San Juan 5:20 - Nuevo Testamento Uwotjüja

²⁰ Isopäi'ünä̧ Jä'omä̧, I̧tti̧rü̧ eseu repea'attü̧, o'kajuiyünä̧ jȩü̧mä̧ i̧jȩpä̧ku̧; ja̧'wa̧ta̧nü̧ pi̧yȩttü̧'i̧nä̧ abonä̧nü̧ rü̧ȩnä̧ jü̧ i̧jȩpä̧kuä̧u̧jä̧, too to̧'kuä̧rä̧tu̧ku̧nä̧ päi'ünä̧.

TÄ̧DO Ä̧CUÄ̧ I̧HUȨNȨ

²⁰ Ja̧'hua̧nö̧ ja̧'a̧nä̧ Jä'omä I̧tti̧rö̧ repe'ö. Ja̧'hua̧ta̧nö̧ o'ca juiyönä jȩö̧mä̧, i̧jȩpö̧ I̧tti̧rö̧. Koro juäi'inä, pi̧yȩttö̧'i̧nä̧ abonänö adihuä juäi i̧jȩpä̧cua̧. Ucutu ja̧u̧ juäi tocu'ätucuomenä, nö̧'ä̧chö̧ to̧cu̧'ä̧rä̧cuo̧tö̧jä̧.

San Juan 5:20 Iomraidhean Croise

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

San Mateo 4:8

Pä'äjita'anü̧ Äwettämä̧, mü̧ä̧'ka rü̧ȩnä̧ ju'toju jä'kara̧'a̧ o'ipäji̧'ka̧, pi̧jä̧ ruwäkuiyä uruwo'i̧nä̧, üadiwä'i̧nä̧ i̧jȩpü̧,

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 10:32

Jȩtti̧pi̧yä̧ku̧ Jesú-mä̧ päinä̧u̧: —Chä'o ujurunä̧mä̧ rü̧ȩnä̧ adiwä juei jȩpä̧'i̧jü̧sä̧; ¿Jua̧u̧ jä̧'i̧jü̧ttü̧mä̧, ti̧yȩ suronä̧ jȩchä̧'i̧ja̧'a̧, ttürü ikuäu kuä'ü kuikuätukua päkuätukua'ajä̧ttü̧?

San Juan 14:12

Isopäi'ünä̧ pädäu̧jä̧: Ttürü esetümä̧, ttü jȩchü̧mä̧ jȩä̧kua̧; juȩnȩ abonä̧nü̧ rü̧ jäwä'i̧nä̧ jȩä̧kua̧, Chä'o ü̧jo̧mȩ chi̧'cha̧'a̧ttü̧.

San Juan 15:15

Täkü, chumüwäyotü pä'ümä̧ pä̧do̧ko̧u̧jä̧, ttu̧mü̧wä̧ya̧mä̧ u̧ru̧wa̧ jȩü̧ jȩru̧pa̧ ja̧'a̧ttü̧; jitämä̧ chawaruwäjä̧, jua'amä̧ Chä'ottü chä̧ju̧kui̧nü̧mä̧, o'kajuiyünä̧tä̧ chu̧wo̧juȩti̧nä̧u̧ kuätukua'attü.

San Juan 17:26

Ukú kui̧mi̧ ttu̧wo̧juö̧nä̧ chiyinä̧u̧, jua'a yabonü̧'i̧nä̧ chi̧yä̧kuä̧u̧, ttürü kuiyinü̧ eseu repeäkuäwä juätünä̧ kkä̧kua̧'a̧nü̧, ttü'i̧nä̧ juätünä̧ chu̧ju̧nä̧.

San Juan 3:35

Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Juan 5:25

Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

San Juan 5:29

Ja̧'wa̧nü̧ ja̧'a̧ttü̧, adiu jȩpi̧nä̧tü̧'i̧nä̧, kkä̧kuä̧wä̧ i'ko ttu̧ju̧nä̧ra̧ pä'ü ttottächäkuotü; ja̧'wa̧ta̧nü̧ suronä̧ jȩpi̧nä̧tü̧'i̧nä̧, ro̧ȩkuä̧ usurä ttȩmä̧wa̧ pä'ü ttottächäkuotü.

2 Pedro 1:17

Jä'o Dio-mä̧ eseäkuäwä'i̧nä̧ ü̧rü̧ä̧'i̧nä̧ iya'a topinä̧tü̧jä̧, Dio ü̧rü̧ä̧ ukuokumä̧ rä̧mi̧pi̧na̧'a̧: Pide chi̧tti̧rü̧ rü̧ä̧nä̧ eseusä, ttütä pojopü chȩmi̧nä̧ku̧ru̧ jü̧nä̧.