San Juan 14:21 - Nuevo Testamento Uwotjüja

²¹ Ttü wedü wȩnȩ kku̧nä̧rü̧, ukuotümä̧, jua̧u̧ ja̧'a̧ ttürü eseu repe'ümä̧. Ja̧'wa̧nü̧ ttürü eseu repe'ürümä̧, Chä'o'i̧nä̧ eseu rȩpȩä̧kua̧; ja̧'wa̧ta̧nü̧ ttü'i̧nä̧ eseu repe'ü, jua̧u̧ru̧ chi̧jȩkuä̧kua̧sä̧.

TÄ̧DO Ä̧CUÄ̧ I̧HUȨNȨ

²¹ Ttö huedinö u̧huo̧jua̧'a̧ttö̧ jȩpö̧mä̧, iso päi'önä ttörö repe'ö. Ttörö repe'örö, Chä'o'inä rȩpȩä̧cua̧ ja̧u̧ru̧. Ttö'inä ja̧u̧ru̧ rȩpȩdä̧cua̧sä̧. Ja̧'hua̧ta̧nö̧ ja̧u̧cu̧ chö̧jä̧cua̧sä̧, —pä'inödo Jesús.

San Juan 14:21 Iomraidhean Croise

San Lucas 11:28

Päjiyäku, pä'inü̧: —¡Jua̧u̧'i̧nä̧ ja̧'a̧nä̧, juȩnȩ abonä̧nü̧ rü̧ȩnä̧ eseäkuäwä kka̧'a̧, Dio i̧wȩnȩ ä̧ju̧ku̧ ukuotätürümä̧!

San Juan 14:15

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

San Juan 14:18

Reyotü kuätukunä̧mä̧ chu̧ju̧ni'o̧ko̧u̧ kuäkuotüjä̧; pä'äjita'anü̧ ukututäku ppa̧dä̧chä̧kua̧sä̧.

San Juan 15:14

Ukutumä̧ ttü chawaruwä kuäkuotüjä̧, ttü wedü wȩnȩ jȩ'kuä̧tu̧ku̧ttü̧tä̧.

San Juan 16:14

Jua̧u̧mä̧ chukuo jäwä i̧jȩpä̧kua̧, jua'amä̧ ttü chiärettü ȩmü̧, ukuturu i̧jȩpä̧kua̧ ku̧wo̧jui̧pä̧tu̧ku̧nä̧.

San Juan 16:27

Jua'amä̧, chutä Chä'o ukuturu repe'ü esewa'attü, ttürü repe'ü kuesewiyätukuäku. Ja̧'wa̧ta̧nü̧ jua̧u̧ttü̧tä̧ chichina̧'a̧'i̧nä̧ kuesetätukua'attü.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

Hechos 22:18

Chu̧ru̧wa̧rü̧ tochäku, päinä̧ku̧sä̧: Jurunä̧, rä'opächi Jerusarȩ́ ütawiyättümä̧, Ttü chütü'kü jikuäumä̧ ttesetokäkua̧jä̧.

2 Corintios 12:8

Ja̧'wa̧nü̧ jä̧ku̧, Chu̧ru̧wa̧rü̧mä̧ wäbodäkuä jo̧mȩnä̧, jua̧u̧ usurä chȩmä̧u̧ jȩpü̧ ikuattü pä'ü jä'epinü̧sä̧.

2 Corintios 3:18

Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

2 Timoteo 4:22

Tu̧ru̧wa̧ Jesucrito-tä ppädä̧kua̧jä̧. Dio eseumä̧ 'kuäopünä̧ ukutäku kkä̧kua̧'a̧.

1 Juan 2:5

Ja̧'wa̧nü̧ ja̧'a̧nä̧ i̧wȩnȩ ukuotü jȩpü̧ kkü̧nä̧tä̧ja̧'a̧, Dio eseu repeü juekuächäkumä̧; ja̧'wa̧nü̧ jo̧mȩttü̧ wo̧juä̧tü̧jä̧ Jua̧u̧nä̧ kkä̧tü̧jä̧ pä'ümä̧.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

1 Juan 5:3

Ujutu Dio-rü eseu repetümä̧ i̧jȩkuä̧cha̧'a̧, Chutä weinü̧ wȩnȩ tukuotomȩnä̧. Jua̧u̧ ukuotäkuäwämä̧ juiyomä̧ jeruwokü ja̧'a̧.

2 Juan 1:6

Ja̧'wa̧ta̧nü̧ eseu repeäkuäwämä̧ Dio weü wȩnȩ päü'anü̧ ttü̧ja̧kua̧ pä'ü kkada'kawa'a, ja̧'wa̧nü̧ ja̧'a̧ttü̧ ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧ku̧ta̧'a̧nü̧ eseu repe'ünü̧ kka̧kuä̧tu̧kui̧.

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.