San Juan 19:15 - Nuevo Testamento Uwotjüja

¹⁵ Pä̧i̧yä̧u̧, wopinä̧tü̧: —¡Rä'epächätukuirü! ¡rä'epächätukuirü! ¡Ü̧jo̧kä̧jäinä̧ pȩ'o̧pü̧ kku̧ni̧rü̧! pä'ü wottiyäku, Pilato-mä̧ päinä̧u̧: —¿Ku̧ru̧wa̧tu̧ku̧ rey-rümä̧, ü̧jo̧kä̧ jäinä̧ pȩ'o̧pü̧ chu̧ju̧na̧rü̧ päkuätukua'a tä̧jí̧? Päomȩnä̧, sacerdote-tü̧ tturuwotümä̧ ädätinä̧tü̧: —Tu̧ru̧wa̧ rey-mä̧ Césa-tä ja̧'a̧, kka̧ra̧rü̧mä̧ to'ätüjä̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ päomenä, judíos ttö̧ja̧ huopinätödo: —¡Huäinä hua'ö icu! ¡Huäinä hua'ö icu! ¡Dau isodänä pȩ'o̧pö̧ ku̧ni̧rö̧! Pilato pä'inödo jahuätörö: —¿Ucutu cu̧ru̧hua̧tu̧cu̧ru̧ dau isodänä pȩ'o̧pö̧ chu̧ju̧nä̧cua̧ tä̧ji̧? Ja̧'hua̧ ja̧'a̧ttö̧ sacerdotes ruhuotö ädätinätödo: —Pi̧jä̧ ru̧hua̧ ji̧nä̧ isocu ru̧hua̧ttö̧'i̧nä̧ ka̧ra̧ tu̧ru̧hua̧ to'ätöjä.

San Juan 19:15 Iomraidhean Croise

San Mateo 22:17

Ja̧'wa̧nü̧ ja̧'a̧ttü̧, ukumä̧ toku päkua'ajä̧ttü̧: ¿Roma ru̧wa̧ emperado-rü pärätä iyäwänä̧mä̧ adiu'anü̧ tä̧jí̧, surojü'anü̧ tä̧jí̧?

San Lucas 23:18

Ja̧'wa̧nü̧ ja̧'a̧nä̧, ttü̧ja̧mä̧ o'katoi'ünä̧ kka̧kuä̧mü̧ wopinä̧tü̧: ¡Chujuarümä̧ rä'epü kuikuä, Barrabá-rütä rä'epü ikui!

San Juan 18:31

Pättiyäku Pilato-mä̧ päinä̧u̧: —Ukututä jäwä, weäwä wȩnȩ wea'aku jȩpä̧tu̧kui̧rü̧. Päomȩnä̧ judío-mä̧ pä'inä̧tü̧: —Ujutumä̧ ya̧tȩrü̧'i̧nä̧ kuä'ü tikua pä'ümä̧ weäwi'o̧ko̧u̧jä̧.

San Juan 19:6

Ja̧'wa̧nü̧ pä'a topü, sacerdote-tü̧ tturuwotü'i̧nä̧, Dio-rü ukuokuäkuäwode tta̧'a̧rä̧tü̧'i̧nä̧ wopinä̧tü̧: —¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧! ¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧!, pä'ü. Wottiyäku, Pilato-mä̧ päinä̧u̧: —Ukututä ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧, ttümä̧ suronä̧ jȩä̧'i̧jü̧mä̧ chü̧'o̧kui̧'ü̧ juiyünä̧ wa̧to.

Hechos 13:28

Kuä'ü ttikuarü pä'ümä̧, suronä̧ jȩä̧ji̧mä̧ ttü̧'o̧kui̧'o̧ka̧'a̧ jä̧ja̧'a̧nä̧, Pilato-rü jä'epinä̧tü̧ kuä'ü ttikuarü pä'ütä.

Hechos 21:36

jua'amä̧ o'katoi'ünä̧ o'ka'anä̧ 'chä̧nü̧, wopinä̧tü̧: «Kuä'ü ikuätukuirü» pä'ü.

Hechos 22:22

Ja̧'wa̧nü̧ ja̧'a̧mä̧, juȩnȩbütä ä̧ju̧kui̧'i̧pü̧; pä̧i̧ku̧nä̧ wopi'inä̧tü̧: «¡Pide ttü̧ja̧sa̧ ü̧ja̧ pä'ümä̧ juiya'a! ¡pi̧jä̧ttü̧mä̧ si'epü ikuirü!», jü̧nä̧.