San Juan 12:34 - Nuevo Testamento Uwotjüja

³⁴ Pä̧i̧yä̧u̧, ttü̧ja̧mä̧ ttädätinä̧ku̧: Weäwä wȩnȩnä̧mä̧, Crito-mä̧ 'kuäopünä̧ ü̧jä̧kua̧ pä'ija'atä wo̧juä̧tü̧jä̧. ¿Toku pä'ü, Ubo I̧tti̧mä̧ rȩjȩttü̧ tto̧ä̧chä̧kua̧ päkua'ajä̧ttü̧? ¿Díjä̧ttü̧ Ubo I̧tti̧mä̧?

TÄ̧DO Ä̧CUÄ̧ I̧HUȨNȨ

³⁴ Jahuätö ttö̧ja̧ ädätinätödo: —Hueähuä huȩnȩ ttucuocuomenä, Cristo 'cuäopönä ö̧jä̧cua̧ ttucuocua'a ä̧ju̧cui̧nä̧tö̧jä̧. Ucumä, ¿tta̧'a̧nö̧ päcuhuättö Ubo I̧tti̧rö̧ cättepäcuotö pä'ö? Ubo I̧tti̧mä̧, ¿tidejä̧ttö̧?

San Juan 12:34 Iomraidhean Croise

San Mateo 16:13

Jesú-mä̧, Filipo rȩjȩnä̧, cesarea ütawiyänä̧ rȩbȩwi̧pä̧ji̧'ka̧ u̧wo̧juȩtä̧u̧rü jä'epü ä̧ju̧kui̧nü̧: —¿Tta̧'a̧nü̧ pättä'ijä̧ttü̧ ttü̧ja̧mä̧, ttü ubo I̧tti̧ chütü'kümä̧?

San Mateo 21:10

Jerusarȩ́ ütawiyänä̧, Jesú-mä̧ doächi'omȩnä̧ ütawiyä ttü̧ja̧mä̧ o'katoi'ünä̧ ye'ü pä'inä̧tü̧. —¿Díjä̧ttü̧ jua̧u̧mä̧? pä'ü jä̧'ȩpä̧ri̧nä̧tü̧.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Juan 10:34

Pättäku, Jesú-mä̧ ädätinä̧u̧: —¿Ukuturu weäwä wȩnȩnä̧mä̧, päoka'a: «Ukutumä̧ ttü̧ä̧nä̧wo̧tü̧jä̧ pädäjä̧u̧jä̧»?

San Juan 12:32

Ja̧'wa̧nü̧ ja̧'a̧nä̧, pi̧jä̧ rȩjȩttü̧ ttodächi'omȩnä̧, o'katoi'ünä̧rü̧ ttüku ttichünä̧ jȩchä̧kua̧sä̧.

San Juan 15:25

Ja̧'wa̧nü̧ ja̧'a̧nä̧, pi̧yȩmä̧, jitütä jäwä weäwä wȩnȩnä̧ wȩyu̧kua̧'a̧, pä'ijüta'a̧nü̧ 'kuäopa'a: «kkorojueimä̧ jȩcho̧ka̧'a̧nä̧, tta̧mi̧ suru tottinä̧ku̧sä̧» pä'ijomȩ.

San Juan 8:28

Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

Romanos 3:19

Ja̧'wa̧nü̧ ja̧'a̧nä̧ o'kajuiyünä̧ weäwä wȩnȩ päümä̧, jua̧u̧nä̧tä̧ ukuotü kka̧kuä̧tü̧rü̧ pä'a; o'katoi'ünä̧tä̧ ttü'koruchi'a pä'ü ja̧'wa̧ta̧nü̧ pi̧jä̧ o'kajuiyünä̧ kka̧kuä̧tü̧mä̧, Dio pä'aku, ttümä̧ su̧ro̧pa̧sä̧ pättäwa pä'ü.

Romanos 5:18

Ja̧'wa̧nü̧ ji̧na̧'a̧ttü̧, Adá̧ suronä̧ jȩi̧na̧'a̧mä̧ ro̧ȩkuä̧kuȩra̧'a̧tä̧ pätekuächina̧'a̧ o'katoi'ünä̧rü̧tä̧, ja̧'wa̧nü̧ ji̧nü̧ta'anü̧ päi'ina̧'a̧ o'katoi'ünä̧rü̧ Jesucrito aditü iku tta̧'kua̧rü̧ iyina̧'a̧mä̧.

Hebreos 7:24

Ja̧'wa̧nü̧ ji̧na̧'a̧nä̧, Jesú-mä̧ wa'ü ikuokü ja̧'a̧ttü̧, sacerdote jü̧nä̧ aditäwämä̧ 'kuäopünä̧tä̧ pärowächoka'a.