧ru̧ adiu ä̧ju̧cuä̧tö̧mä̧ ttö̧ja̧cuä̧cuo̧tö̧.

San Juan 5:25 Iomraidhean Croise

San Lucas 15:24

Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧.

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

San Lucas 9:60

Päku, Jesú-mä̧ päinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi. Ja̧'wa̧nü̧ ja̧'a̧nä̧ ukumä̧ ru̧wa̧ Dio weü wȩnȩtä̧ ji'äwäji.

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 17:1

Pi̧yȩ wȩnȩ pä'ü kä'ädü, Jesú-mä̧ mo̧ro̧jä̧ra̧'a̧ku̧ topü pä'inü̧: Chä'o, Kui̧tti̧ ukuo jäwä kui̧jȩpü̧ mo̧ro̧ rȩbȩä̧kuä̧wa̧'a̧, pärokua'aku'i̧nä̧ kuruwo jäwä i̧jȩpä̧kua̧'a̧nü̧ jȩpi̧.

San Juan 4:21

Päjäku, Jesú-mä̧ ädätinä̧kua̧: —Esetittü isaju, täkü pi'ka müä'kattü̧mä̧ ja̧'wa̧ta̧nü̧ Jerusarȩ́-ttü̧mä̧, Dio-rü eseäkuäwokü jä̧kuȩ mo̧ro̧ rȩbȩä̧kuä̧wa̧'a̧,

San Juan 4:23

Ja̧'wa̧nü̧ ja̧'a̧nä̧, ji̧yȩtä̧ mo̧ro̧mä̧ täkü rȩbȩä̧kuä̧wa̧'a̧, jua̧u̧ mo̧ro̧ jitä ja̧'a̧. Isopäi'ünä̧tä̧ eseäkuäwätü, Dio-rü tteseu mo̧ro̧mä̧; Jä'o Dio-rü Epíritu a̧'kua̧iweyenä̧, isopäi'ünä̧ jäwänä̧ ttiwe'kiyunä̧ kka̧kuä̧mü̧ tteseumä̧. Isopäi'ünä̧ Jä'omä̧ ja̧'wa̧nü̧tä̧ ttiwe'kiyunä̧ kka̧kuä̧mü̧ ttesewarü pä'ü pä̧wä̧rü̧jä̧ku̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Juan 5:28

Pi̧yȩ pädomȩnä̧mä̧, too to'kuä̧rä̧tu̧kuä̧; isopäi'ünä̧ o'katoi'ünä̧ wa'are rejunä̧ pä̧tü̧'i̧nä̧, i̧wȩnȩ ttä̧ju̧ku̧ mo̧ro̧ rȩbȩä̧kuä̧wä̧kua̧'a̧.

San Juan 6:60

Ja̧'wa̧nü̧ jiäwa'a ä̧ju̧ku̧, rekuätü Jesú o'ka'anä̧ 'chä̧tü̧mä̧ pä'inä̧tü̧: —Pi̧yȩ jiäumä̧ juiyo 'kiyü jäwä ja̧'a̧ ¿Ditä esetä̧kuȩ ja̧'a̧jä̧ttü̧?

San Juan 8:43

¿Tta̧'a̧nü̧ pä'ü ttü chukuokumä̧ wo̧jui̧'o̧ko̧tü̧jä̧ttü̧? Jua'amä̧ chi̧wȩnȩ kuä̧ju̧kuä̧tu̧ku̧ juiyünä̧ ja̧'a̧ttü̧.

San Juan 8:47

Dio i̧tti̧mä̧, Dio i̧wȩnȩ ä̧ju̧ku̧; ja̧'wa̧nü̧ ja̧'a̧ttü̧, ukutumä̧ ä̧ju̧kuo̧ko̧tü̧jä̧, Dio i̧tti̧mü̧ kuätukuoka'attü̧.

San Juan 9:27

Pättäku, ädätinä̧u̧: —Täkü jidäwa'anä̧ esetokotü päjätüjä̧. ¿Tta̧'a̧nü̧ pä'ü, pä'äjita'anü̧ kuä̧ju̧kuä̧tu̧kua̧ päkuätukua'ajä̧ttü̧? ¿Ukutu'i̧nä̧ jua̧u̧ umüwäyotü kuätukua päkuätukua'a tä̧jí̧?

Romanos 6:4

Isopäi'ünä̧ bautizo jȩtä̧kuä̧wi̧nü̧nä̧, Crito-ku 'koru juotächa'a 'turu ikuäwotü jü̧nä̧tä̧ wotüjä̧, jä'o üadiwä ujurunä̧ Crito wa'arettü ttoächinü̧ta̧'a̧nü̧, ujutu'i̧nä̧ jareünä̧ kkä̧kuä̧wä̧nä̧ kuetächa pä'ü.

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

Efesios 5:14

Ja̧'wa̧nü̧ ja̧'a̧ttü̧ pä'a: Ukú ä'ümä̧, porächi'i; ja̧'wa̧ta̧nü̧ wa'ü ikuinä̧tü̧ttü̧ ä̧rä̧mi̧'i̧, ja̧'wa̧nü̧ jȩ'kuo̧mȩnä̧ Crito i̧tȩjä̧dä̧kua̧jä̧.

Colosenses 2:13

Ukutumä̧, kko̧ro̧nü̧ pä̧nä̧mä̧, surojü jȩ'kuä̧tu̧ku̧ jäwänä̧ 'korujuo'ächinä̧tü̧ pinä̧tü̧jä̧ jua'amä̧ suronä̧ jȩ'kuä̧tu̧ku̧ 'kȩkui̧pä̧chä̧tu̧kuo̧ko̧mȩnä̧; ja̧'wa̧nü̧ ji̧na̧'a̧nä̧ Dio jitämä̧ Crito-ku ji̧nä̧ yo̧mȩtȩnä̧ kua̧'kua̧ru̧tu̧ku̧ iyinä̧u̧jä̧, jua̧u̧tä̧ ji̧na̧'a̧ o'kajuiyünä̧ suronä̧ jȩtü̧ jȩpo̧ko̧tü̧rü̧ 'kua̧rü̧nä̧ esekuinü̧mä̧.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.