San Juan 5:10 - Nuevo Testamento Uwotjüja

¹⁰ Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧: —Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ttö̧ judíos ttö̧ja̧ pä'inätödo ja̧u̧ru̧, Jesús aditö icuäjäcuru: —Jitä mo̧ro̧, ttö̧ja̧ 'cuättächi'ö mo̧ro̧. Cu̧rä̧sa̧ cuȩpö̧ juiyö'a̧nö̧ ja̧'a̧.

San Juan 5:10 Iomraidhean Croise

San Mateo 12:10

Doächi'omȩnä̧, juodenä̧mä̧ u̧mü̧ ji̧mü̧tȩ jo'ächächinü̧ ya̧tȩ kki̧nü̧; jua̧u̧ ü̧ji̧yä̧u̧ Jesú-ru jä'epü ä̧ju̧kui̧nä̧tü̧, suronä̧ jȩpä̧ji̧ pä'ü, chutä ütü'kü jittäwa pä'ü ttusomȩ ja̧'a̧: ¿Sawaru mo̧ro̧'i̧nä̧ na̧'ä̧chü̧rü̧mä̧ aditü ttiku'anü̧ ja̧'a̧ pä'ü?

San Marcos 2:24

Ja̧'wa̧nü̧ jȩtti̧yä̧u̧, fariseo wotümä̧ Jesú-ru pä'inä̧tü̧: —¿Tta̧'a̧nü̧ pä'ü ku̧wo̧juȩtä̧u̧mä̧, sawaru mo̧ro̧ ttadita pä'ü weäwokü jäwä jȩpä̧tü̧jä̧ttü̧?

San Marcos 3:4

Pä'ü kkä̧nü̧, kkorotürü jä'epü ä̧ju̧kui̧nü̧: —¿Sawaru mo̧ro̧mä̧ däjetä jȩtta̧ pä'ü weäwa'ajä̧ttü̧: adiu jȩtta̧ pä'ü tä̧jí̧, surojü jȩtta̧ pä'ü tä̧jí̧? ¿Tta̧'kua̧ra̧ pä'ü ppättädü'anü̧ tä̧jí̧, totte'ächa'anä̧ ja̧'a̧tä̧ tottü'anü̧ tä̧jí̧? Päomȩnä̧, yoriso ädätokotü pinä̧tü̧.

San Lucas 13:14

Ja̧'wa̧nü̧ Jesú-mä̧ Sawaru mo̧ro̧ aditü ikua'a topü, sinagoga isode u̧ru̧wa̧mä̧ ra̧wä̧ri̧pü̧ ttü̧ja̧rü̧ pä'inü̧: —Kko̧ro̧mü̧ttü̧nü̧ ya'ute mo̧ro̧ jo̧mȩnä̧ kka̧'a̧ adikuä mo̧ro̧mä̧; jua̧u̧nü̧ mo̧ro̧tä̧ ichätukui, ja̧'wa̧nü̧ ja̧'a̧nä̧ Sawaru mo̧ro̧mä̧ aditü ttikuätukuaku pä'ümä̧ kuichätukuä.

San Lucas 23:56

Jua'attü ppa̧'a̧chä̧jä̧'ko̧tü̧mä̧ a̧mȩu̧, jo̧mȩnü̧ aditü kku̧ni̧nä̧tü̧. Sawaru mo̧ro̧ 'kuä'ächi'ü pȩjä̧mi̧nä̧tü̧, weäwä wȩnȩ weüta'anü̧.

San Lucas 6:2

Ja̧'wa̧nü̧ jȩtti̧yä̧u̧, fariseo wotüttü yotüte jä'epü ttä̧ju̧kui̧nä̧u̧: —¿Tta̧'a̧nü̧ pä'ü ukutumä̧, sawaru mo̧ro̧ jȩä̧kuä̧wo̧kü̧ jȩpä̧tü̧jä̧ttü̧?

San Juan 1:19

Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.

San Juan 5:11

Pättäku, jua̧u̧mä̧ ädätinä̧u̧: —Ttürü chumä̧richei aditü ikuäjimä̧, ku̧'ä̧bä ȩmi̧pü̧ täi päjäkusä,

San Juan 5:15

Päjäkumä̧, judío-rü 'chä̧wi̧'ü̧ ji'äwinü̧: Jesú jä̧ja̧'a̧ ttürü aditü ikuäjimä̧ pä'ü.

San Juan 5:16

Ja̧'wa̧nü̧ sawaru mo̧ro̧ jȩi̧yä̧u̧ judío-mä̧, Jesú-ru kuä'ü ttikua pä'ü jȩpi̧nä̧tü̧.

San Juan 7:23

Ja̧'wa̧nü̧ Moisé weinü̧, jarodü jui'ü, sawaru mo̧ro̧ ja̧'a̧nä̧'i̧nä̧ circuncisión ttü̧ja̧rü̧ jȩ'kuä̧'i̧jä̧tu̧kua̧'a̧nä̧, ¿Tta̧'a̧nü̧ pä'ü, ttürümä̧ ku̧ra̧wä̧rä̧tü̧kua̧'a̧jä̧ttü̧, ttü̧ja̧sa̧rü̧ sawaru mo̧ro̧ jo̧mȩnü̧ aditü chikuäja'amä̧?

San Juan 9:16

Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.