San Juan 20:25 - Nuevo Testamento Uwotjüja

²⁵ Ja̧'wa̧nü̧ ja̧'a̧ kkorotü u̧wo̧juȩtä̧u̧mä̧, jittäwinä̧ku̧: —Tu̧ru̧wa̧rü̧ topäjätüjä̧, pä'ü jittäwäku, Tomá-mä̧ pä'inü̧: —U̧mü̧nä̧ jutujui pȩtti̧no̧mȩ topü, chüdo'che rädädädü juiyüttümä̧ ja̧'wa̧ta̧nü̧ i'esubänä̧ chu̧mü̧ rädädü juiyüttümä̧, esetoküsä.

TÄ̧DO Ä̧CUÄ̧ I̧HUȨNȨ

²⁵ Jesús i̧jȩcuä̧ji̧ o'ca'a, korotö u̧huo̧juȩtä̧u̧ pä'inätödo Tomásrö: —Ujutumä Tu̧ru̧hua̧rö̧ topäjätöjä. Ja̧'hua̧nö̧ pättomenä, chutä Tomás pä'inödo: —Ttömä u̧mö̧nä̧ i̧sa̧ri̧ pȩtto̧pi̧no̧mȩ tochö juiyöttömä, chudo'che i̧sa̧ri̧ doächinome rädädö juiyöttömä, i'esubänä'inä dacuodänä tattinome chu̧mö̧ rädädö juiyöttömä, yoröiso esetocösä.

San Juan 20:25 Iomraidhean Croise

San Mateo 27:42

—Kkorotürümä̧ ra̧wä̧pi̧jü̧ttü̧ ttü̧ji̧pü̧nä̧ ppädina̧'a̧nä̧, a̧mü̧nä̧ pa̧ja̧tü̧ wa'arettümä̧ ü̧ji̧pü̧ juiyünä̧ wa̧, Irae ttü̧ja̧ ttu̧ru̧wa̧sä̧ pä'ija'anä̧: ¡isopäi'ünä̧ ü̧jo̧kä̧ jäittü i̧mȩyȩwä̧chü̧ttü̧tä̧, tesetä̧kua̧!

San Marcos 16:11

Ja̧'wa̧nü̧ ja̧'a̧, juätümä̧, Jesú-mä̧ a̧'kua̧ri̧'ä̧ji̧ päji, tochäjäku pä'ü jijäwa'anä'i̧nä̧ esetokotü pinä̧tü̧.

San Marcos 16:13

Juätümä̧ kkorotürü ji'äu 'chi̧nä̧tü̧; jittäwomȩnä̧, juätürü'i̧nä̧ yoriso esetokotü pinä̧tü̧.

San Marcos 16:14

Jua̧u̧ jä̧ji̧ o'ka'amä̧, o̧cȩnü̧ wotü u̧wo̧juȩtä̧u̧ pä'ijätü mesa-nä̧ ttü̧'ȩja̧'a̧, Jesú-mä̧ i̧jȩkui̧nü̧. Ttoächaja'a topäjätü jittäwa'anä̧ ttesetokomȩjä̧mȩnä̧, tta̧'kua̧ ttu̧wȩnä̧ro̧kü̧ tü'kü'i̧nä̧, tta̧mi̧ 'kitteku tü'kü'i̧nä̧ pä̧i̧ku̧nä̧ päinä̧u̧.

San Lucas 24:25

Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!

San Juan 1:41

André-mä̧, ä̧kuo̧mȩnä̧mä̧ ubüo Simón-rü̧ 'chä̧wi̧'ü̧ pä'inü̧: —Mesía-rü po̧kui̧pä̧jä̧tü̧jä̧ (Jua̧u̧mä̧ Crito pä'ü päwä).

San Juan 20:27

Pä'ü kä'ädü, Tomá-rü̧ pä'inü̧: —Kudo'che i'kächü, chu̧mü̧pi̧yä̧ topittü ja̧'wa̧ta̧nü̧ ku̧mü̧ chi'esubänä̧ rä'ädi; kuesetoka'amä̧ jȩ'kuä̧'chä̧ ¡Esetütä, eseti!

San Juan 21:7

Ja̧'wa̧nü̧ ja̧'a̧ Jesú u̧wo̧juȩtä̧u̧ttü̧ rü̧ȩnä̧ repeä'ijäkumä̧, Peduru-rü pä'inü̧: —¡Tu̧ru̧wa̧ ja̧'a̧! Ja̧'wa̧nü̧, Tu̧ru̧wa̧ ja̧'a̧, pä'a ä̧ju̧ku̧, Simón Peduru-mä̧ yotäku, ü̧'ka̧tä̧wä̧ti̧yu̧ 'ka̧tä̧wo̧'ü̧ ajeku tü'ächinü̧ (jui̧'a̧ ü̧jä̧ja̧'a̧).

San Juan 6:30

Päomȩnä̧, pättinä̧ku̧: —¿Däjénä̧ttü̧ ujuturu totünä̧ jȩ'ku̧'a̧nü̧ jü̧mä̧, jua̧u̧ topü tesetaku pä'ümä̧? ¿Däjéjä̧ttü̧ uku jȩ'ku̧mä̧?

Hebreos 3:12

Chawaruwä chü̧jä̧wa̧tü̧, to̧pä̧rä̧kuä̧wä̧tu̧kui̧ kua̧mi̧so'kitukunä̧, surojünä̧ amükuädü, a̧'kua̧rä̧kuä̧wä̧ i̧sa̧ Dio-ttü 'kȩkui̧pä̧chä̧tu̧ku̧ juiyäkua'anü̧.

Hebreos 3:18

¿Ja̧'wa̧nü̧ ja̧'a̧mä̧, Dio-mä̧ titürü 'kuä'ächi'ü chü̧jo̧mȩmä̧ dodepokotü täkuotü päina̧'a̧jä̧ttü̧? Jua'amä̧ ukuotokotü pinä̧tü̧rü̧, jitürütä ji̧na̧'a̧.