San Juan 13:34 - Nuevo Testamento Uwotjüja

³⁴ Ji̧yȩtȩ jareünä̧ weäwä wȩnȩ we'üsä, ukuturu: Yotukunä̧ eseu repe'äkuäwätukui; ttü ukuturu eseu repedä'ijüta̧'a̧nü̧ ja̧'wa̧ta̧nü̧ ukutu'i̧nä̧ eseu repe'äkuäwätukui.

TÄ̧DO Ä̧CUÄ̧ I̧HUȨNȨ

³⁴ Ucuturu jareönä hueähuä huȩnȩ iyösä jitä. Korotö korotönörö repe'ätucui. Ucuturu repedinö ta'anö ucutu'inä korotö korotönörö repecuhuätucuäcua'a̧nö̧.

San Juan 13:34 Iomraidhean Croise

San Mateo 5:44

Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

San Juan 15:17

Pi̧yȩ ukuturu we'üsä: Yotukunä̧, eseu repe'äkuäu kka̧kuä̧tu̧kui̧.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

Romanos 13:10

Ttawaruwärü eseu repeäkuäwämä̧, surojuoepokü; ja̧'wa̧nü̧ ja̧'a̧ttü̧ weäwä wȩnȩmä̧ ka̧ka̧kuä̧cha̧'a̧ repe'ü eseäkuäwänä̧tä̧.

Romanos 13:8

Ya̧tȩrü̧'i̧nä̧ kuimippotätukuoka'a, kkorotüku eseu repe'äkuäwätukui; isopäi'ünä̧ a̧wa̧ru̧wa̧ ü̧jä̧wa̧rü̧ eseu repe'ümä̧ o'kajuiyünä̧ weäwä wȩnȩ weümä̧ jȩpü̧.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

Gálatas 6:2

Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Colosenses 1:4

Tu̧ru̧wa̧ Jesucrito-rü kua̧'kua̧ ku̧wȩnä̧rä̧tu̧ku̧'i̧nä̧, ja̧'wa̧ta̧nü̧ Dio i̧tti̧mü̧ wotürü repekuätukua'a'i̧nä̧ tä̧ju̧kui̧na̧'a̧ttü̧,

1 Tesalonicenses 3:12

Ja̧'wa̧ta̧nü̧ Tu̧ru̧wa̧tä̧ ku'uttächätukunä̧, o'katoi'ünä̧ku̧ kuesewätukunä̧ ppädätukuaku pä'ü jä'epätüjä̧ Tu̧ru̧wa̧rü̧mä̧, pärokua'aku ukuturu tesewuöta'anü̧.

2 Tesalonicenses 1:3

Chi̧jä̧wa̧tü̧, 'kuäopünä̧tä̧ Dio-rümä̧ teseu'anü̧ ja̧'a̧, ukutunä̧mä̧; isopäi'ünä̧ kua̧'kua̧ ku̧wȩnä̧rä̧tu̧ku̧mä̧ yabokutä rü̧ä̧cha̧'a̧ ja̧'wa̧ta̧nü̧ ujutu ya̧ku̧nä̧ kkorotürü teseäkuäumä̧ yabokutä rü̧ä̧cha̧'a̧.

Hebreos 13:1

Eseäkuäu, repe'äkuäu kka̧kuä̧tu̧kui̧, Crito-nä̧ kui̧jä̧wa̧tu̧ku̧ jü̧nä̧.

Santiago 2:8

Isopäi'ünä̧ ukuo weäwä wȩnȩ päü'a̧kuä̧ jȩ'kuä̧tu̧kuo̧mȩnä̧ adiu jȩpä̧tü̧jä̧, ja̧u̧ wȩyu̧kuä̧ wȩnȩmä̧ pä'a: «kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ eseunu̧ repe'i.»

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

2 Pedro 1:7

ja̧'wa̧ta̧nü̧ rȩrü̧jü̧ toäkuäwätä ttawaruwäku eseäkuäwära̧'a̧; ja̧'wa̧ta̧nü̧ ttawaruwäku eseäkuäwätä eseunu̧ repeäkuäwära̧'a̧.

1 Juan 3:11

Isopäi'ünä̧, pi̧yȩ wȩnȩ ja̧'a̧ ä̧kuo̧mȩnä̧ttü̧tä̧ päi'ünä̧ kuä̧ju̧kui̧nä̧tu̧ku̧mä̧: «Yotükupünä̧ eseu repe'äkuäu tü̧ja̧kua̧ pä'ü.»

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.

1 Juan 4:21

Ja̧'wa̧ta̧nü̧ Jua̧u̧mä̧ pi̧yȩ jȩpü̧ kkä̧kuä̧wä̧ weinä̧u̧jä̧: «Dio-rü eseu repe'ümä̧, a̧wa̧ru̧wa̧ i̧jä̧wa̧rü̧'i̧nä̧ eseu repe'i,» jü̧nä̧.

2 Juan 1:5

Ja̧'wa̧ta̧nü̧ jitämä̧, chawaruwä chü̧jä̧wa̧tü̧, kkorotüku repe'äkuäu kka̧kuä̧tu̧kui̧ pä'ü ajuäwäkuäunü̧ jädepä̧u̧jä̧. Pi̧yȩ chi̧wȩyu̧tu̧mä̧ jareü wȩnȩmä̧kü̧ ja̧u̧ ja̧jü̧jueimä̧ ä̧kuo̧mȩnä̧tä̧ päi'ünä̧ tȩmi̧nü̧ ja̧'a̧.