San Juan 16:30 - Nuevo Testamento Uwotjüja

³⁰ Jitämä̧, wo̧jui̧'ä̧tü̧jä̧ o'kajuiyünä̧tä̧ wo̧jua̧ pä'ü, ujututtü ya̧tȩ jä̧ȩpä̧ra̧ku̧ pä'ü'i̧nä̧ rekuä rü̧jo̧ko̧ku̧jä̧; ja̧'wa̧nü̧ jo̧mȩttü̧ Dio-ttü ichinü̧ pä'ü esetätüjä̧.

TÄ̧DO Ä̧CUÄ̧ I̧HUȨNȨ

³⁰ Jitä huo̧juä̧tö̧jä̧, ucumä o'ca juiyönä huo̧jua̧jä̧. Ja̧'hua̧nö̧ ja̧'a̧ttö̧ ucuru yoröiso jättepö juiyö'a̧nö̧ ja̧'a̧. Ucu Diosttö ichinöjä esetätöjä.

San Juan 16:30 Iomraidhean Croise

San Juan 16:17

Ja̧'wa̧nü̧ pä̧i̧yä̧u̧, u̧wo̧juȩtä̧u̧mä̧ pä'äwinä̧tü̧: —Tta̧'a̧nü̧ pä'ü ¿A̧'u̧kua̧'a̧tä̧ jü̧ o'ka'a, to'kuätukuokä̧kua̧sä̧; ja̧'wa̧ta̧nü̧ a̧'u̧kua̧'a̧tä̧ jü̧ o'ka'a, pä'äjita'anü̧ to'kuätukuä̧kua̧sä̧, pä'ü kkä̧nü̧'i̧nä̧, Chä'o ü̧ja̧'a̧ 'chü̧sä̧ pä'ajä̧ttü̧?

San Juan 16:23

Ji̧yȩnü̧ mo̧ro̧mä̧, täkü jä̧kuȩpä̧rä̧tu̧kuo̧ko̧ku̧ chä̧kua̧sä̧. Isopäi'ünä̧ pä'üsä ukuturu: Chä'orü ttü chi̧mi̧nä̧, jäkuepätukumä̧, o'kajuiyünä̧ i̧yä̧kuä̧u̧jä̧.

San Juan 16:26

Ji̧yȩnü̧ mo̧ro̧ täkü jueünä̧ chi̧mi̧nä̧ jäkuepäkuotüjä̧ Chä'orü; ttü jädepiyätukuaku pä'ümä̧ rekuä rü̧jo̧ka̧'a̧ jä̧kua̧'a̧.

San Juan 16:31

Pättäku, Jesú-mä̧ ädätinä̧u̧: —¿Jua̧u̧nu̧mä̧, jitämä̧ esetätüjä̧?

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 2:11

Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

San Juan 21:17

Wäbodäkuänä̧ päi'ünä̧ päinä̧ku̧: —Simón, ukú Joná i̧tti̧mä̧ ¿Ttürü eseu repe'üjä̧? Peduru-mä̧, wäbodäkuänä̧ päi'ünä̧ repekuäkusä pä'ü jäepäku, a̧'kua̧tta̧nü̧ pä'i'ü ädätinä̧ku̧: —Chu̧ru̧wa̧, ukumä̧ o'kajuiyünä̧tä̧ wo̧jua̧jä̧; ukutäjä̧ ukuru eseu repeda'a wo̧jua̧mä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'a̧ri̧yi̧ttü̧.

San Juan 5:20

Isopäi'ünä̧ Jä'omä̧, I̧tti̧rü̧ eseu repea'attü̧, o'kajuiyünä̧ jȩü̧mä̧ i̧jȩpä̧ku̧; ja̧'wa̧ta̧nü̧ pi̧yȩttü̧'i̧nä̧ abonä̧nü̧ rü̧ȩnä̧ jü̧ i̧jȩpä̧kuä̧u̧jä̧, too to̧'kuä̧rä̧tu̧ku̧nä̧ päi'ünä̧.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

Hebreos 4:13

Yoriso ji̧yȩtȩ'i̧nä̧ Dio ä'ka jo̧mȩttü̧ dajäwämä̧ juiya'a; o'kajuiyünä̧tä̧ wäjunä̧ i̧jȩku̧tä̧ ja̧'a̧, Churutä jȩti̧nü̧ ti̧jȩpä̧kua̧'a̧ttü̧.