San Juan 13:10 - Nuevo Testamento Uwotjüja

¹⁰ Päiyäku, Jesú-mä̧ ädätinü̧: —Täkü, tükäkuäwomȩmä̧, rekuä rü̧jo̧ka̧'a̧ ttütüka pä'ümä̧, kkara'amä̧ jo̧mȩnü̧ o'kajuiyünä̧ tea'attü̧. Ja̧'wa̧nü̧ ja̧'a̧ttü̧ ukutumä̧ tükäwotüjä̧, jua'akumä̧ o'katoi'ünä̧mä̧ jo̧ka̧'a̧nä̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ ja̧'a̧nä̧ Jesús päinäcudo: —Ya̧tȩ mo̧ro̧ji̧nä̧nö̧ töcähuäjirömä, ö̧jä̧pö̧tä̧ ötöcö'a̧nö̧ ja̧'a̧ koro idicuoca'attö. Ucututtu ya̧tȩtä̧ idicumä, korotö ttiditoca'anä.

San Juan 13:10 Iomraidhean Croise

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Juan 13:18

Ukutu o'katoi'ünä̧ kutü'kütukumä̧ pädoka'anä̧; pojopü chȩmi̧nä̧u̧ru̧mä̧ wo̧jua̧sä̧. Ja̧'wa̧nü̧ ja̧'a̧nä̧ wȩyu̧kuä̧ wȩnȩ päümä̧ jo̧mȩnü̧ 'kuäopa pä'ü ja̧'a̧: Ttüku u̧kuȩ kumä̧, chaboi̧ya̧ jü̧nä̧ pä'i'äji.

San Juan 13:9

Päopo'äku, Simón Peduru-mä̧, pä'inü̧: —Chu̧ru̧wa̧, chi̧jä̧pi̧yä̧tä̧mä̧kü̧, jua̧u̧nu̧mä̧ chu̧mü̧'i̧nä̧, chu'i̧nä̧ tükittü.

San Juan 15:3

Täkü, ukutumä̧ surojü juiyünä̧ aditü kku̧nä̧wo̧tü̧jä̧, ttü jidäwä'ijü ji̧yȩnä̧tä̧.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

Hebreos 9:10

Suro kuäkuäwätä, awäwätä, ttütükäwinü̧tä̧, jȩta̧jä̧ pä'ü rütäwä ji̧na̧'a̧ wä̧mȩnä̧ jäwätä, Dio kkoronä̧ ü'ärotomebütä päi'ünä̧ rü̧ȩnä̧ adiu mikuäu jäwänä̧.

Santiago 3:2

O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.