San Juan 3:18 - Nuevo Testamento Uwotjüja

¹⁸ Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧.

TÄ̧DO Ä̧CUÄ̧ I̧HUȨNȨ

¹⁸ “Ya̧tȩ Dios I̧tti̧rö̧ esetömä, tä̧bo̧cuä̧mä̧ 'cuäopoca'a ja̧u̧ru̧. Ja̧'hua̧nö̧ ja̧'a̧nä̧ esetocörö tä̧bo̧cuä̧ 'cuäopäcua'a ja̧u̧ru̧, Dios I̧tti̧rö̧ chu ä̧cua̧rö̧ä̧tä̧ esetoca'attö.

San Juan 3:18 Iomraidhean Croise

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

San Juan 1:12

Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

Romanos 5:1

Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Romanos 8:34

¿Ditä jä̧kua̧'a̧jä̧ttü̧ ubara ttuttunä̧ ro̧ȩpä̧kua̧mä̧? Crito ya̧tȩtä̧ ja̧'a̧ 'korujuo'ächinü̧'ka̧, tto'ächinü̧mä̧ ja̧'wa̧ta̧nü̧ Dio u̧wo̧jua̧'a̧ku̧nä̧ pä̧nü̧, ujutu tütü'kü ppä'ädü jä'epümä̧ 'kuäopünä̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Hebreos 3:19

Ja̧'wa̧nü̧ ji̧na̧'a̧mä̧ topätüjä̧; ttesetokomȩnä̧mä̧, dodepokotü pinä̧tü̧ pä'ü.

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.

1 Juan 4:9

Dio, ujuturu eseu repeümä̧, I̧tti̧ chu̧'ä̧kua̧ Jesucrito-rü pi̧jä̧ra̧'a̧ we'inü̧. Jua'amä̧ o'katoi'ünä̧, jua̧u̧nä̧tä̧ kkä̧kuä̧wä̧ i'ko tu̧ju̧nä̧ri̧ya̧rü̧ pä'ü.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

1 Juan 5:12

Dio I̧tti̧rü̧ kku̧nä̧rü̧mä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧ Dio I̧tti̧rü̧ kkü̧nä̧ro̧kü̧mä̧ kkä̧kuä̧wä̧ i'ko jui̧'a̧.