San Juan 4:52 - Nuevo Testamento Uwotjüja

⁵² Pä'ü jittäwäku, däjé hora-nä̧ a̧'kua̧ttü̧ juoäjättü̧, pä'ü jä'epü ä̧ju̧kuä̧u̧, jittäwinä̧ku̧: —Ni̧po̧ ni̧pä̧ro̧mȩ, kkä̧wa̧ werächi'ürü na̧wä̧chä̧ji̧mä̧ a̧'kua̧ttü̧ pä'i'äji pä'ü, ttädätinä̧ku̧.

TÄ̧DO Ä̧CUÄ̧ I̧HUȨNȨ

⁵² Ja̧'hua̧nö̧ pättomenä, jä'epinödo: —Kä̧hua̧ ¿tȩnȩ kö̧rö̧ ö̧'i̧pä̧jä̧ttö̧? Jahuätö ädätinätödo: —Ni̧po̧ mo̧ro̧ kä̧hua̧ huerächi'örö pi̧'ä̧ji̧.

San Juan 4:52 Iomraidhean Croise

San Mateo 17:18

Ja̧'wa̧nü̧ ja̧'a̧, Jesú-mä̧ ujuruku weäku epíritu su̧ro̧pa̧mä̧ jua̧u̧ mü̧ä̧ya̧ttü̧ rä'opächinü̧, ja̧'wa̧nü̧ jo̧mȩnä̧ ji̧yȩtä̧ hora-nä̧tä̧ na̧wä̧chä̧ji̧ttü̧mä̧ pi̧'i̧nü̧.

San Mateo 8:13

Jua̧u̧ o'ka'a Jesú-mä̧ su̧ro̧do̧u̧ ttu̧ru̧wa̧rü̧ pä'inü̧: —Täkü kuojusodera̧'a̧ täi, kuesetäji'a̧kuä̧ 'kuäopä̧kua̧jä̧. Päomȩnä̧ su̧ro̧do̧u̧ ttu̧ru̧wa̧ u̧mü̧wä̧ya̧mä̧, jua̧u̧nu̧tä̧ kkä̧mä̧dü̧ na̧wä̧chä̧ji̧mä̧ pi̧'i̧nü̧.

San Juan 4:51

Ja̧'wa̧nü̧ ojusodera̧'a̧ku̧ kkä'ko ppa̧wä̧cha̧'a̧nä̧, umüwäyotümä̧, ichi'äkuäwi'ü jittäwinä̧ku̧: —Kui̧tti̧mä̧, täkü a̧'kua̧ri̧'ä̧ji̧, pä'ü.

San Juan 4:53

Ja̧'wa̧nü̧ jittäwa'a ä̧ju̧ku̧, jä'omä̧ wo̧jui̧'i̧nü̧, jua̧u̧ hora-nä̧ jä̧ja̧'a̧: kui̧tti̧mä̧ täkü na̧'ä̧cho̧kü̧ täi, Jesú päji hora jä̧ja̧'a̧dä̧ pä'ü. Ja̧'wa̧nü̧ ja̧'a̧ttü̧ i̧tti̧mü̧ku̧ o'katoi'ünä̧ Jesú-ru esetü ikuinü̧.