San Juan 18:11 - Nuevo Testamento Uwotjüja

¹¹ Ja̧'wa̧nü̧ jȩi̧yä̧ku̧, Jesú-mä̧ Peduru-rü pä'inü̧: —Kururodämä̧, ȩkä̧jo̧mȩ ȩni̧: Poya reoya chawa pä'ü, Chä'o iya'amä̧ ¿Chau juiyü'anü̧ ja̧'a̧ tä̧jí̧?

TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ jȩo̧mȩnä̧, Jesús Pedrorö pä'inödo: —Cucurodä hua'adö ku̧ni̧. Chä'orö pä̧huä̧ rö̧jö̧ttö̧mä̧ pi̧yȩ surojö 'cuädopa pä'ö, ¿ja̧u̧ru̧tä̧ amöcuädö 'cuädopö juiyäcua'a tä̧ji̧?

San Juan 18:11 Iomraidhean Croise

San Mateo 20:22

Päjäku, Jesú-mä̧ ädätinä̧kua̧: —Jäkuepätukua'anä̧, jerupätüjä̧. ¿Ttü usurä chȩmä̧wä̧kua̧'a̧ jü̧ta̧'a̧nü̧, usurä kuȩmä̧wä̧tu̧kua̧ pä'ätüjä̧? Päomȩnä̧, ttädätinä̧ku̧: —A̧, usurä tȩmä̧wa̧ pä'ätüjä̧,

San Mateo 26:39

Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»

San Mateo 26:42

Pä'äji jä̧ji̧ta̧'a̧nü̧, todärenä̧ päi'ünä̧ tü'ipächi'ü Dio-rü pa̧'a̧nü̧ ukuokuinü̧: «Chä'o, pi̧yȩ usurä ȩmä̧kuä̧wä̧nä̧ ttü 'kuädopa päkuttümä̧, ukuru pä̧wä̧rü̧jo̧mȩnä̧tä̧ jȩpi̧.»

San Lucas 12:30

Isopäi'ünä̧ pi̧yȩ o'kajuiyünä̧ amükuädü tta̧'kua̧ ro'ekuätümä̧, pi̧jä̧ ttü̧ja̧tä̧ ja̧'a̧ ja̧'wa̧nü̧ ja̧'a̧nä̧ ukutu Kuä'otukumä̧, pi̧yȩ rekuä rü̧ja̧'a̧mä̧, täkü u̧wo̧juö̧tä̧ ja̧'a̧.

San Lucas 22:42

Pä'inü̧: «Chä'o Dio, ukuru pä̧wä̧rü̧jü̧ttü̧mä̧, poya reoya chau juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukurutä pä̧wä̧rü̧jo̧mȩnä̧.»

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

San Juan 18:36

Jesú-mä̧ ädätinü̧: —Ttü wedü churuwomä̧ pi̧jä̧ jäwämä̧kü̧; ttü wedü pi̧jä̧ jäwä jü̧ttü̧mä̧, chumüwäyotü rowäwajatü, judío-rü iyü ttiku juiyattü pä'ü; ja̧'wa̧nü̧ ja̧'a̧nä̧ ttü churuwo wedümä̧ pi̧jä̧ jäwämä̧kü̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

2 Corintios 10:4

Isopäi'ünä̧ ujutu türowäu ujurumä̧ tidepä jäwämä̧kü̧; ji̧nä̧somä̧ Dio ujurunä̧tä̧ rowäwätüjä̧ surojü ujuru si'epü ikua pä'ümä̧,

2 Corintios 6:7

jueü wȩnȩnä̧ tü̧jo̧mȩnä̧'i̧nä̧, Dio ujurunä̧ tü̧jo̧mȩnä̧'i̧nä̧ ja̧'wa̧ta̧nü̧ ttu̧wo̧jua̧'a̧ku̧nä̧, ttieruwa'akunä̧, adiwomȩnä̧ tü̧ji̧pa̧ja̧ pä'ü'i̧nä̧ jueünä̧tä̧ jȩpä̧tü̧jä̧;

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.