San Juan 13:8 - Nuevo Testamento Uwotjüja

⁸ Peduru pä'inü̧: —Yorisotä, chü̧jä̧pi̧yä̧ kutukattü pä'ümä̧, ukurumä̧ we'äwokü chä̧kua̧sä̧, Päku, Jesú-mä̧, ädätinü̧: —Ukuru chütükü juiyüttümä̧, ttüttümä̧ i̧mi̧ku̧ kuä̧kua̧jä̧.

TÄ̧DO Ä̧CUÄ̧ I̧HUȨNȨ

⁸ Ja̧'hua̧ ja̧'a̧ Pedro pä'inödo: —Ttö chö̧jä̧pö̧mä̧ yoröiso töcocöjä. Jesús päinäcudo: —Cu̧jä̧pö̧ chötöcö juiyöttömä, ttöcu cue'ächocöjä juhua'a yabonömä.

San Juan 13:8 Iomraidhean Croise

San Mateo 16:22

Ja̧'wa̧nü̧ jiäwäjiyäku Peduru-mä̧, kkoromȩku̧ o'ipächü i̧'chü̧ juiya pä'ü ukuokuinä̧ku̧: —¡Chu̧ru̧wa̧, jua̧u̧ 'kuäopaku pä'ümä̧! ¡Dio-mä̧ pä̧wä̧juiyäkü!

San Mateo 21:29

Päomȩnä̧, i̧tti̧mä̧, pä'inü̧: ¡'Cho̧kü̧sä̧!, jü̧nä̧; päja'anä̧, amükuädi'ü aditü 'chi̧nü̧.

San Mateo 26:33

Peduru-mä̧ ädätinä̧ku̧: —O'katoi'ünä̧ ukuttü düttekuächa'anä̧, ttümä̧ tü'ipokü chä̧kua̧sä̧.

San Mateo 26:35

Päomȩnä̧, Peduru-mä̧ yabonü̧ pä'inü̧: —Ukutäku tode'ächüttü'i̧nä̧, wä̧i̧nä̧ ja̧'a̧nä̧, ukú kutü'kümä̧ ä̧ppü̧tä̧ro̧kü̧ chä̧kua̧sä̧. Pä̧i̧yä̧u̧ u̧wo̧juȩtä̧u̧mä̧ o'katoi'ünä̧tä̧ ja̧'wa̧nü̧tä̧ pä'inä̧tü̧.

San Juan 13:6

Ja̧'wa̧nü̧ ja̧'a̧, jitä Peduru ukú, päku, Peduru-mä̧ pä'inü̧: —Chu̧ru̧wa̧, ¿Ukú kutuka'a tä̧jí̧, ttü chi̧jä̧pi̧yä̧mä̧?

San Juan 13:9

Päopo'äku, Simón Peduru-mä̧, pä'inü̧: —Chu̧ru̧wa̧, chi̧jä̧pi̧yä̧tä̧mä̧kü̧, jua̧u̧nu̧mä̧ chu̧mü̧'i̧nä̧, chu'i̧nä̧ tükittü.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

Hechos 22:16

Ja̧'wa̧nü̧ ja̧'a̧ttü̧, yabonü̧ rekuomä̧ tta̧kuä̧ro̧ka̧'a̧, ä̧rä̧mi̧'ü̧, bautizo jȩpä̧kuä̧u̧, Ku̧ru̧wa̧rü̧ ajuäkuäunü̧ jä'epi surojü jȩpü̧ ikuaku.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

Colosenses 2:23

Isopäi'ünä̧ jua̧u̧mä̧ wo̧juä̧wä̧ ppädü 'kua̧rü̧ jä'i̧nü̧'a̧nü̧ ja̧'a̧, Dio-rü ukuoku'i̧nä̧, adiu ukuotü 'kua̧rü̧nä̧'i̧nä̧, ttidepä usurä ȩmä̧u̧nä̧ jȩtta̧'a̧ttü̧. Ja̧'wa̧nü̧ ja̧'a̧nä̧ ppädokü ja̧'a̧ ttidepä jäepümä̧.

Tito 3:5

ja̧'wa̧ta̧nü̧ ujutumä̧ adiu jȩti̧yä̧ku̧mä̧ ppädoko̧u̧ pinä̧tü̧jä̧ ja̧'wa̧nü̧ ja̧jü̧jueimä̧ chutä rȩrü̧jü̧nü̧ toomȩttü̧tä̧ surojümä̧ tükü iku pä'äjita'anü̧ uwäbetü ja̧'wa̧ta̧nü̧ tujuru jü̧nä̧ iyinä̧u̧jä̧ Epíritu Sa̧tu̧nä̧.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.