San Juan 19:4 - Nuevo Testamento Uwotjüja

⁴ Pä'äjita'anü̧ Pilato-mä̧ rä'o'ü päinä̧u̧: —Topätukui, u̧mi̧ rä'epü chu̧ju̧ni̧yä̧u̧jä̧, ttü tochomȩnä̧ suronä̧ jȩä̧'i̧jü̧ chü̧'o̧kui̧'ü̧ juiyünä̧ ja̧'a̧ ku̧wo̧jui̧pä̧tu̧kua̧ pä'ü.

TÄ̧DO Ä̧CUÄ̧ I̧HUȨNȨ

⁴ Pilato pä'äji ta'anö rä'oi'ö pä'inödo jahuätörö: —Ttö chamöcuädomenä, suronä jȩpo̧cö̧ pi̧nö̧. Ja̧'hua̧nö̧ cu̧huo̧juä̧tu̧cua̧ pä'ö, pocutä rä'epö chi̧cuä̧cua̧sä̧.

San Juan 19:4 Iomraidhean Croise

San Mateo 27:19

Pilato-mä̧ ji̧nä̧ jua̧u̧ wȩnȩ ukuokua'anä̧, irekuamä̧ jittäwiyaju pä'ü we'inä̧ju̧: Mo̧ro̧ji̧ yodó suronä̧ 'kuo̧ti̧kuä̧jä̧ju̧sä̧ Jua̧u̧ suronä̧ jȩpo̧kü̧ ütü'kümä̧, Jua̧u̧ru̧mä̧ ukumä̧ jȩ'kuä̧, pä'ü.

San Mateo 27:24

Pilato-mä̧ yabokutä jȩpü̧ wotta'a topü yabonü̧mä̧ jȩü̧ juiyünä̧ jä̧ku̧, ajiya tti'chächa pä'ü we'äji̧'ka̧ o'katoi'ünä̧ ttä'ka jo̧mȩttü̧ u̧mü̧ tükäu kkä̧nü̧ pä'inü̧: —Ttü jäwämä̧kü̧ pide toe'ächümä̧; ukututä jäwä jä̧kua̧'a̧, pä'ü.

San Mateo 27:4

pä'inü̧: —Surojü jȩpo̧kü̧päijürü toe'ächünä̧ iyü iku suronä̧ jȩpä̧ji̧sä̧, Ja̧'wa̧nü̧ pä̧u̧ juätümä̧ ttädätinä̧ku̧: —¡Jua̧u̧mä̧ ujutu jäwämä̧kü̧! ¡Ukutätä jäwä!

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Lucas 23:4

Ja̧'wa̧nü̧ jä̧ku̧ Pilato-mä̧ sacerdote wotü tturuwotürü, pä'ü kkä̧nü̧ ttü̧ja̧rü̧'i̧nä̧ pä'inü̧: —Pide suronä̧ jȩä̧ji̧mä̧ tochü juiyünä̧ jä̧ku̧sä̧.

San Lucas 23:41

Ujutumä̧ isopäi'ünä̧ suronä̧ jȩtä̧'i̧jü̧mä̧ mikuäwächünä̧ usurä ȩmä̧wä̧tü̧jä̧; ja̧'wa̧nü̧ ja̧'a̧nä̧, pidemä̧, däjéjä̧ttü̧ suronä̧ jȩi̧nü̧mä̧.

San Lucas 23:47

Ja̧'wa̧nü̧ ja̧'a̧, Roma-ttü̧ we'äwotü su̧ro̧do̧u̧ ttu̧ru̧wa̧mä̧, Dio-rü eseu pä'inü̧: —Isopäi'ünä̧, pidemä̧ surojümä̧ jȩpo̧kü̧ pinü̧.

San Juan 18:33

Ja̧'wa̧nü̧ ja̧'a̧ jakuänä̧, Pilato-mä̧ pä'äjita'anü̧ ruwode u̧mi̧ isaränä̧ ichi'ü, Jesú-ru wopo'ü pä'inü̧. —¿Ukutäjä̧, judío ttu̧ru̧wa̧ rey-mä̧?

San Juan 18:38

Päiyäku, Pilato-mä̧ pä'inü̧; —¿Däjéjä̧ttü̧ jueü wȩnȩmä̧? pä'ü kä'ädü, pä'äjita'anü̧ rä'o'ü judío-rü pä'inü̧: Ttümä̧ piderümä̧, suronä̧ jȩä̧ji̧mä̧ chü̧'o̧kui̧'ü̧ juiyünä̧ jä̧ku̧sä̧.

San Juan 19:6

Ja̧'wa̧nü̧ pä'a topü, sacerdote-tü̧ tturuwotü'i̧nä̧, Dio-rü ukuokuäkuäwode tta̧'a̧rä̧tü̧'i̧nä̧ wopinä̧tü̧: —¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧! ¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧!, pä'ü. Wottiyäku, Pilato-mä̧ päinä̧u̧: —Ukututä ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧, ttümä̧ suronä̧ jȩä̧'i̧jü̧mä̧ chü̧'o̧kui̧'ü̧ juiyünä̧ wa̧to.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

1 Pedro 1:19

Ja̧'wa̧nü̧ ja̧jü̧jueimä̧ Crito ukuojanä̧ cordero jä̧'i̧nü̧'a̧nü̧ surojü'i̧nä̧ jui̧'a̧nä̧, surojuoepü'i̧nä̧ wokütä sacrificio jü̧nä̧ iyäwinü̧.

1 Pedro 2:22

Crito-mä̧ ya'utenä̧'i̧nä̧ surojümä̧ jȩpo̧kü̧ pinü̧, ja̧'wa̧ta̧nü̧ ya̧tȩrü̧'i̧nä̧ yaparewokü pinü̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.