San Juan 4:36 - Nuevo Testamento Uwotjüja

³⁶ Ja̧'wa̧ta̧nü̧ ka̧ka̧tü̧mä̧ mikuä ȩmü̧kkä̧nü̧, u̧wä̧ju̧ ka̧ka̧tü̧ kkä̧kuä̧wä̧ i'ko u̧ju̧nä̧ra̧ pä'ü ja̧'wa̧nü̧ jo̧mȩnä̧ kku̧nä̧wä̧ i̧sa̧'i̧nä̧, ka̧ka̧kuä̧ i̧sa̧tä̧ku̧ yo̧mȩtȩnä̧ esewa pä'ü.

TÄ̧DO Ä̧CUÄ̧ I̧HUȨNȨ

³⁶ Ya̧tȩ se'ömä, seäji micuä ȩmö̧. Ja̧u̧ se'ömä, kä̧cuä̧huä̧ i'co ȩmö̧nö̧ se'ö. Ja̧'hua̧nö̧ ja̧'a̧ttö̧ ku̧ni̧nö̧'i̧nä̧, se'inö'inä ji̧nä̧ yo̧mȩtȩnä̧ ttesehuäcuotö.

San Juan 4:36 Iomraidhean Croise

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

Romanos 1:13

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧ ku̧wo̧juä̧tu̧kua̧ pä'üsä, do'ächü chicha pä'ü jȩcha̧'a̧nä̧, do'ächü chichü juiyünä̧ weyekuä'ijüsä. Ji̧nä̧somä̧ kkorotü judío pokotürü jä̧'i̧jü̧ta̧'a̧nü̧ ukutunä̧'i̧nä̧ u̧wä̧ju̧ chu̧ju̧nä̧ra̧ pä'ü.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 6:22

Ja̧'wa̧nü̧ ji̧na̧'a̧nä̧, jitämä̧ surojüttü rä'epü ikuinü̧ o̧'ko̧u̧mä̧, Dio-ku dodepinä̧tü̧jä̧ umüwäyotü kuätukua pä'ü. Ja̧'wa̧nü̧ ja̧'a̧ jua̧u̧ u̧wä̧ju̧mä̧ surojü juiyünä̧ kkä̧nü̧, päjuriyänä̧mä̧, kkä̧kuä̧wä̧ i'ko ȩmä̧wä̧ ja̧'a̧.

Romanos 6:23

Isopäi'ünä̧ surojü ukuotäkuäwokümä̧ wa'arenä̧tä̧ mikuäwächa'a ja̧'wa̧nü̧ ja̧'a̧nä̧ tu̧ru̧wa̧ Jesucrito-nä̧ Dio-mä̧ kkä̧kuä̧wä̧ i'ko mippoünä̧ iyinäu̧jä̧.

1 Corintios 9:17

Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.

1 Corintios 9:18

¿Ja̧'wa̧nü̧ ja̧'a̧mä̧, ti̧yȩjä̧ttü̧ ttü mikuä chȩmä̧kuȩmä̧? Jua̧u̧mä̧ Crito weinü̧ mipponä̧ jidäutä ja̧'a̧, jareü wȩnȩ jidäwomȩnä̧ mikuä chȩma̧ pä'ü ji̧nü̧mä̧ chȩmo̧ka̧'a̧tä̧.

1 Tesalonicenses 2:19

Ja̧'wa̧nü̧ ja̧'a̧ttü̧mä̧ ¿ti̧yȩjä̧ttü̧ ujutu tesewa pä'ü tta̧tä̧rü̧mä̧, corona pättü jü̧nä̧ tesewä̧kuȩmä̧, Tu̧ru̧wa̧ Jesucrito ichomȩnä̧, ä'kattümä̧? Kkorotümä̧ toa'a, Jua̧u̧mä̧ ukututä jä̧kua̧'a̧.

1 Timoteo 4:16

Kua̧mü̧nä̧ pa̧ja̧tü̧'i̧nä̧ tta̧'a̧rä̧kuä̧wi̧ ja̧'wa̧ta̧nü̧ kkorotürü ku̧wo̧juȩtü̧mä̧ ttu̧'ȩpä̧rü̧nü̧ wo̧juȩti̧, o'kajuiyünä̧ adiwomȩnä̧tä̧ jȩpi̧. Ja̧'wa̧nü̧ jȩ'kuo̧mȩnä̧tä̧ ukutä'i̧nä̧, ku̧wo̧juȩtü̧ ä̧ju̧kuä̧tü̧'i̧nä̧ surojü jȩä̧kuä̧wä̧ttü̧mä̧ ttü̧ja̧kui̧'ä̧kuo̧tü̧.