San Juan 13:13 - Nuevo Testamento Uwotjüja

¹³ Ukutumä̧, ttürümä̧, pä'ä'ijä̧tü̧jä̧, «Chu̧ru̧wa̧,» «Wo̧juȩkuä̧ i̧sa̧,» jü̧nä̧; jua'amä̧ adiu pä'ätüjä̧, iweye jua̧u̧tä̧ cha'attü.

TÄ̧DO Ä̧CUÄ̧ I̧HUȨNȨ

¹³ Ucutumä, Huo̧juȩcuä̧ I̧sa̧'i̧nä̧, Tu̧ru̧hua̧'i̧nä̧ pä'ätöjä ttörö. Ja̧'hua̧nö̧ päcuhuätucuomenä, ttötäsä. Adiu pä'ätöjä ja̧'hua̧nö̧mä̧.

San Juan 13:13 Iomraidhean Croise

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Lucas 10:28

päiyäku, Jesú-mä̧ päinä̧ku̧: —Adiu ädätüjä̧, jua̧u̧ jȩpü̧tä̧ ku̧ju̧nä̧rä̧kua̧jä̧ kkä̧kuä̧wä̧ i'komä̧.

San Lucas 6:46

¿Tta̧'a̧nü̧ pä'ü: Chu̧ru̧wa̧, Chu̧ru̧wa̧, pä'ü wo'kuätukuäkusä̧ttü̧, Ttü pädümä̧ jȩ'kuä̧tu̧kuo̧ka̧'a̧nä̧?

San Lucas 7:43

Päku, Simón-mä̧ ädätinü̧: Ttü pädümä̧, rü̧ȩnä̧ mi̧ppotürü jȩpü̧ ikuinä̧ku̧ 'kua̧ra̧'a̧. Päiyäku, Jesú päinä̧ku̧: —Jueünä̧tä̧ pä'üjä̧.

San Juan 11:2

Paju María, Rázaru ubüamä̧, juäjutä ji̧na̧'a̧ Tu̧ru̧wa̧ Jesucrito-rü ü̧jä̧pü̧nä̧ a̧mȩwoya tu'epü kkuwo'chenä̧ 'ka̧'i̧nä̧jü̧ pinä̧ju̧mä̧.

San Juan 11:28

Pä'ü kä'ädi'ipütä, Marta-mä̧ kuijäwaju María-rü yä̧wȩi̧nä̧ o'opo'ü 'chä̧jä̧'kaju pä'inä̧ju̧: —Wo̧juȩkuä̧ i̧sa̧mä̧, pȩnȩtä̧ ichi'äji̧'ka̧ kkä̧nü̧, woäkuajä̧.

San Juan 11:3

Ja̧'wa̧nü̧ ja̧'a̧ttü̧ kkijäwajuku, Jesú-ru pa̧'a̧nü̧ pä'äjätukuirü pä'ü jittäwäjiyatü pä'ü we'inä̧tü̧: —Chu̧ru̧wa̧, kua̧wa̧ru̧wa̧ repekuä'ijäkumä̧ na̧'ä̧chü̧, pä'ü.

1 Corintios 12:3

Ja̧'wa̧nü̧ ja̧'a̧ttü̧, ukuturu ku̧wo̧juä̧tu̧kua̧ pä'ü pä'üsä, ya̧tȩ'i̧nä̧ Dio i̧sa̧ Epíritu-nä̧mä̧, Jesú-ru su̧ro̧pa̧ päa pä'ümä̧ juiya'a; ja̧'wa̧ta̧nü̧ ya̧tȩ'i̧nä̧ toa'a, ¡Jesú-ru Chu̧ru̧wa̧! pä'ümä̧, Epíritu Sa̧tu̧ toünä̧mä̧.

1 Corintios 8:6

ja̧'wa̧nü̧ ja̧'a̧nä̧, ujuturumä̧ ya̧tȩtä̧ ja̧'a̧ tü̧ä̧nä̧wa̧ Dio-mä̧, Tä'omä̧, o'kajuiyünä̧ jua̧u̧ aditäwätä ja̧'a̧ ja̧'wa̧ta̧nü̧ ujutu'i̧nä̧ jua̧u̧ru̧ pä̧wä̧rü̧jo̧mȩnä̧tä̧ kka̧kuä̧tü̧jä̧. Ja̧'wa̧ta̧nü̧ Tu̧ru̧wa̧mä̧, ya̧tȩtä̧ ja̧'a̧ Jesucrito-tä, jua̧u̧nä̧tä̧tä̧ o'kajuiyünä̧ uwäbe'inü̧, ja̧'wa̧ta̧nü̧ ujututä'i̧nä̧.

Efesios 6:9

Ja̧'wa̧ta̧nü̧ ukutu tturuwotümä̧, ku̧wo̧juȩtä̧u̧rü ja̧'wa̧ta̧nü̧ jȩpä̧tu̧kui̧, yekuepe'ätukuoka'a. Amükuädätukui ukutu Ku̧ru̧wa̧tu̧ku̧'i̧nä̧, ku̧wo̧juȩtä̧u̧ Ttu̧ru̧wa̧'i̧nä̧ ji̧nä̧ ya̧tȩtä̧ ja̧'a̧ mo̧ro̧jä̧nä̧ kkü̧mä̧, isopäi'ünä̧ jua̧u̧mä̧ ttü̧ja̧rü̧mä̧ yoräteutä jȩpü̧.

Filipenses 2:11

Ja̧'wa̧nü̧ jȩpü̧, o'katoi'ünä̧ ukuokuätümä̧ Jesucrito-rümä̧ Tu̧ru̧wa̧ pättünä̧, jua'a yabo Jä'o Dio-rü uruwo tteseäkuäwa pä'ü.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

Santiago 2:19

Dio-mä̧ ya̧tȩtä̧ ja̧'a̧ pä'ü esetüjä̧, ja̧u̧ kuesetümä̧ adiwa'a; ja̧'wa̧ta̧nü̧ ä̧wȩttü̧'i̧nä̧ esetü ye'ekumä̧ ttü̧'ä̧wä̧tü̧.