San Juan 15:21 - Nuevo Testamento Uwotjüja

²¹ Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

TÄ̧DO Ä̧CUÄ̧ I̧HUȨNȨ

²¹ Ttörö cuesetätucua'attö, ja̧'hua̧nö̧ o'ca juiyönä jȩttä̧cuo̧tö̧ ucuturu, ttörö hue'inörö ttieruhua'attö.

San Juan 15:21 Iomraidhean Croise

San Mateo 10:18

Jua'a yabonä̧ ttü jäwänä̧mä̧, ruwotü gobernadores ttä'ka'i̧nä̧, ruwotü tturuwotü ttä'ka'i̧nä̧, judío pokotü ttä'ka jo̧mȩ'i̧nä̧ ttȩpä̧kuä̧u̧jä̧ ttü jäwänä̧mä̧, juätürü jikuäwätukua pä'ü.

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.

San Mateo 10:39

A̧'kua̧rü̧ tta̧wä̧rä̧kuä̧wa̧ pä'ü amükuädümä̧, to̧ȩ'ä̧chä̧kua̧ ja̧'wa̧nü̧ ja̧'a̧nä̧ ttü jäwänä̧ to'e'ächümä̧, a̧'kua̧rü̧ ü̧'o̧kui̧'ä̧kua̧.

San Mateo 24:9

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

San Mateo 5:11

Eseäkuäwä kka̧'a̧ ttü chi̧mi̧ jäwänä̧, o'kajuiyünä̧ yapareu kkä̧nü̧, ukuturu suronä̧ wopü kuä'äu ttikua pä'ü ttusomȩnä̧

San Marcos 13:13

Ja̧'wa̧ta̧nü̧ ttü jäwänä̧mä̧, o'katoi'ünä̧ tta̧mi̧ suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧ päi'ünä̧ a̧mi̧ 'ki'ächi'ü kkü̧tä̧ jä̧kua̧'a̧ ra̧wä̧pi̧jü̧ttü̧ ttü̧ji̧pä̧kuo̧tü̧mä̧.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

San Lucas 21:17

Ja̧'wa̧ta̧nü̧ o'katoi'ünä̧, Ttü jäwänä̧mä̧ ttü̧jü̧'ko̧ko̧u̧ kuäkuotüjä̧.

San Lucas 6:22

Eseäkuäwä rȩbȩä̧kuä̧wä̧kua̧'a̧, Ttü jäwänä̧, ttü̧ja̧ ukuturu kkü'kü jui'ü ya̧'a̧wä̧'chü̧, kuäkuäpü jȩtto̧mȩnä̧.

San Juan 15:24

Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

San Juan 16:3

Pi̧yȩmä̧ jȩttä̧kuo̧tü̧, Chä'orü'i̧nä̧, Ttürü'i̧nä̧ ttu̧wo̧jui̧po̧ka̧'a̧ttü̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 8:19

Päomȩnä̧, jä'epü ttä̧ju̧kui̧nä̧ku̧: —¿Kuä'omä̧ too ü̧ja̧jä̧ttü̧? Jesú ädätinä̧u̧: —Ukutumä̧ ttürü'i̧nä̧ jerupätüjä̧ ja̧'wa̧nü̧ kuieruwätükua'amä̧, Chä'orü'i̧nä̧ jerupätüjä̧; ttürü ku̧wo̧juä̧tu̧ku̧ttu̧mä̧, chä'orü'i̧nä̧ wo̧jua̧ja̧tü̧jä̧.

San Juan 8:54

Jesú ädätinä̧u̧: —Ttütä cha̧mü̧nä̧ churuwo chi̧jȩku̧ttü̧mä̧, ttü churuwomä̧ mikuäwokü ja̧'a̧; ja̧'wa̧nü̧ ja̧'a̧nä̧, ttürü churuwo jȩpü̧mä̧ Chä'o ja̧'a̧, jua̧u̧tä̧ ukutu chä'o Dio päkuätukuäku.

San Juan 8:55

Ja̧'wa̧nü̧ ja̧'a̧nä̧ ukutumä̧ kuieruwätukuäku; ttümä̧ chu̧wo̧juä̧ku̧; ja̧'wa̧nü̧ ja̧'a̧nä̧ chieruwäku pädüttü'i̧nä̧, yapare ji'äusä ukutu jü̧ ta̧'a̧nü̧; ja̧'wa̧nü̧ jo̧ka̧'a̧ ttümä̧ chu̧wo̧juä̧ku̧ ja̧'a̧; ja̧'wa̧ta̧nü̧ i̧wȩnȩ'i̧nä̧ ukuotüsä.

Hechos 17:23

ku̧ä̧nä̧wo̧tü̧rü̧ kukuokuä'ijomȩku̧ 'kuädopomȩnä̧ topäjisä, yo̧mȩtȩ wȩyu̧kua̧'a̧ pa̧'a̧: «dio jȩru̧päkuä̧wa̧rü̧,» jü̧nä̧. Jua̧u̧ kuieruwätukua'anä̧ esetü kukuotätukuäku ja̧'a̧, ttü jidäwäkumä̧.

Hechos 26:9

Ttütä'i̧nä̧ ä'kojimä̧ amükuädinü̧sä̧, kka̧ku̧nä̧mä̧ o'kajuiyünä̧tä̧ jȩpü̧, Jesú nasaret i̧sa̧ i̧mi̧ surojuodepa pä'ü,

Hechos 3:17

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, jerupü jȩpi̧nä̧tü̧ pä'ümä̧ wo̧jua̧sä̧, kuruwotuku'i̧nä̧ ja̧'wa̧ta̧nü̧ jerupü jȩpi̧nä̧tü̧ pä'ü.

Hechos 4:17

Ja̧'wa̧nü̧ ja̧'a̧ttü̧, pi̧yȩ jua'a yabonü̧ yoäwi'ü juiyäkua'anü̧, porü yabokumä̧ ya̧tȩrü̧'i̧nä̧ Jesú iminämä̧ ttukuoku juiyünä̧tä̧ ye'epe'ünü̧ wetatü.

Hechos 5:41

Ja̧'wa̧nü̧ ja̧'a̧ juätü ruwotüttü rä'opächü, apótore-mä̧ eseäkuäwinä̧tü̧ Jesú i̧mi̧nä̧ usurä ȩmä̧jä̧'kotü.

Hechos 9:14

ja̧'wa̧ta̧nü̧ porü'i̧nä̧, sacerdote-tü̧ tturuwotü wettäjäku, ukuru esetätürü 'chu'chäu, kärenä̧ ttütatü pä'ü ȩpi̧ya̧tü̧ pä'ü.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

3 Juan 1:7

Juätümä̧ Jesucrito i̧wȩnȩ kka̧kuä̧mü̧ ji'äwätü, Dio-rü esetokotü ppättädümä̧ ȩmä̧wä̧ juiyünä̧.

Apocalipsis 2:3

Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.