San Juan 14:6 - Nuevo Testamento Uwotjüja

⁶ Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

TÄ̧DO Ä̧CUÄ̧ I̧HUȨNȨ

⁶ Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 14:6 Iomraidhean Croise

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 1:4

Jua̧u̧nä̧tä̧ kki̧na̧'a̧ a̧'kua̧rä̧kuä̧wä̧mä̧ ja̧'wa̧ta̧nü̧, jua̧u̧ a̧'kua̧rä̧kuä̧wä̧mä̧, ttü̧ja̧ tti̧tȩya̧u̧ ji̧na̧'a̧.

San Juan 10:28

Juätürümä̧ kkä̧kuä̧wä̧ i'ko iyüsä; ja̧'wa̧nü̧ ja̧'a̧ttü̧ yorisotä to'e'ächokotü ttäkuotü ja̧'wa̧ta̧nü̧ juätürümä̧ ya̧tȩ'i̧nä̧, ttü chu̧mü̧ttü̧ 'cho'ipokotü ttäkuotü.

San Juan 10:7

Jesú-mä̧ pä'äjita'anü̧ päinä̧u̧: Isopäi'ünä̧ pädäu̧jä̧: Ttütä ja̧'a̧, äpate oweja-tü̧ dodettatemä̧.

San Juan 10:9

Ttütä ja̧'a̧, Dio weü äpatemä̧; Ttünä̧ do'ächümä̧ surojüttü ü̧ji̧pä̧kua̧. Doächomȩnä̧'i̧nä̧, räopomȩnä̧'i̧nä̧, u̧kuȩmä̧ ü̧'o̧kui̧'ä̧kua̧.

San Juan 14:19

A̧'u̧ku̧nä̧, mo̧ro̧ o'ka'a, täkü pi̧jä̧ ttü̧ja̧mä̧ tottokoku chä̧kua̧sä̧ ja̧'wa̧nü̧ ja̧'a̧nä̧ ukutumä̧ to'kuätukuäkua̧sä̧, jua'amä̧ cha̧'kua̧ra̧'a̧ttü̧ ja̧'wa̧ta̧nü̧ ukutu'i̧nä̧ kua̧'kua̧rä̧kuo̧tü̧jä̧.

San Juan 15:1

Ji̧nä̧so, jitä uwa daumä̧, ttütäsä ja̧'wa̧nü̧ ja̧'a̧nä̧, Chä'omä̧ kku̧nä̧wä̧ i̧sa̧ ja̧'a̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Juan 6:33

Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

San Juan 6:57

Chä'o ttürü we'inü̧mä̧, a̧'kua̧rä̧kuä̧wä̧ kku̧nä̧rü̧ ja̧'wa̧nü̧ ja̧'a̧ttü̧ ttümä̧ jua̧u̧nä̧ a̧'kua̧rü̧sä̧ ja̧'wa̧nü̧ jü̧ta̧'a̧nü̧ chidepä kumä̧, ttünä̧tä̧ a̧'kua̧rä̧kua̧.

San Juan 6:68

Päomȩnä̧, Simón Peduru-mä̧ ädätinä̧ku̧: —Chu̧ru̧wa̧, ¿Diku ti̧'chü̧'a̧nü̧ ja̧'a̧jä̧ttü̧? Uku kui̧wȩnȩmä̧ kkä̧kuä̧wä̧ i'ko jäwä ja̧'a̧.

San Juan 8:32

Ja̧'wa̧ta̧nü̧ isopäi'ünä̧ wȩnȩ ku̧wo̧juä̧kuo̧tü̧jä̧, jua̧u̧ isopäi'ünä̧ wȩnȩtä̧ jä̧kua̧'a̧ ukuturu 'chu̧ä̧rü̧ttü̧ rä'epü i̧kuä̧kuȩmä̧.

San Juan 8:51

Isopäi'ünä̧ pädäu̧jä̧, chi̧wȩnȩ päü jȩpü̧mä̧, wa'ü ikuokü jä̧kua̧.

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

Hechos 9:2

wȩyu̧kuojä iyü wearü pä'ü jä'epinü̧, Damasco ütawiyänä̧ sinagogas odewiyättü Jesucrito-rü esetätürümä̧, u̧mä̧tü̧rü̧'i̧nä̧, nä̧tü̧rü̧'i̧nä̧ Jerusarȩ́-nä̧ kärenä̧ ütä'cha pä'ü, ü̧ka̧ka̧tä̧ja̧ pä'ü.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

1 Corintios 15:45

Wȩyu̧kuä̧ wȩnȩ pä'a: «Ä̧kuo̧mȩnä̧ ttü̧ja̧sa̧ Adá̧, a̧'kua̧rü̧ jä̧ji̧mä̧ ttü̧ja̧sa̧tä̧ pä'i'inü̧»; rüjinä̧ Adá̧-mä̧, epíritu wa̧ päjimä̧ tta̧'kua̧rü̧ iyäwä i̧sa̧ päi'ünä̧tä̧ pä'i'inü̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

Colosenses 2:17

Pi̧yȩmä̧ o'kajuiyünä̧tä̧ i̧chä̧kuȩ a̧'kua̧juä̧tä̧ ji̧na̧'a̧. Ja̧'wa̧nü̧ ja̧'a̧nä̧ isopäi'ünä̧ ji̧yȩtä̧ jueü wȩnȩmä̧ Crito-tä jä̧kua̧'a̧ttü̧ ji̧na̧'a̧.

Colosenses 2:9

Ja̧'wa̧ta̧nü̧ o'kajuiyünä̧ Dio jäwämä̧ Crito-nä̧ kka̧kua̧'a̧ topätüjä̧,

Colosenses 3:4

Kua̧'kua̧rä̧tu̧kuä̧ku̧, Crito ichomȩnä̧mä̧. Jua̧u̧tä̧ku̧ ukutu'i̧nä̧ kui̧jȩkuä̧chä̧kuo̧tü̧jä̧, uruwo jäwänä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Hebreos 9:8

Pi̧yȩ pä'amä̧ Epíritu Sa̧tu̧mä̧ tu̧wo̧jui̧pa̧ pä'ü pä'inü̧, ji̧nä̧ ä̧kuo̧mȩnä̧ I̧so̧ka̧ Ro̧ka̧ kka̧'a̧nä̧mä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧ dottächa pä'ümä̧ weyekua'a pä'ü.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

1 Pedro 2:4

Ja̧'wa̧nü̧ ja̧'a̧ttü̧ Tu̧ru̧wa̧rü̧ tü'küpächätukui, I̧no̧'ki wa'ü ikuoko'ki ttü̧ja̧mä̧ ya'okuinä̧tü̧, ja̧'wa̧nü̧ ja̧'a̧nä̧ Dio-rümä̧ pojopü kku̧nä̧wo'ki rü̧ȩnä̧ mikuäwo'ki jü̧nä̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 1:8

Isopäi'ünä̧, «Surojü jui'ätüjä̧ pätüttümä̧,» ta̧mü̧nä̧ pa̧ja̧tü̧ yapareäkuäwätüjä̧, ja̧'wa̧nü̧ jo̧mȩnä̧mä̧ jueü wȩnȩmä̧ juiya'a ujutunä̧mä̧.

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

1 Juan 5:6

Pidetä, Jesucrito-tä ja̧'a̧ ajiyanä̧'i̧nä̧, ukuojanä̧'i̧nä̧ ichinümä̧, bautizo jȩtti̧nä̧ku̧ ajiyanä̧'i̧nä̧, 'korujuoächomȩnä̧ ukuoja werächinä̧ku̧. Dio-ttü ichü Epíritu-tä ja̧'a̧ pi̧yȩ toinü̧ ji'äumä̧, jua̧u̧ jiäumä̧ o'kajuiyünä̧ jueü wȩnȩtä̧ ja̧'a̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 22:1

Jua̧u̧ jä̧ji̧ o'ka'a á̧gȩ-mä̧, aje adiwoto, kkä̧kuä̧wä̧ i'ko aje i̧jȩpi̧nä̧ku̧sä̧. Cristal pättü jä̧'i̧nü̧'a̧nü̧ säruwina̧'a̧, juoyamä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧ttü̧ räopina̧'a̧.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.

Apocalipsis 3:14

«Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü: