San Juan 12:36 - Nuevo Testamento Uwotjüja

³⁶ Tȩya̧u̧nä̧ esetätukui, ji̧nä̧ tȩya̧u̧ ku̧ju̧nä̧rä̧tu̧kuä̧i̧tä̧, jua̧u̧ tȩya̧u̧ i̧tti̧mü̧ kuätukuäkua'anü̧. Pi̧yȩ pä'ü kä'ädi'ipütä, Jesú-mä̧ rä'opächü, juätürü dajawächinü̧.

TÄ̧DO Ä̧CUÄ̧ I̧HUȨNȨ

³⁶ Ja̧u̧ tȩa̧u̧, ji̧nä̧ ucutucu ö̧ja̧'a̧ esetätucui, tȩa̧u̧ ttö̧ja̧ päcuhui'ätucua pä'ö. Ja̧'hua̧nö̧ ji'ähuäji'ca̧, Jesús jahuätö ttö̧jo̧mȩttö̧ rä'opächö, jahuätöttö dajahuächinödo.

San Juan 12:36 Iomraidhean Croise

San Mateo 21:17

Ja̧'wa̧nü̧ pä'ipütä, Betania ütawiyära̧'a̧ ä'ü 'chi̧nü̧.

San Mateo 5:14

Ukutumä̧ pi̧jä̧nä̧ttü̧ tȩya̧u̧ wotüjä̧. Mü̧ä̧'ka wä̧mȩ wȩjü̧ ütawiyämä̧ dajäwomȩ juiyü.

San Lucas 16:8

Ja̧'wa̧nü̧ ja̧'a̧ttü̧, suronä̧mä̧ jȩä̧'i̧ja̧'a̧nä̧ ja̧'wa̧nü̧ jȩä̧ji̧yä̧ku̧ u̧ru̧wa̧mä̧ rü̧ȩnä̧ esewinä̧ku̧. Isopäi'ünä̧ pi̧jä̧ jäwä i̧tti̧mü̧mä̧, jitütä ttaditäwä jo̧mȩnä̧mä̧, tȩya̧u̧ i̧tti̧mü̧ttü̧'i̧nä̧ abonä̧nü̧ ttawaruwärümä̧ adiwa'a, 'kua̧rü̧nä̧ jȩpä̧tü̧.

San Juan 1:7

Jua̧u̧mä̧, tȩya̧u̧ u̧wo̧jua̧'a̧; jua̧u̧ tȩya̧u̧ tü'kü jiäwa pä'ü ichinü̧ o'katoi'ünä̧ ttesetiyarü pä'ü.

San Juan 11:54

Ja̧'wa̧nü̧ ja̧'a̧ttü̧, Jesú-mä̧ täkü judío-tü̧ ttü̧'kä̧tȩnä̧mä̧ wäjuönä̧mä̧ kue'ächokü pinü̧, ja̧'wa̧nü̧ jä̧ku̧ judea rȩjȩttü̧ rä'opächinü̧, tü'künä̧nü̧, Efraín pä'ü mikuomȩku̧; jua'atä kki̧nü̧ u̧wo̧juȩtä̧u̧ku.

San Juan 12:37

Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

San Juan 3:21

Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

San Juan 8:59

Päomȩnä̧, juätü judío-mä̧ inä̧du ȩmi̧nä̧tü̧ ikuäu ttikuarü pä'ü; ja̧'wa̧nü̧ ja̧'a̧nä̧ Jesú-mä̧, ttü̧ja̧ ttü̧'kä̧tȩ jo̧mȩnä̧ dajawächü Dio-rü ukuokuäkuäwodettümä̧ rä'opächinü̧.

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

1 Tesalonicenses 5:5

Isopäi'ünä̧ ukutumä̧ o'katoi'ünä̧ tȩya̧u̧, mo̧ro̧ jäwä i̧tti̧mü̧jä̧; yodomä̧, yo̧ü̧mä̧ i̧tti̧mü̧mä̧kü̧jä̧.

1 Tesalonicenses 5:8

Ja̧'wa̧nü̧ ja̧'a̧nä̧, ujutu mo̧ro̧ isotümä̧, amükuä̧rü̧nü̧ tü̧ja̧kuä̧tu̧kua̧; eseäkuäwä'i̧nä̧, tta̧'kua̧ wȩnä̧rä̧kuä̧wä̧'i̧nä̧ 'ka̧tä̧wi̧'ü̧, surojüttü kki̧'ä̧kuä̧wä̧ tta̧'ä̧rü̧nü̧, isätta 'kiyätta ttü̧'ka̧tä̧wi̧'a̧'a̧ 'kua̧rü̧nä̧.