San Juan 12:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧ u̧wo̧juȩtä̧u̧mä̧, ä̧kuo̧mȩnä̧mä̧, pi̧yȩ wȩnȩmä̧ wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧nä̧, 'korujuo'ächäji̧'ka̧ ttoächomȩnä̧tä̧ o'kajuiyünä̧ jua̧u̧ru̧ jȩtti̧nü̧'i̧nä̧ ja̧'wa̧ta̧nü̧ chutä jȩi̧nü̧'i̧nä̧ wȩyu̧kua̧'a̧ pȩjü̧mä̧ wo̧jui̧'i̧nä̧tü̧.

TÄ̧DO Ä̧CUÄ̧ I̧HUȨNȨ

¹⁶ Äcuomenä ja̧u̧ huȩnȩ päömä 'cucuächi'oca'a ä̧ju̧cui̧nä̧tö̧do u̧huo̧juȩtä̧u̧mä̧. Ja̧u̧nu̧ o'ca'a, Jesús ttoächomenä, ja̧u̧ o'ca juiyönä ja̧u̧ru̧ huȩyu̧cua̧'a̧ amöcuädinätödo. Ja̧'hua̧nö̧ huȩyu̧cua̧'a̧ttö̧, ihueye 'cuäopina'ado ja̧u̧ru̧.

San Juan 12:16 Iomraidhean Croise

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

San Marcos 9:32

Ja̧'wa̧nü̧ jiäwa'anä̧ yoriso wo̧jui̧'o̧ko̧tü̧ pinä̧tü̧; ja̧'wa̧nü̧ jä̧u̧ jättepa pätta'anä̧ ye'ekuinä̧tü̧.

San Lucas 18:34

Pä'anä̧, Jesú jiäumä̧ wo̧jui̧'o̧ko̧tü̧ pinä̧tü̧, jua̧u̧ jueimä̧ ttieru jäwä ja̧'a̧.

San Lucas 24:25

Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!

San Lucas 24:45

Ja̧'wa̧nü̧ ji'äu, ttu̧wo̧jui̧pü̧nä̧ tta̧mü̧kuädü bawepinä̧u̧, wȩyu̧kuä̧ wȩnȩ ttu̧wo̧jui̧pa̧ pä'ü.

San Lucas 9:45

Ja̧'wa̧nü̧ pä'anä̧ juätümä̧, pi̧yȩ tü'kümä̧ yoriso wo̧jui̧'o̧ko̧tü̧ pinä̧tü̧, jua'amä̧ ttu̧wo̧jui̧pü̧ juiyünä̧ jȩpü̧ kku̧nä̧wa̧'a̧ttü̧; ja̧'wa̧ta̧nü̧ pi̧yȩ tü'kümä̧ ye'eku jä'epü ttä̧ju̧kuo̧ko̧mȩtä̧mä̧.

San Juan 12:23

Jesú-mä̧ ädätinä̧u̧: —Ubo I̧tti̧ wa'arettü ttoächä̧kuȩ mo̧ro̧ rȩbȩä̧kuä̧wa̧'a̧.

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Juan 16:4

Pi̧yȩmä̧ ji̧dä̧wä̧u̧jä̧, jua̧u̧nü̧ mo̧ro̧ rȩbȩä̧kuä̧wo̧mȩnä̧, täkü jiäwinä̧u̧jä̧ pä'ü kuamükuädätukuäkua'anü̧, Ä̧kuo̧mȩnä̧mä̧, pi̧yȩmä̧ jidäwo̧ko̧u̧ pinä̧tü̧jä̧, ji̧nä̧ ukututäku chü̧ja̧'a̧ttü̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 2:22

Ja̧'wa̧nü̧ ja̧'a̧ttü̧, Jesú wa'arettü ttoächomȩnä̧mä̧, u̧wo̧juȩtä̧u̧mä̧ ukuokuinü̧ ji̧nü̧ amükuädi'inä̧tü̧; ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧'i̧nä̧, Jesú ukuoku'i̧nä̧ esetinä̧tü̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 8:1

Ja̧'wa̧nü̧ ji̧na̧'a̧ ji̧nä̧so ji̧yȩtä̧ ukuo jäwä pätümä̧ pi̧yȩ ja̧'a̧, sacerdote-tü̧ ttu̧ru̧wa̧mä̧ mo̧ro̧jä̧nä̧ kkü̧ Dio i̧dȩä̧kä̧ u̧wo̧jua̧'a̧ku̧nä̧ pä̧mä̧di̧nü̧ pä'ätüjä̧.