San Juan 14:2 - Nuevo Testamento Uwotjüja

² Chä'o ojusodenä̧mä̧, kkä̧kuä̧wä̧ oduwiyämä̧ rü̧ȩnä̧ kka̧'a̧; ja̧'wa̧nü̧ jü̧ juiyüttümä̧ jidäwo̧ko̧u̧ pa̧ja̧tü̧jä̧. Ja̧'wa̧nü̧ ja̧'a̧ttü̧ ku̧jä̧tu̧kuä̧kuo̧mȩ aditü kku̧nu̧ 'chü̧sä̧;

TÄ̧DO Ä̧CUÄ̧ I̧HUȨNȨ

² Chä'o ojusodemä rö̧ȩnä̧ oduhuiyä ja̧'a̧. Ja̧'hua̧nö̧ jö̧ juiyöttömä, ucuturu ji'ähuocö pajisä. Ttö chi̧'chä̧cua̧sä̧ cuoduhuiyätucu aditö cädäda.

San Juan 14:2 Iomraidhean Croise

San Lucas 14:22

Ja̧'wa̧nü̧ jä̧ji̧ o'ka'a, ru̧wa̧ u̧mü̧wä̧ya̧mä̧ pä'inü̧: Chu̧ru̧wa̧ wekuäjimä̧ o'kajuiyünä̧ jȩchä̧ja̧'a̧nä̧, ji̧nä̧ pä̧kuä̧wä̧mä̧ kki̧'ä̧ja̧'a̧.

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Juan 13:36

Simón Peduru-mä̧, Jesú-ru pä'inü̧: —Chu̧ru̧wa̧ ¿To kui̧'cha̧'a̧jä̧ttü̧? —Päku, Jesú-mä̧ ädätinä̧ku̧: Jitätämä̧, chi̧'cha̧'a̧mä̧ ichoküjä̧; ja̧'wa̧nü̧ ja̧'a̧nä̧, o'komȩnä̧ kui̧chä̧kua̧jä̧.

San Juan 14:28

Täkü ä̧ju̧kuä̧jä̧tü̧jä̧ pa̧'a̧nü̧ pädümä̧: 'Chi̧'i̧pü̧'ka̧'i̧nä̧ pä'äjita'anü̧ ukututäku ppa̧dä̧chä̧kua̧sä̧ päda'amä̧. Isopäi'ünä̧ ttürü eseu repekuätukuttümä̧, rü̧ȩnä̧ esewajatüjä̧, Chä'o ü̧ja̧'a̧ 'chü̧sä̧ päda'a kuä̧ju̧kuä̧tu̧kua̧'a̧ttü̧, jua'amä̧ Chä'omä̧ ttüttü'i̧nä̧ abonä̧nü̧ wa̧ ja̧'a̧ttü̧.

San Juan 16:4

Pi̧yȩmä̧ ji̧dä̧wä̧u̧jä̧, jua̧u̧nü̧ mo̧ro̧ rȩbȩä̧kuä̧wo̧mȩnä̧, täkü jiäwinä̧u̧jä̧ pä'ü kuamükuädätukuäkua'anü̧, Ä̧kuo̧mȩnä̧mä̧, pi̧yȩmä̧ jidäwo̧ko̧u̧ pinä̧tü̧jä̧, ji̧nä̧ ukututäku chü̧ja̧'a̧ttü̧.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

2 Corintios 5:1

Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

1 Tesalonicenses 5:9

Isopäi'ünä̧ Dio-mä̧ usurä tȩmä̧u̧nä̧ ro̧ȩpa̧tü̧ pä'ümä̧ i'ätȩto̧ko̧u̧ pinä̧tü̧jä̧. Tu̧ru̧wa̧ Jesucrito-nä̧, ra̧wä̧pi̧jü̧ttü̧ kki̧'i̧kuä̧tä̧ tȩma̧ päinä̧u̧jä̧.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

Hebreos 11:10

Jua'amä̧, Abraha̧-mä̧ tta̧wä̧ra̧'a̧ttü̧ ji̧na̧'a̧, kkada'kiyu 'kiyünä̧ kka̧ku̧, Chutä Dio amükuädü aditü u̧ju̧ni̧nü̧ ütawiyä tta̧wä̧ra̧'a̧ttü̧.

Hebreos 13:14

Isopäi'ünä̧ pi̧jä̧ttü̧mä̧, ütawiyä beipächünätä kka̧kú̧; ujutumä̧ usätüjä̧ yodoji kkä̧kuä̧wä̧kuȩ ütawiyä.

Hebreos 6:20

Jua'a Jesú ä̧kuo̧mȩnä̧ doächi'omȩnä̧mä̧, tu̧mä̧nä̧ ba'epinü̧, 'kuäopünä̧tä̧ sacerdote-tü̧ ttu̧ru̧wa̧ päinü̧nä̧tä̧ jü̧nä̧, Mequisede aditäwänä̧ winä̧tü̧ ji̧nü̧ta'anü̧.

Hebreos 9:8

Pi̧yȩ pä'amä̧ Epíritu Sa̧tu̧mä̧ tu̧wo̧jui̧pa̧ pä'ü pä'inü̧, ji̧nä̧ ä̧kuo̧mȩnä̧ I̧so̧ka̧ Ro̧ka̧ kka̧'a̧nä̧mä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧ dottächa pä'ümä̧ weyekua'a pä'ü.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 21:2

Ja̧'wa̧ta̧nü̧ ttü Ju̧a̧-mä̧ topinü̧sä̧, surojü juiyü ütawiyä, jareünä̧ Jerusarȩ́, mo̧ro̧jä̧ Dio ü̧jo̧mȩttü̧ mȩyȩwä̧ja̧'a̧. Yajute kkirekuorü kkü'käwa pä'ü kkü̧'ka̧tä̧wi̧'a̧'a̧ jä̧'i̧nü̧'a̧nü̧.

Apocalipsis 3:12

Isó juo'epü surojü abo 'kuä'o'ürümä̧ chu̧ru̧wa̧ Dio-rü ukuokuäkuäwode 'chu̧ä̧rä̧'ka jü̧nä̧ jȩchä̧kuä̧u̧, juorümä̧ yoriso rättopü juiyünä̧tä̧; ja̧'wa̧ta̧nü̧ juätürümä̧ chü̧ä̧nä̧wa̧ Dio i̧mi̧'i̧nä̧, jareü ütawiyä Jerusarȩ́ mo̧ro̧jä̧ra̧'a̧ Dio-ttü ichü i̧mi̧'i̧nä̧, jareünä̧ chi̧mi̧'i̧nä̧ wȩyu̧tu̧ chü̧tä̧kua̧sä̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.