San Juan 15:16 - Nuevo Testamento Uwotjüja

¹⁶ Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

TÄ̧DO Ä̧CUÄ̧ I̧HUȨNȨ

¹⁶ Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 15:16 Iomraidhean Croise

San Mateo 21:22

Ja̧'wa̧nü̧ ja̧'a̧ttü̧ ukutu o'kajuiyünä̧ kua̧'kua̧ wȩnä̧rü̧ Dio-rü ukuoku jäkuepätukumä̧, kuȩmä̧kuo̧tü̧jä̧.

San Mateo 7:7

Jä'epätukui, Dio-mä̧ iyäkuäu̧jä̧; usätukui, kusätukumä̧ ku̧'o̧kui̧'ä̧kuo̧tü̧jä̧; äpatenä̧ wopätukui, wo'kuätukuomȩnä̧ bawekuäkua'a.

San Lucas 6:13

Kkoro mo̧ro̧juoäja'a u̧wo̧juȩtä̧u̧rü wopo'ü juätüttü doce-nü̧ wotürü pojopü ȩmü̧: O̧i̧nä̧u̧ apótore, pä'ü.

San Juan 13:18

Ukutu o'katoi'ünä̧ kutü'kütukumä̧ pädoka'anä̧; pojopü chȩmi̧nä̧u̧ru̧mä̧ wo̧jua̧sä̧. Ja̧'wa̧nü̧ ja̧'a̧nä̧ wȩyu̧kuä̧ wȩnȩ päümä̧ jo̧mȩnü̧ 'kuäopa pä'ü ja̧'a̧: Ttüku u̧kuȩ kumä̧, chaboi̧ya̧ jü̧nä̧ pä'i'äji.

San Juan 15:19

Ukutu pi̧jä̧ ttü̧ja̧ kuätukuttümä̧, pi̧jä̧ ttü̧ja̧mä̧ eseu repe'ajatü; ja̧'wa̧nü̧ ja̧'a̧nä̧ ukutumä̧ pi̧jä̧ ttü̧ja̧ kuätukuoka'attü̧, pi̧jä̧ttü̧ pojopü chȩmi̧nä̧u̧ kuätukua'attü pi̧jä̧ ttü̧ja̧mä̧ ttüjü'koko̧u̧jä̧.

San Juan 15:5

Ttütäsä, uwa daumä̧, ukutumä̧ ä̧na̧jui̧yä̧jä̧. Ttünä̧ kkü̧mä̧ ja̧'wa̧ta̧nü̧ ttü chü̧jä̧ku̧mä̧, jua̧u̧tä̧ ja̧'a̧ u̧wä̧ju̧ rü̧ȩnä̧ wȩjä̧ku̧mä̧; ja̧'wa̧nü̧ ja̧'a̧ttü̧ ttü toünä̧mä̧, yoriso jȩa̧ pä'ümä̧ juiya'a.

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

Hechos 1:24

Ja̧'wa̧nü̧ jȩpü̧, pa̧'a̧nü̧ Dio-rü ukuokuinä̧tü̧: «Uku Chu̧ru̧wa̧mä̧, o'katoi'ünä̧ tta̧mi̧so'ki wo̧jua̧jä̧ ja̧'wa̧nü̧ ja̧'a̧ttü̧ pitü ta̧ju̧ttü̧ kuȩmä̧ku̧ru̧ i̧jȩpi̧tü̧,

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 10:41

O'katoi'ünä̧rü̧mä̧ i̧jȩkuo̧ka̧'a̧nä̧, ujuturu ä'kojitä päi'ünä̧ tota pä'ü Dio pojopü ȩmi̧nä̧u̧ru̧tä̧ i̧jȩkui̧nü̧. Ujututä ji̧na̧'a̧ ttoächäji o'ka'a, chutäku kuä̧nü̧'i̧nä̧, au'i̧nä̧ jȩa̧'a̧ topinä̧tü̧mä̧.

Hechos 22:14

Ja̧'wa̧ta̧nü̧ pä'inü̧: Tü̧tä̧mü̧ mi̧nä̧ Ttü̧ä̧nä̧wa̧ Dio-mä̧ ȩmä̧jä̧ku̧jä̧, Churutä pä̧wä̧rü̧jü̧ ku̧wo̧jua̧ pä'ü'i̧nä̧, adiwä i̧sa̧rü̧ to'kua pä'ü'i̧nä̧ ja̧'wa̧ta̧nü̧ chutä i̧wȩnȩ kuä̧ju̧kua̧ pä'ü'i̧nä̧, jü̧nä̧.

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

Romanos 1:13

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧ ku̧wo̧juä̧tu̧kua̧ pä'üsä, do'ächü chicha pä'ü jȩcha̧'a̧nä̧, do'ächü chichü juiyünä̧ weyekuä'ijüsä. Ji̧nä̧somä̧ kkorotü judío pokotürü jä̧'i̧jü̧ta̧'a̧nü̧ ukutunä̧'i̧nä̧ u̧wä̧ju̧ chu̧ju̧nä̧ra̧ pä'ü.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Romanos 9:21

¿redä'kiyuttü uri o̧'ta̧ adikuä i̧sa̧mä̧, churutä pä̧wä̧rü̧jo̧mȩnä̧mä̧ aditokü tä̧jí̧, ja̧'wa̧nü̧ ja̧'a̧ttü̧ jiwatettütämä̧ aditü juiyü'anü̧ tä̧jí̧ i̧so̧'ta̧ ukuo kku̧nä̧rä̧tü̧ tta̧wo̧'ta̧'i̧nä̧ ja̧'wa̧ta̧nü̧ ukuo jui'ätü tta̧wo̧'ta̧'i̧nä̧, jü̧nä̧mä̧?

1 Corintios 10:11

Pi̧yȩmä̧ o'kajuiyünä̧tä̧ tü̧tä̧mü̧mi̧nä̧rü̧mä̧ 'kuäopina̧'a̧, ujutu tu̧wo̧jua̧ pä'ü, ja̧'wa̧ta̧nü̧ wȩyu̧tu̧ rütäwämä̧ pȩja̧'a̧, ujuturu wo̧juȩtü̧, rüjí mo̧ro̧ kka̧kuä̧tü̧rü̧.

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

Tito 1:5

Creta kkä'ko i̧sä̧sa̧nä̧ chu̧ju̧ni̧'i̧nü̧mä̧, adikuokü kka̧kui̧pi̧nü̧ kuadita pä'ü ja̧'wa̧ta̧nü̧ weinü̧'a̧kuä̧ ütawiyä pünä̧ Igresia-ttü tturuwotürü ku̧ju̧nä̧'cha̧ pä'ü chu̧ju̧ni̧'i̧nä̧ku̧jä̧.

Hebreos 11:4

A̧'kua̧ u̧wȩnä̧ro̧mȩttü̧, Abel-mä̧ Caín iyinü̧ttü̧'i̧nä̧ abonä̧nü̧ adiu sacrificio pättü Dio-rü iyinü ja̧'wa̧nü̧ jȩo̧mȩttü̧ Dio-mä̧ üäre ofrenda eseu ȩmi̧ni̧yä̧ku̧, churutämä̧ surojü jui̧'a̧ jü̧nä̧tä̧ jȩpü̧ iku; ja̧'wa̧nü̧ ja̧'a̧ttü̧ Abelmä̧ 'korujuoächina̧'a̧nä̧'i̧nä̧, jitä'i̧nä̧ jua̧u̧ jȩi̧nü̧nä̧tä̧ tu̧wo̧jui̧pü̧nä̧ ukuokuä̧u̧jä̧.

Santiago 3:18

Ja̧'wa̧nü̧ ja̧'a̧ttü̧ ttü̧ja̧ku̧ wȩnȩ juiyünä̧ ttü̧ja̧kua̧ pä'ü usätürümä̧, Dio-mä̧ adiu jȩä̧kuä̧wä̧'i̧nä̧ rowäwäkuäwä juiyünä̧ kkä̧kuä̧wä̧'i̧nä̧ i̧yä̧kuä̧u̧.

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

1 Pedro 3:2

juätümä̧ surojü juiyünä̧ ku̧jä̧tu̧ku̧'i̧nä̧, Dio-rü kukuotätuku'i̧nä̧ tottäkuotü.

1 Juan 4:10

Pi̧yȩ ja̧'a̧, eseu repe'ü jȩi̧nü̧mä̧: Ji̧nä̧somä̧, ä̧kuo̧mȩnä̧mä̧ ujutumä̧, Dio-rü eseu repe'okotü pinä̧tü̧jä̧; pärokua'aku chutätä ujuturu eseu repe'ü, I̧tti̧rü̧ we'inü̧, jua̧u̧ usurä ȩmä̧u̧ ji̧yȩnä̧tä̧ ujutu suronä̧ jȩtü̧ mikuäwächa pä'ü.

1 Juan 4:19

Ujutumä̧ tawaruwä tü̧jä̧wa̧tü̧rü̧ eseu repe'ätüjä̧. Jua'amä̧, ä̧kuo̧mȩnä̧mä̧ ujuturu eseu Dio repeina̧'a̧ttü̧.