San Juan 4:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

San Juan 4:14 Iomraidhean Croise

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

San Mateo 5:6

Eseäkuäwä kka̧'a̧ adiwomȩnä̧ jȩä̧kuä̧wä̧ rekuä rü̧jä̧u̧ru̧, jua'amä̧ jo̧mȩnü̧tä̧ ttü̧'o̧kui̧'ä̧kua̧'a̧ttü̧.

San Juan 10:10

Nä̧u̧kuä̧rä̧kuä̧wä̧ i̧sa̧mä̧: nä̧u̧ku̧tä̧, kuä'äu ikutä, si'epü ikutä ichü; ja̧'wa̧nü̧ ja̧'a̧nä̧ ttümä̧ a̧'kua̧rä̧kuä̧wä̧, rü̧ȩnä̧ ttu̧ju̧nä̧ra̧ pä'ü ichinü̧sä̧.

San Juan 11:26

Ja̧'wa̧nü̧ ja̧'a̧ttü̧ o'katoi'ünä̧ a̧'kua̧rä̧tü̧, ttürü esetätümä̧ yoriso 'korujuo'ächokotü ttäkuotü. ¿Pa̧'a̧nü̧ pädümä̧ esetäjujä̧?

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Juan 4:11

päkua, kkädätinä̧ku̧: —Chu̧ru̧wa̧, ajiya wäokuä juikua'amä̧ ja̧'wa̧ta̧nü̧ reju'i̧nä̧ täkua'a abotä akua'amä̧ ¿Torü kuȩmä̧kua̧'a̧jä̧ttü̧, ajiya a̧'kua̧rü̧ kkoyamä̧?

San Juan 4:13

Päjiyäku Jesú-mä̧ ädätinä̧kua̧: —Poyattü awätümä̧, o'katoi'ünä̧tä̧ pä'äji jä̧ji̧ta̧'a̧nü̧, ttawa a̧di̧ri̧jä̧kuä̧u̧;

San Juan 4:36

Ja̧'wa̧ta̧nü̧ ka̧ka̧tü̧mä̧ mikuä ȩmü̧kkä̧nü̧, u̧wä̧ju̧ ka̧ka̧tü̧ kkä̧kuä̧wä̧ i'ko u̧ju̧nä̧ra̧ pä'ü ja̧'wa̧nü̧ jo̧mȩnä̧ kku̧nä̧wä̧ i̧sa̧'i̧nä̧, ka̧ka̧kuä̧ i̧sa̧tä̧ku̧ yo̧mȩtȩnä̧ esewa pä'ü.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Juan 6:35

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

San Juan 6:58

Pide ja̧'a̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧mä̧. Pide kuäkuäwämä̧, ku̧tä̧mü̧ mi̧nä̧tu̧ku̧ ttikuinü̧ maná ji̧na̧'a̧nümä̧ jo̧kü̧, kuinü̧'kotümä̧ wa'ü ikuinä̧tü̧; ja̧'wa̧nü̧ ja̧'a̧nä̧ pi̧yȩ kuäkuäwättü kumä̧ 'kuäopünä̧tä̧ ü̧jä̧kua̧.

San Juan 7:37

Ukuo mo̧ro̧, pä'käri rüjí kka̧'a̧, Jesú-mä̧ kkä̧mä̧dü̧ pä̧i̧ku̧nä̧ pä'inü̧: —Ya̧tȩ awa a̧di̧ri̧jü̧ttü̧mä̧, ttüku ichü ttüttü awi.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

Romanos 6:23

Isopäi'ünä̧ surojü ukuotäkuäwokümä̧ wa'arenä̧tä̧ mikuäwächa'a ja̧'wa̧nü̧ ja̧'a̧nä̧ tu̧ru̧wa̧ Jesucrito-nä̧ Dio-mä̧ kkä̧kuä̧wä̧ i'ko mippoünä̧ iyinäu̧jä̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Apocalipsis 7:16

Täkü, ttukua ppä̧i̧rü̧jü̧'i̧nä̧, ttawa a̧di̧ri̧jü̧'i̧nä̧ juittäkuotü, ja̧'wa̧ta̧nü̧ täkü, du'o kuo'ümä̧, usurä ȩmä̧wo̧ko̧tü̧ ttäkuotü;

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.