San Juan 2:2 - Nuevo Testamento Uwotjüja

² Ja̧'wa̧ta̧nü̧ Jesú'i̧nä̧ u̧wo̧juȩtä̧u̧ku ttä̧tȩpi̧nä̧ku̧, jua̧u̧ ü'käu pä'kärira̧'a̧ i̧'cha̧ pä'ü.

TÄ̧DO Ä̧CUÄ̧ I̧HUȨNȨ

² Jesúsru'inä, u̧huo̧juȩtä̧u̧ru̧'i̧nä̧ tticha pä'ö o'ipinätödo fiesta jȩtta̧ pä'ö.

San Juan 2:2 Iomraidhean Croise

San Mateo 12:19

Ya̧tȩku̧'i̧nä̧ pä'ä'chäkuäu, wopokü jä̧kua̧; mä̧ni̧yä̧ttü̧'i̧nä̧ i̧wȩnȩmä̧ ä̧ju̧kuä̧kua̧wo̧kü̧ jä̧kua̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Juan 2:12

Jua̧u̧ 'kuäopäji o'ka'a Cafarnaúm ütawiyära̧'a̧ 'chi̧nä̧tü̧, ja̧ju̧'i̧nä̧, ü̧jä̧wa̧tü̧'i̧nä̧, u̧wo̧juȩtä̧u̧'i̧nä̧ jü̧nä̧; juȩnȩmä̧ a̧'u̧ku̧nä̧tä̧ mo̧ro̧ kka̧kui̧nä̧tü̧.

San Juan 2:17

Ja̧'wa̧nü̧ jȩi̧yä̧u̧, u̧wo̧juȩtä̧u̧mä̧ wȩyu̧kuä̧ wȩnȩnä̧: «Kuojusode rü̧ȩnä̧ repeda'attü̧, okurä jä'i̧nü̧'a̧nü̧ kuoäkusä» pä'ü wȩyu̧kuä̧'i̧jo̧mȩ amükuädi'inä̧tü̧.

San Juan 2:22

Ja̧'wa̧nü̧ ja̧'a̧ttü̧, Jesú wa'arettü ttoächomȩnä̧mä̧, u̧wo̧juȩtä̧u̧mä̧ ukuokuinü̧ ji̧nü̧ amükuädi'inä̧tü̧; ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧'i̧nä̧, Jesú ukuoku'i̧nä̧ esetinä̧tü̧.

San Juan 2:3

Ja̧'wa̧nü̧ i̧'chä̧ja̧'a̧ vino isoya beipächiyäkua, Jesú ja̧ju̧mä̧ päjinä̧ku̧: —Vino isoya joipächa'a.

San Juan 3:22

Jua̧u̧ jä̧ji̧ o'ka'a, Jesú-mä̧ u̧wo̧juȩtä̧u̧ku Judea rȩjȩra̧'a̧ ichäji̧'ka̧, a̧'u̧kua̧'a̧tä̧ mo̧ro̧ kkä̧nü̧, juätütäku bautizo jȩpi̧nü̧.

San Juan 4:2

(Jua'akumä̧, Chutämä̧ bautizo jȩo̧ka̧'a̧, u̧wo̧juȩtä̧u̧tä̧ bautizo jȩtta̧'a̧nä̧).

San Juan 4:33

päomȩnä̧, u̧wo̧juȩtä̧u̧mä̧ ukuokuäkuäwinä̧tü̧: —¿Kkorotüdí̧ tti'chächäjiyäku? pä'ü.

San Juan 4:8

u̧wo̧juȩtä̧u̧mä̧, ütawiyära̧'a̧ ttu̧kuȩ ȩmo̧po̧'ü̧ tti̧'chi̧'ä̧ji̧ o'ka'a ji̧na̧'a̧.

San Juan 6:12

Ja̧'wa̧nü̧ kuä̧nü̧ jo̧mȩnü̧ suttädi'äji o'ka'a, Jesú-mä̧ u̧wo̧juȩtä̧u̧rü pä'inü̧: —Ttukua'anä̧ kka̧kui̧pä̧ji̧ ka̧ka̧tä̧tu̧kui̧, surojuoächü juiyäkua'anü̧.

San Juan 6:16

Täkü yodó juomȩnä̧, Jesú u̧wo̧juȩtä̧u̧mä̧ rü̧ä̧ duborara̧'a̧ku̧ 'chi̧nä̧tü̧,

San Juan 6:60

Ja̧'wa̧nü̧ jiäwa'a ä̧ju̧ku̧, rekuätü Jesú o'ka'anä̧ 'chä̧tü̧mä̧ pä'inä̧tü̧: —Pi̧yȩ jiäumä̧ juiyo 'kiyü jäwä ja̧'a̧ ¿Ditä esetä̧kuȩ ja̧'a̧jä̧ttü̧?

San Juan 6:66

Juorütä kkä̧mä̧dü̧, rekuätü Jesú-ku kue'ächäjätümä̧, täkü jua̧u̧ku̧mä̧ kue'ächokotü pinä̧tü̧.

San Juan 6:67

Ja̧'wa̧nü̧ ji̧yä̧ku̧, Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü pä'inü̧: ¿Ukutu'i̧nä̧ kui̧'chä̧tu̧kua̧ pä'ätüjä̧?

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

San Juan 6:71

Pa̧'a̧nü̧ päomȩnä̧mä̧, Juda ütü'kü pä'inü̧, Simón Icariote i̧tti̧. Jua'amä̧ Juda-mä̧ ttü̧jä̧pü̧ttü̧ ta̧ju̧nü̧ wotü i̧sa̧ ja̧'a̧nä̧ churutä iyü ikuäkua'a ji̧yä̧ku̧.

San Juan 6:8

Päiyäku u̧wo̧juȩtä̧u̧ttü̧ ya̧tȩ, Simón Peduru ü̧jä̧wa̧ André-mä̧, pä'inü̧:

San Juan 7:3

Jesú ü̧jä̧wa̧tü̧mä̧ pättinä̧ku̧: —Porümä̧ rä'opächü judea rȩjȩra̧'a̧tä̧ täi, uku ku̧wo̧juȩtä̧'i̧jä̧u̧'i̧nä̧ jȩ'ku̧ tottäkua'anü̧.

Hechos 11:26

Ja̧'wa̧nü̧ ja̧'a̧, juorü igresia jü̧nä̧ wotükumä̧, ya'ute año jo̧mȩnä̧ kka̧kui̧nä̧tü̧, rekuätürü wo̧juȩtü̧; Juorü Antioquía-ttü ji̧na̧'a̧, ä̧kuo̧mȩnä̧ Jesucrito-rü esetätürü, critiano pä'ü ottina̧'a̧mä̧.

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

1 Corintios 10:31

Ja̧'wa̧nü̧ jä̧'cha̧'a̧ttü̧, kukuätukuomȩnä̧'i̧nä̧, kuawätukuomȩnä̧'i̧nä̧, o'kajuiyünä̧tä̧ Dio-rü pä̧wä̧rü̧ja̧'a̧ku̧tä̧ jȩpä̧tu̧kui̧.

1 Corintios 7:39

Isaju kkirekuorü kkä̧ju̧mä̧, ji̧nä̧ a̧'kua̧rä̧i̧mä̧ kkirekuoku todepaju; ja̧'wa̧nü̧ ja̧'a̧nä̧, kkirekuo toe'ächomȩnä̧mä̧, täkü todepokoju, kka̧ra̧rü̧ kkȩma̧ päjüttümä̧ ȩmä̧ju̧ ja̧'wa̧nü̧ ja̧'a̧nä̧ Tu̧ru̧wa̧rü̧ esetürü.

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

Hebreos 13:4

O'katoi'ünä̧ tti̧rȩkua̧mü̧rü̧ kku̧nä̧rä̧tü̧rü̧mä̧ ukuotätukui ja̧'wa̧ta̧nü̧ kuirekuamü̧tu̧ku̧ku̧ ku̧ja̧kuä̧kuä̧wä̧tu̧ku̧mä̧ surojü juiyünä̧tä̧ kka̧kuä̧wä̧tu̧kui̧; jua'amä̧ ttȩmä̧kuä̧wo̧ka̧'a̧nä̧ kka̧kuä̧wä̧tü̧rü̧'i̧nä̧ ja̧'wa̧ta̧nü̧ kkorotü tti̧rȩkua̧mü̧rü̧ jȩpä̧'chä̧tü̧rü̧'i̧nä̧, Dio-mä̧ ü̧tä̧bo̧tä̧kua̧ ja̧'a̧.

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.