San Juan 13:18 - Nuevo Testamento Uwotjüja

¹⁸ Ukutu o'katoi'ünä̧ kutü'kütukumä̧ pädoka'anä̧; pojopü chȩmi̧nä̧u̧ru̧mä̧ wo̧jua̧sä̧. Ja̧'wa̧nü̧ ja̧'a̧nä̧ wȩyu̧kuä̧ wȩnȩ päümä̧ jo̧mȩnü̧ 'kuäopa pä'ü ja̧'a̧: Ttüku u̧kuȩ kumä̧, chaboi̧ya̧ jü̧nä̧ pä'i'äji.

TÄ̧DO Ä̧CUÄ̧ I̧HUȨNȨ

¹⁸ “Ucutu o'ca toi'önärö ji'ähuocösä. Odipinä̧u̧ru̧ huo̧jua̧sä̧ ttömä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ 'cuäopäcua'a pä'ösä. Ja̧u̧ huȩnȩ päa'a: “Ya̧tȩ ttöcu cumä, cha̧bo̧i̧ya̧ pä'i'äji.”

San Juan 13:18 Iomraidhean Croise

San Mateo 10:36

Ja̧'wa̧nü̧ ja̧'a̧ttü̧ ttü̧ja̧sa̧ aboiyotümä̧, chutä ukuojattü awaruwätä jä̧kua̧'a̧.

San Mateo 26:21

Ja̧'wa̧nü̧ ttu̧kuȩ ttukua'a 'kä̧tȩnä̧ päinä̧u̧: —Isopäi'ünä̧ pä'üsä ukuturu, ukututtü ya̧tȩ ttürü iyü i̧kuä̧kua̧ ja̧'a̧.

San Mateo 26:23

Jesú-mä̧ ädätinä̧u̧: —Ttütäku ji̧nä̧ ji̧bä̧tȩ sä̧rä̧bä̧nä̧, u̧kuä̧si̧ 'ti̧'ü̧ jä̧kua̧'a̧, ttürü iyü i̧kuä̧kua̧mä̧.

San Marcos 14:17

Ni̧pä̧cho̧mȩnä̧, Jesú-mä̧ doce-nü̧ wotü u̧wo̧juȩtä̧u̧ku̧ juȩnȩ ichi'inü̧.

San Marcos 14:18

Täkü, mesa isodänä̧ ttu̧kuȩ kuä̧nü̧ ttü̧'ȩja̧'a̧, Jesú-mä̧ päinä̧u̧: —Jueünä̧tä̧ pädäu̧jä̧, ukututtü ya̧tȩ, ttüku u̧kuȩ kuä̧nü̧ pü̧ ja̧'a̧, ttürü iyü i̧kuä̧kua̧mä̧.

San Marcos 14:20

Pättä'chiyäku, Jesú-mä̧ päinä̧u̧: —Jua̧u̧mä̧, doce-nü̧ wotüttü ya̧tȩ, ttütäku, ji̧nä̧ ji̧bä̧tȩnä̧ trigo i̧ri̧si̧ 'ti̧'ü̧ jä̧kua̧'a̧.

San Lucas 22:21

Ja̧'wa̧nü̧ ja̧'a̧nä̧, ttürü iyü ikumä̧, pȩnȩtä̧ mesa-nä̧ pü̧ ja̧'a̧.

San Juan 13:21

Pi̧yȩ pä'ü kä'ädü, Jesú-mä̧ rü̧ȩnä̧ a̧'kua̧nä̧ a̧'u̧ru̧jä̧chi̧'ä̧ku̧, o'kajuiyünä̧ wäjuönä̧tä̧ pä'inü̧: —Isopäi'ünä̧tä̧ pädäu̧jä̧: ukututtü ya̧tȩ ja̧'a̧ ttürü iyü i̧kuä̧kua̧mä̧.

San Juan 13:22

Ja̧'wa̧nü̧ pä̧i̧yä̧u̧, u̧wo̧juȩtä̧u̧mä̧ topäkuäwinä̧tü̧, dirü pä'ajó pä'ü.

San Juan 13:26

Päku, Jesú ädätinü̧: —Jua̧u̧mä̧, chu trigo i̧ri̧si̧ 'ti̧'ü̧ chiyäku ja̧'a̧. Pä'ü kä'ädü, 'ti̧'o̧po̧'ü̧ Juda Icariote, Simón i̧tti̧rü̧ iyinü̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Juan 15:19

Ukutu pi̧jä̧ ttü̧ja̧ kuätukuttümä̧, pi̧jä̧ ttü̧ja̧mä̧ eseu repe'ajatü; ja̧'wa̧nü̧ ja̧'a̧nä̧ ukutumä̧ pi̧jä̧ ttü̧ja̧ kuätukuoka'attü̧, pi̧jä̧ttü̧ pojopü chȩmi̧nä̧u̧ kuätukua'attü pi̧jä̧ ttü̧ja̧mä̧ ttüjü'koko̧u̧jä̧.

San Juan 15:25

Ja̧'wa̧nü̧ ja̧'a̧nä̧, pi̧yȩmä̧, jitütä jäwä weäwä wȩnȩnä̧ wȩyu̧kua̧'a̧, pä'ijüta'a̧nü̧ 'kuäopa'a: «kkorojueimä̧ jȩcho̧ka̧'a̧nä̧, tta̧mi̧ suru tottinä̧ku̧sä̧» pä'ijomȩ.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Juan 18:32

Pättomȩnä̧; Jesú-mä̧, Churutä kuä'ü tti̧kuä̧kuȩ ukuokuinü̧, jo̧mȩnü̧ päia'a ji̧na̧'a̧.

San Juan 19:24

Ja̧'wa̧nü̧ jȩpü̧ su̧ro̧do̧u̧mä̧ pä'äwinä̧tü̧: —Sȩro̧pü̧mä̧ tiku juiyä̧ta̧kua̧, jȩpü̧ totätukua dirü pätekuächaja pä'ü. Ja̧'wa̧nü̧ jȩtto̧mȩnä̧, pa̧'a̧nü̧ wȩyu̧tu̧ rütäwä ji̧nü̧tä̧ 'kuäopina̧'a̧: «Chi̧ä̧rȩta̧mä̧, jitütä iyä'chäkuäwinä̧tü̧, ja̧'wa̧ta̧nü̧ wä̧mȩnä̧ chü̧'ka̧tä̧wä̧ta̧'i̧nä̧, dirü pätekuächaja pä'ü jȩpi̧nä̧tü̧.»

San Juan 19:36

Isopäi'ünä̧ pi̧yȩmä̧ 'kuäopina̧'a̧, wȩyu̧kuä̧ wȩnȩ pa̧'a̧nü̧ päü'a̧kuä̧: «Iwe'kamä̧ 'tettädokä̧kua̧,» jü̧nä̧.

San Juan 21:17

Wäbodäkuänä̧ päi'ünä̧ päinä̧ku̧: —Simón, ukú Joná i̧tti̧mä̧ ¿Ttürü eseu repe'üjä̧? Peduru-mä̧, wäbodäkuänä̧ päi'ünä̧ repekuäkusä pä'ü jäepäku, a̧'kua̧tta̧nü̧ pä'i'ü ädätinä̧ku̧: —Chu̧ru̧wa̧, ukumä̧ o'kajuiyünä̧tä̧ wo̧jua̧jä̧; ukutäjä̧ ukuru eseu repeda'a wo̧jua̧mä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'a̧ri̧yi̧ttü̧.

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

Hechos 1:16

Chawaruwä chi̧jä̧wa̧tü̧, wȩyu̧kuä̧ wȩnȩ päüta'anü̧, Dawi-nä̧ Epíritu Sa̧tu̧ ukuokuinü̧ta'anü̧ 'kuäopina̧'a̧, Jesú-ru kuä'ü ttikua pä'ü 'chuttädünä̧ iyü ikuinü̧, Juda ütü'kümä̧.

Hechos 1:2

Epíritu Sa̧tu̧ a̧'kua̧iweyenä̧, umüwäyotü apótore-rü jȩttä̧kuȩ wȩnȩ we'äji̧'ka̧ mo̧ro̧jä̧ra̧'a̧ käekuächino̧mȩbü päi'ünä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Hebreos 4:13

Yoriso ji̧yȩtȩ'i̧nä̧ Dio ä'ka jo̧mȩttü̧ dajäwämä̧ juiya'a; o'kajuiyünä̧tä̧ wäjunä̧ i̧jȩku̧tä̧ ja̧'a̧, Churutä jȩti̧nü̧ ti̧jȩpä̧kua̧'a̧ttü̧.

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.