San Juan 19:11 - Nuevo Testamento Uwotjüja

¹¹ Päiyäku, Jesú-mä̧ ädätinü̧: —Kuruwomä̧ jui'ajüjä̧ ttü chu̧wä̧mȩnä̧mä̧, Dio iyü juiyüttümä̧; ja̧'wa̧nü̧ ja̧'a̧ttü̧ ukuttu'i̧nä̧ abonä̧nü̧ surojü kku̧nä̧rü̧mä̧, ttürü, ukuru iyü ikuäjitä ja̧'a̧.

TÄ̧DO Ä̧CUÄ̧ I̧HUȨNȨ

¹¹ Ja̧u̧ru̧ Jesús ädätinödo: —Dios ja̧'hua̧nö̧ hueinö juiyöttömä, ttörö jȩtta̧ pä'ö yoröiso hue'ocö pajijä. Ja̧'hua̧nö̧ ja̧'a̧ttö̧ ttörö ucuru iyäjimä, ucuttu'inä abonänö suronä jȩpö̧.

San Juan 19:11 Iomraidhean Croise

San Mateo 26:65

Ja̧'wa̧nü̧ päiyäku, sacerdote wotü ttu̧ru̧wa̧mä̧, a̧mi̧surächi'äku, ü̧'ka̧tä̧wä̧ta̧ sȩro̧ku̧nu̧ pä'inü̧: —¡Dio-rü suronä̧, to'ija̧'a̧ku̧ pä'üjä̧! ¡Täkü kkorotü pide ütü'kü jittäwa pä'ümä̧ rekuä rü̧jo̧ka̧'a̧! Ukututä ä̧ju̧kuä̧tü̧jä̧ suronä̧ päümä̧,

San Mateo 27:2

Jua̧u̧nü̧ o'ka'a nü̧'kä'kotü ȩpü̧ iyinä̧tü̧ Roma-ttü̧ wȩ'ä̧wa̧ ru̧wa̧ Pilato-rü.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

San Marcos 14:44

Ji̧nä̧so iyü ikumä̧, ttu̧wo̧jua̧ pä'ü ji'äu ü̧jü̧nä̧ ja̧'a̧ ji̧na̧'a̧, jȩä̧kuȩmä̧: «'chu̧do̧pä̧ku̧ jä̧kua̧'a̧, ji̧nä̧so chutämä̧; jua̧u̧ru̧ 'chu'ädi'ü kuȩmipä̧tu̧kua̧jä̧, ü̧ji̧pü̧ juiyünä̧», pä'ü.

San Lucas 22:53

'Kuäopünä̧ mo̧ro̧ ji̧nü̧ a̧'u̧kuä̧, Dio-rü ukuokuäkuäwodenä̧ ukutukumä̧ kkä̧'i̧jü̧sä̧, ja̧'wa̧nü̧ ja̧'a̧nä̧ 'chukuädätukuokoku pä'ijüsä; ja̧'wa̧nü̧ ja̧'a̧nä̧ jitämä̧, ukutu jȩ'kuä̧tu̧kua̧ pä'ü hora ja̧'a̧, yo̧ü̧ ujuru.

San Juan 18:13

Ja̧'wa̧nü̧ ja̧'a̧, ä̧kuo̧mȩnä̧mä̧ Aná ojusodera̧'a̧ ttȩpi̧nä̧ku̧, sacerdote-tü̧ ttu̧ru̧wa̧ Caifá i̧mi̧ya̧ jo̧mȩttü̧. Jua̧u̧nü̧ pä̧nä̧ Caifámä̧ sacerdote ttu̧ru̧wa̧ ji̧na̧'a̧.

San Juan 18:3

Ja̧'wa̧nü̧ ja̧'a̧ttü̧, Juda-mä̧, sacerdote tturuwotü wȩttä̧jä̧u̧ su̧ro̧do̧u̧ku̧ ja̧'wa̧ta̧nü̧ fariseo wotü wȩttä̧jä̧u̧ su̧ro̧do̧u̧ku̧ o'ipächäji̧'ka̧ rȩbȩwi̧pi̧nü̧, dauwiyäku, ttitejäworiyäku, ttürowä'äku, jü̧nä̧.

San Juan 19:10

Ädätokoku Pilato-mä̧ pä'inü̧: ¿Ukú ttürü 'ko̧ru̧pa̧mä̧? ¿Ttümä̧ ü̧jo̧kä̧ jäinä̧ pȩtto̧pa̧ku̧ pä'ü wedaku pä'ü'i̧nä̧, rä'epü ttikuaku pä'ü wedaku pä'ü'i̧nä̧, churuwo chu̧ju̧nä̧ra̧'a̧mä̧ kuieruwa'a tä̧jí̧?

San Juan 3:27

Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.

San Juan 7:30

Ja̧'wa̧nü̧ ja̧'a̧, 'chuttädarü pätta'anä̧, 'chuttädü juiyünä̧ winü̧, ji̧nä̧ u̧mo̧ro̧ rȩbȩä̧kuä̧wo̧ka̧'a̧ttü̧.

San Juan 9:41

Jesú ädätinü̧ juätürü: —Ukutu: isopäi'ünä̧ totü juiyünä̧ wotüjä̧ tä̧jí̧ päkuätukuttümä̧ surojü jui'ajatüjä̧ ja̧'wa̧nü̧ ja̧'a̧nä̧, topätüjä̧ päkuätukua'attü̧, surojü jȩ'kuä̧tu̧ku̧mä̧ ukutunä̧ kka̧kua̧'a̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Hechos 4:28

Ja̧'wa̧nü̧ ja̧'a̧nä̧, juätü jȩttü̧mä̧ suro uku ku̧wo̧juo̧mȩnä̧ amükuädü ku̧ju̧ni̧nü̧tä̧ 'kuäopa'a.

Romanos 11:36

Isopäi'ünä̧ Dio-ttü ichinü̧tä̧ ja̧'wa̧ta̧nü̧ Chutä aditäwätä ja̧'wa̧ta̧nü̧ Chutä üäre ja̧ pä'ü o'kajuiyünä̧ aditinü̧tä̧ ja̧'a̧mä̧. ¡Jua̧u̧ Dio-rütä tesewarü, pä'ütä ja̧'a̧, mo̧ro̧ kki̧ä̧mü̧nä̧! Amȩ́ (ja̧'wa̧nü̧tä̧ ja̧'a̧).

Romanos 13:1

O'katoi'ünä̧ ruwo we'ätürü ukuotätukui; isopäi'ünä̧ o'kajuiyünä̧ ruwo jäwämä̧ Dio jäwätä ja̧'a̧ttü̧ ja̧'wa̧nü̧ ja̧'a̧ttü̧ ruwonä̧ pȩjä̧tü̧mä̧, Dio u̧ju̧ni̧na̧'a̧tä̧ pȩjä̧tü̧.

Santiago 1:17

O'kajuiyünä̧ adiwäjuei'i̧nä̧, jueü jäwä'i̧nä̧ ujuturu iyümä̧ ju'tojuttü ichü ja̧'a̧, Dio mo̧ro̧jä̧ jäwä aditinü̧ttü̧. Dio-mä̧ 'kuäopünä̧tä̧ chutä ja̧'a̧: ja̧u̧nä̧mä̧ 'kä̧u̧nä̧'i̧nä̧, yo̧ü̧'i̧nä̧ juiya'a.

Santiago 4:17

Ja̧'wa̧nü̧ ja̧'a̧ttü̧ adiwäjuei jȩä̧kuä̧wä̧ u̧wo̧jua̧'a̧nä̧ jȩpo̧kü̧mä̧, surojütä jȩpü̧.